¹ Ljiakaljipia nueve (9) año nite diez (10) keri ljiyada ljiaji Sedequías rey dadaljiaji Judáljiko, Nabucodonosor ljiaji rey Babilonialjiko ljino pioomi ljisholoduonai iapiya ljikete ljiaji Jerusalén nakoraraten. ² Nite once (11) años inako nite cuatro keri inako ljiyada Sedequías, ljiawaljipia nueve (9) jaledaoka inako ljia keri, nepa ljiaji yakalje. ³ Nite piomi naji kakonaperi ljiyape ljiaji rey Babiloniariko nanoka naofaawa pamoyoadalji pantinoma: Nergal Sarezel, Sambar Nebo, Sarse Quim nite apada kakonete. Nergal Sarezel Naminlaji kan naji kakonapa aji Babilonia riko. ⁴ Ljiawaljipia ljiaji Sedequías, rey kaniaji Judáljiko, piomi naji ashiana oawirikoperi nakapan, opi napitoa. Depirikosho ljioya ljiaji yakale ljirikoda ljiaji inipo iakao ljimoljionshe ljiaje rey patinomalje yamemakawa naji pared. Ljiaji rey ljimoto kao mayakan ljikadje ljiaji Arabá. ⁵ MItsa naji ejércitonai caldeonai nawa ljiapoduan nite nepan ljiaji Sedequías ljirokoadu ljiaji sawana Jordán, sabana shomitsa ljioya ljiaji onipao shomitsa Jericó. NIte nepana nadena Nabucodonosor, taljikanati Babilonialjiko, aji Ribla nepaitenako naji Hamat. ^{6 7} Ljiaji taljikanati Babilonialjikoda ljipapina naji ljienipe ljiaji Sedequías ljikapasho ljiaji anaji Ribla. Nite Shaka ljipapishaka piomi naji ashiana mashiaperi apericaji Judá. Ljiapodami neta ljiti ljiaji Sedequías nite napapini cadenasho jaikonako nataitakaro nadekani Babilonialjikolje. ⁸ Nite naji caldeonai namaita ljipana ljiaji rey nite ljiashaka ljiaji napana naji yaukalje iminanai. Nite nuamatsikatsaka likoraran ljiaji Jerusalén. ⁹ Nabuzaradán, ljiaji capitán nayada naji iwapakape ljiaji rey, nite nade naji inaiki namakanpe aji yakaljeriko. Kaikapatsa namaka naji inaiki naofakasho aji yakaljeriko. ¹⁰ Mitsa ljiaji Nabusaradán capitán kani nasho naji guardianai nite ljiaji rey ljikaite naji kenaperi, naofakatsa aji nepaitenako naji Judá. Naka nasho nakinikereo ljiadatsa jaljedaoka. ¹¹ Nabucodonosor rey kaniaji Babiloniljiko nite ljikada apada iakoti ljinako ljiaji Jeremías ljisho ljiaji Nabuzaradán Naminalji naji guardianai ljiyape ljiyape ljiaji rey. Ljikaite kaiji:

¹² Pipani piwapani. Manaitasha mashi ljisho pinaita mashia ljisho kokaweirko ljioma.

¹³ Ljiasha Nabuzaradán ljiaji Naminalji ljikadanda ljiaji rey, Nebusazbán ljiaka yenondaljipa eunúco kan, namakoada ta Nergal Sarezer ljiaka kakonadalji nasho aji Babilonia ljiko ljimenaka naji ashianai.

¹⁴ Naaji ljiashi te nepaka ljiaji Jeremías nakadaka ljiofao ljimoljioniriko ljiaji iwapakada ljipitana Gedalías ljirikan ljiaji Ahicam, ljiri ljiaji Safán, ljidekaron ljipana ljikolen, kaitsa ljiaji Jeremías ljiokakao naine. ¹⁵ Padeka kakota ljiaji Naminalji Jeremías sho napreso takadanokoni, ljikaite. ¹⁶ Kakopia nasho naji Ebed Melec ljiaji cusita pikaite kaiji: Nataljikanoa naji ejército, na Diote naji Israel nai, ljikaite kaiji: pikapa, noa kaminaotsa nodekan iakoti ljikoetadalji ljiaji yakalje nodekaro mashidalji naikaolje korin mashiakarona ljiada jaledaokaka ljiaji. ¹⁷ Nomanakokaotsa jia ljiada jaledaoka, kaitsa ljikaiteka ljiaji Iminalji, koriotsa ljikadakajia nasho naji ashianai. ¹⁸ Mitsa ajadliosha nomanakotsajia, koriotsa nainokajia mashetasho. Manakokaotsa pia, pikadakada pikaolje nonako, kaitsa ljikaiteka ljiaji Iminalji.