¹ Ikote ino Jeremías likaolje mitsa ljiaji Nabuzaradán nacomadantekani ljiaji rey limanakotakani aji Ramá, ljioketa ljiaji Jeremías nawatakenani napekoljiko naji presonai Jerusalénperi Babiloonia idenpen. ² Ljiaji Naminalji naji guardianai ljide ljiaji Jeremías ljikaite kaiji: Ljiaji piDiote ljikaite matsiri inokaro ljikaolje ljiaji. ³ Kaitsa, ljiaji Naminalji ljinaitakaro ljiomakaísho, Opi jiwawa pecadoljiko ljikapa, konin jiiepakani ljiaji ljikaiteri. Kaishopa ljiaji jiyapakao kaiji.

⁴ ¡Panaya deka ikapaka! liada ljiaji nomanakokajia ljioya ljiaji cadenas. Matsiakada naji iti inoena noapatan Babilonialjikolje, inoena niteosha nowa patka jia. Korikadatsa mashia pikaopaka pitiriko piakarro ⁵ Koankadanakoatsa Jeremías korin ljiepa Nabuzaradán ljikaite: Pikapa ljikaolje ljiaji Gedalías ljirikan ljiaji Ahicam ljiriljiaji Safán, ljiaji rey Babilonia ljikoda ljida ljianikaro ljinako ljiaji yakalje Judá, piakako toena naine misho pikapata koankawaka mashia pikapa mitsa ljiaji noataljikana naji iwapakape ljiaji rey ljiaka naiñao makoadsha, nite ljimenakana.

⁶ Kaisha, Jeremías ljiakaro Gedalías ljirikan ljjiaji Ahicam aji Mizpa. Ljiofakao naine naji naikinai iofakape napodan nepaitenakope iofawa. ⁷ Nite panaya apada pena naji kakanape nasho naji sholodaonai judionai iofalji naine nemi kokoa ljikaiteri ljiaji rey Babiloniarikoda koka ljiaji ljinaitalji ljiaji Gedalías ljiri ljiaji Ahicam, gobernador adaljiaji nepaiteriko. Nite nemitsaka ljikadakaotsa ljiwapakaro ashianai ineitepeshaka nite ienpetipetsaka nanakoite naji kenaperi anaji naofalji nini. ⁸ Kaishapa, nana koiteperi nako aji Gedalías anaji Mizpalje. Natsa naji nanakoiteperi naji Isamael nai nenipena ljiaji Netanías; Johanán nite Jonatán, ljienipe ljiaji Carea, Serarías ljiri ljiaji Tanhumet; ljienipenai ljiaji Efai netofatita, nite Jezanías ljirikan ljiaji macateo - natsa nite nashaka naoji nashiotenai. ⁹ Gedalías ljinirikan ljiaji Ahicam ljirikan ljiaji Safán ljinaita apada iakoti nashowale piomi ljikaite kaiji: Mafietakatsao idenikaro nasho naji kakonape cadeonai. Iowawatsa nepaiteriko idenikaroasha ljisho ljiaji rey Babiloniarikoda, matsia watsa nepaka jia.

¹⁰ Ikapake, noawatsa nofakao aji Mizpa waoketakakaro napiya naji caldeonai inoljiosha waikaolje. Kaishopa, naniwa vino napania jaljirikoperi, nite matakatsaka imatsietana nafakarodaljiko. Iofaene ljirikoda ljiara yakalie nakadalji iofa kawao ¹¹ Nite, piomi naji judionai aperiaji Moab, nanakoite naji inaiki aperiaji Amón, ashakaji Edóm, nakoami naji jipai nemi koanka ljiako ljiaji rey Babiloniarikoda ljikaite nanako naji namakani Judáljko peri iofawa, ljiasha ikaite nakaro Gedalías ljiaji Ahicam ljiri ljiaji Safán. ¹² Kaishaka, piomi naji judinai nadiawa nakoami naji nafakawapia, Nadiatsenaka nepaitenakolje Judá, anaji Gedalías anaji Mizpa. NIte naniwa aima vino nite nainaka naji napania. ¹³ Johanán ljiri ljiaji Carea nite piomi naji namknanai naji sholodaonai naofakafete Gedalías nite Mizpa.

¹⁴ Nakaite ljisho kaiji: ¿Kapa pikapasha ljiaji Baalis rey adaljiaji yaka lje Amón ljimenaka Ismael ljiri ljiaje Netanías nainokaronoa? Mitsa Gedalías ljiri ljiaji Ahicam korin ljiepaka. ¹⁵ Kaishaka, Johanán ljiaji Carea kakoni dawakaljisha ljiwakatsa aji Gedalías ashakaji Mizpa kakoni: Pikada noakaro noino ljiaji Ismael ljiri ljiaji Netanías. Koritsa koka iani ljina ljoaji nomalji nonaitaka ¿Koada ljioma ljinokanoa' ¿Koada ioma ikada piomi naji Judá nai nawaketakakaro noine ipokotakapepia ljitemitsa aperiaji Judáljiriko?

¹⁶ Mitsa Gedalías ljiri ljiaji Ahicam ljikaite Johanán ljiri ljiaji Carea: Maanaitasha kaidaljiaji, ima ipikena pikaitepe itsati Ismael inako.