¹ Ljiawaljipi keri siete keri Ismael ljiriljiaji netanias ljirishaka ljiaji Elisama, naanakoiteperi naaji mashiaperi, apadapena nanakoite naji katonaperi, nano diez ashianai aperiaji ljinai ljikaolje ljiaji Gedalías ljiriljiaji Ahicam, aji Mizpa, Naiña aapapokosha aji Mizpa. ² Mitsa Ismael ljiri ljia Netanias, nite naji diez ashianai ljianaiperi nawashia nemao nite nepa ljiaji Gedalias ljiri ljiaji Ahicam ljirishata ljiaji Safán, mashetasho, Ismael lino ljiaji Gedalías, ljiaji rey Babilonia ljikadanda ljiani ljinako ljiji jipai. ³ Nite Ismael ljino pioni naji judíosnai ljinaiperipia ljiaji Gedalías aji Mizpa nite neaji Owinai Caldeosnai naketakatai nini. ⁴ koami ljiapodan yamada jaledao ka ainokapayan ljiaji Gedalías, koritsa koka iani. ⁵ Apadapena ashianai lino jaiteaji Siquen, jaite aji silo nite Samaria ochentada jiritaka nashinoma, tseremi ljiaji nashayani nawakatsa liyoani naofrenda iñaodati nite incienso nakapiriko nakaro ljipanaljikolje ljiaji naminalji. ⁶ Kaishopa ljiaji Ismael ljiri ljiaji Netanias ljimatoa Mizpa ljikoite ljiokrtakakaro ljiapiya, natadanako nite naiyata. Kaitadanato neyapakao naketatakao, ljikaitenasho kaiji, "¡ino ajereji Gedalías ljiri ljiaji Ahicam! ⁷ Neyapao kaiji nanokadanako aji yakoljeriko, Ismael ljiri ljiaji Netanias ljipakao ljiapiya nite ljidoita ljiwao iriri kolje, ljia nite naji ashianai aperi aji ljianai. ⁸ MItsa naine diez ashinai nakaite Ismael isho, Pinaita mashiakalji mainotsa, ima washo waiñaoda anaji waofalji nini; trigo, nite cebada, aceite nite mapa. kaisho korin ljinotana napiya naji nakishiape. ⁹ Ljirikoda ljiaji Ismael ipekoji naji naiki ljinonpe akanaji iririljiko. Ljiaji iriri makafe ljinaitanda ljiaji rey Asa ljikana ljidanatakashopa ljikoete ljiaji Baasa adaljiaji Israelriko. Ismael ljirijiaji netanias ljiapatantani mayanperinsho. ¹⁰ Nite Ismael ljiwayaketa pioni naji inaiki aperiaji Mizpa, naji ljitonaipe ljiaji rey piomipaa maji apana nakadani aji mizpa ljiaji Nabuzaradán natalikana naji guardianai Gedalias ljiaji ahicam, kaisha ljiaji Ismael ljiri ljiaji Netanias nepani nite nayoetani pemaljie yakalje Amón. ¹¹ MItsa jonanán ljiriljiaji Carea pioni naji kakonaperi nasho naji sholodaionai nainai nemi piomi koka ljinaitaljia ljiaji Ismael ljiri ljiaji Netanias kokaka ljiaji ljinaitalji. ¹² Kaipiasha nepaka naji ashianai akaro nainoaka Ismael ikoete ljiri ljiaji Netanias. Naoketakao aji ljitanken ikodapi ljiaji Gabaón. ¹³ Ljiawaljipia ljiaji neyapakanako pioni naji naiki akanaji Ismael inai nakapatsaka liaji jonanán ljiriri ljiaji Carea nite pioni naji comandantenai akanaji ljinai, nite catimana. ¹⁴ Kaitsa pioni naji inaiki Ismael imanakotani ljioya ljiaji Mizpa opi nakawokoa nakaro ljianai ljiaji jonanán ljiri ljiaji Carea. ¹⁵ Mitsa ljiaji Ismael ljiri ljiaji Netanias nawanaje ochada ashianai ljiyape ljiaji jonanán, ljiawa ljiyakaljeshe ljiaji Amón. ¹⁶ Jonanán ljiri ljiaji Carea pioni naji comandantenai aperipiaji nepakaolji ljiaji MIzpa pionipa naji inaitinai ljimanakonipepia ljiaji Ismael ljiri ljiaji Netanias, Kapiatsa ljiaji Ismael ino kaolji ljiaji Gedalias ljiri ljiaji Ajicam. Jonanán nite nashaka naji ljikishi iape mepashaka ashianai kaidaperi, ashianai anikape awi inako inaitepe, ieptipe, pioni menipeperi. ¹⁷ Kaipia neyapakao nadepiana keyatsa ajereji Gerutshe Quiman, shomitsa ljioya ljiaji Belén, naomapia nakao Egiptolje. ¹⁸ Namanaji Caldeonai. Mitsa nafiokao ljima ljiaji Ismael ljiri ljiaji Netanias ljinopiaka ljiaji Gedalias ljiri ljiaji Ahicam, ljikadandapia ljiaji re Babilonia ianikada ljinako ljiaji nepaite.