¹ Jnite naji kakunape tsurudaunai, nite Johanan, jlirri jliaji Carea, Jezanias jlirri jliaji Osaias, nite naji inaiqui tsudajlipenakuite, natsumitaca jlia Jeremia kaniquete. ² Nakaite jlishu, waumaka pinaitaka matsia washu, pitakaka wanaku Dios Inai, wanaku faa pikapajli, upipia aima pia faa. ³ Pitata Waminajli Inai jlikaitekarru querreka wawa, nite kuka wanaita. ⁴ Jnite Jeremias iaku nashu: numina ishu. icapa, nutatenautsa jlinai jliaji waminajli, jlinaku jliaji yumajli. ⁵ Jnite naku Jeremias Ishu: kamitsa wauma waminajli ajadajli jlikaiteka jliaji pimanajli Dios wanaku, kurrikapua wanaita piumi liaji pimanajli imenakaka wanaita. ⁶ Nintsa matsia dajlika u matsidajlika, fepakautsa jlicaiterri washu jliaji waminajli Dios, jliaji yucuti wamenakajli pishu, matsiacarruatsa jliakau washu fecakadanacuenautsa ajadajli jliaku jliaji waminajli. ⁷ jliwayakakadanacua jliaji yamema picapi jaledauka, waminajli iacu iucacau Jeremias Ishu. ⁸ nite Jeremias Iwanaka Johanan, jlirri jlia Carea, nite tsaca piumi tsuludaunai iminanai, kaitsaka nakashu naji inaiqui tsudajlipe nacuite, liucatsacawa pequipenainaku. ⁹ nite jliaku nashu: Waminajli Icaiteka Ishu Israel iada, jlinaku liaji iacuti itatajli jlinai. ¹⁰ Idiakadawa tsenka iufawa aaji yufakarrum, nuwapakautsa sha kutsautsa kuankaujli nupekukasha; nudawatsa ishu matsiakajli, nuenitautsa yuya jkiaji matsikajli katsa jliaji nunujli nukaite ishu. , ¹¹ mawiutsua jliwana jliaji Babilonia iminajli, jliaji fiujli iwana. mawiutsau jlicaiteka ishu jliaji waminajli, nuakatsa inai imanacutaka, nutakarrusha jlikapirrikuite. ¹² nuwatsa ishu matsiakajli, quenawatsa nukapaka ishu, idiakarruatsau aaji yufakarrunjle. ¹³ jlianta jliaji ikaiterri: kurritsa waufakau aaji waufakarrum kurrikada jimi jliaji jlikaiterri ishu jliaji waminajli. ¹⁴ ikaitekadanta sha: wakarru waufau egiptojle, kurrikarruetsa wakapa uwikajli, kurrim femika trompeta iaku, kurrintsaka wakapaka mawitakai. wafawatsua nini. ¹⁵ Panaya Jimika waminajli iaku, sha, judalikuperri. jlikaiteri ishu jliaji Israel iminajli: ajadajlika yakua egiptujle, yakarru yufau nini. ¹⁶ Ifiukada jliwana jliwayaquetakautsa sha egipto jlikuperri. Jitajli ikaujleu mawitakai naku jliakakautsua egiptujle, mayankautsa sha. ¹⁷ Kaiwatsa neyapakau naji atsianai yumakape yakua yufau nini mayankautsana, mawitakaishu, irrenatishu. Kurriutsa pakapa nanakuitepem, kurriutsa kuka itaita ipitukau jliuya jliaji matsikajli. ¹⁸ Jliaji atsia waminajli, Dios Israel iminajli, jlicaite: kaipiaji jliyapetacapishu jlirrua nanaku naji yufakape Jerusalenriku, kaitsaka jliyapetakam nanaku naji yufakape Egiptujliku, napadamakautsua matsikajli ikauya, makaitekarruatsa nanumajlikuite matsidajli, kurridajliutsa napeyu, kurrikarruetsauta nadiakau nishe. ¹⁹ Nite Jeremias Ikaite: nini jliaji waminajli icaiteka ishu, sha yufakape Judajliku. kurrikarru yawa Egiptujlu, yanintsa piumi sha nukuema kasha. ²⁰ Sha ikashatakakau ikaitekadanaku Waminajli Dios Ishu: Itata waminajli Dios Inai Wanaku. Jliawatsa jliaji jlikaiterri washu wanaitakautsan. ²¹ Panaya nukaitekakau ishu, sha kurrikatau yuma jimika jliaku jliaji waminajli, jlimenakajli nukaite ishu. ²² Panaya nukaitesha ajadajli, mayankautsa , mawitakaishu, irrenati naku tsaka apiaji yakajle yuma jpiali yufakau nini