¹ Sefatías, ljiirika ljiaji Matán, Gedalías, ljiirikan ljiaji Pasur, Jucal, ljiirikan ljiaji Selamías, niite Pasur, ljiirikan ljiaji Malquías, naawapa neemi ljiaji ljiikaiteri ljiaji Jeremías naashowalje piomi naaji yaakalerikoperi. ² Iikatsa ljiikaiterika ljiaji naminalji: kookakaotsa iofaaljiosha aaji yaaakaljeriko nainokaotsani maatsetasho, aima maawitakai. Miitsa naaji iimotokape naoya naji caldeonai kaafishaotsanaa. ³ Ljiikaite ljiaji Naaminalji: Ljiaosha ljiaji yaaakalje Babilonia naakaotsani nasho naaji sholjodaonoi, neepakaotsanii. ⁴ Kaishopa, naaji kaakonaperi naakaite ljisho ljiaji rey: Iikada mayami ljiaji aashia, iikasha iimaidataljika naakapi naaji aashianai iomakaape iinoakakao. Piomi ljiaji naakapi naaji yaakalje, piomi naaji aashiana koorisha naawapakeenka maashia ⁵ Kai shoopa ljiaji rey Zedequías ljiikaite: piikapa, ljia oopi aaniaji piikapiniko,koorisha paakapa aapada rey iitaitakada iitaimitaka. ⁶ Niite, neepa ljiaji Jeremías napekoni naapekokaron iiriirii tewakalje ljiiyada ljiaji Malaquías, ljiirii ljiaji rey. ljiaji iiriri aaniaji ljiipationiriko ljiaji guardia. naorokoeta ljiaji Jeremías jiinoorotinako. kooriin paakapa ooni aaji iiririkoo. ⁷ Paakapa, Ebed Melec ljiaji cusita aapada nanakoite eunucokaan ljiotaka aaji taaljikanati iipanaljiko. Ljiimika aaka naakadaka ljiaji Jeremías aaji iiririikolje. Panaya, ljiaji rey ljiofakao ljiipananoma ljiaji Benjamín. ⁸ Kai shopa. Ebed Melec ljiakao ljiipanaljikoite ljiaji taaljikanati ljiakaro kaakoni ljiapia ljiaji rey. Ljiikaite kaiji: ⁹ Ljiaji likanaantakada ljiaji rey, naaji ashianai oopii nanaita maashi ljiapiya ljiaji profeta. Oopi naapekoni iiririikolje maayamikaroni maawitakaisho, kooriin paakapa iinaodaati aaji yaakaljeriko. ¹⁰ Niite, ljiaji rey ljia Ebed Melec iisha jiidati. Ljiikaite: piisho ljiaji jiidati piipa trentada aashianai jiitakaro ljiaji Jeremías ljioya ljiaji iiririi, ljipeyatoa mayamikan. ¹¹ Kaishopa, Ebed melec isho jiidati naapiya naaji ashianai ljiawa taalikanati iipanaljikode, naakapa naaniti iofaakawao, panti iiwawaljikoolje. ljiide aapada trapo, naanokoondamitsa niite naarokoetani ljiinorotisho Jeremías isho. ¹² Ebed Melec el cusita ljiikaite Jeremías isho: piikaada ljiara trapo piinaapa iipite niite ñeenoniite ljiisho ljiaji jiinorotii. Kaishopa, Jeremías iinaita. ¹³ Niite neera ljiaji Jeremías jiinorotinaako. Kai naanaitaka, neetakan iiririikoite. kaisho Jeremías iofa aatsaaji patioriko. ¹⁴ Niite, ljiaji rey Zedequías ljiimenaka aapada iidekaadaoni ljiaji Jeremías. Maadaljiafeshopa paantinoma peewakano ljiikaolje ljiaji naaminaalji. ljiaji rey ljiikaite Jeremías isho: nooma nootata piinai aapada. Meepatsa piinakoa ljiaji nookaiterii pisho. ¹⁵ Jeremías iikaite Zedequías isho: ljiitaitakada ljiepaka. ¿Kaapa ajadalji piomaka piinokanaa? piomakada nookaiteka piisho aapada iakoti, koorishanta piimikaro noosho. ¹⁶ Miitsa ljiaji rey Zedequías ljiikaite aajadalji Jeremías isho ljiiwakakadanakotsa: kaafiitsa ljiaji Waaminalji. Ljiaji iinaitakadanoa, kooriotsa nookadaka naashopia naaji ashiana iomakape iinokapia. ¹⁷ Kaisha, Jeremías iikaite ljiisho ljiaji Zedequías naa Diote naaji sholjodaonai. Naa Diote naaji Israelnai, ljiikaite kaiji: piakadaanta, aajadalji, iimotokao naapiya naapiya naaji kaakonaperi ljiiyape ljiaji rey Babilonia kaafishaotsa jia. Ljiatsa ljiaji yaakalje kooriotsa neemaitakan. pia kooritsakaotsa naaji piipaneeta. ¹⁸ Koorikadatsa piimoto naapiya naaji kaakoonaaperi ljiiyape ljiaji rey Babilonia riikodaa, naakada kaotsa ljiaji yaakalje nasho naaji caldeonai. Naamaitakaotsa kooriotsa koanka piipitoka naoya. ¹⁹ Ljiaji Zedequías ljikaite Jeremías isho: miitsa noofiokao naiwana najii yaakalje Judánai. Iima waadeetsa naakada nasho faa, neepakaro matsi faa. ²⁰ Jeremías kaite: Maakada naitsa faa naasho. Piepa ljiaji nookaiterii ljiaji Waaminalji iikaiteenda ljiaji nookaiteri piisho, maashia kaaroatsa ljiimotoka pisho, piitaitakaro piofaakao maatsia. ²¹ pioma kada piimotokao, iikaatsa ljiikaariaataljika ljiaji Waaminalji. ²² ¡ Piikapa piomi naaji iinaitepe iofaape paantiriko, ljiaji rey Judá, naade kaotsaan naaji kaakonaperii ljiiyape ljiaji Babilonianiiteperi. Niite naaji iinaiteepe naakaite pisho: oopi naakashata pia naaji piikishi iapenii: naakeenata kaapia. ²³ Miitsa, piomiosha naaji iiniinai ienipeshaka naadekaosha jia naaji caldeonai, kooriosha koakaoljiika iipito naoya. jia neetakaoha jia ljiikapirikoite ljiaji rey Babilonia, ljiaosha ljiaji yaakalje ljiimaotsa. ²⁴ Niite, Zedequías ljiikaite Jeremías isho: maakaitesha aapad isho ljiaji iakooti, kooriikaroatsa maayamika pia. ²⁵ Neemikada naaji kaakonaaperi kaakokapia noapiya, naanokadaotsa naakaite pisho: maastsia piikaite ljiaji rey maadwasha waakonaa kooriikada waano jia. ²⁶ kaisha ishotsa iikaiteka: nooshatsa nookaiteka taakasha ljiaji rey, koorikaaro naaka noa ljisho ljiaji Jonatán maayankaro noa ljiisho. ²⁷ Piomi naaji kaakonaaperi naano Jeremías iikaolje. ²⁸ Kaisha, jeremías ljiofakatsa paafeetsa ljiipaationiiriko ljiaji guardia ljifaljiipia neepakaolji ljiaji Jerusalén.