¹ Panaya, Sedequías ljirii ljiaji Josías ljiitaljikanaataka kaiji reysho ljioyawalje ljiaji Conías ljiiri ljiaji Joacim. Nabuconodosor, ljiitaljikanata Babilonialjiko, nanaita ljiaji Sedequías taaljikanaatiniaji Judáljiko. ² Miitsa Sedequías, ljiishoodaaljiikaan naaji ljiipatenikopeerii koorin nemiika ljiako ljiaji naaminaaljii ljiikadanda ljiikaapiniko ljiaji profeta Jeremías. ³ Kaishopa ljiaji rey Sedequías, Jucal ljiirikan ljiaji Selemías niite Sofonías ljiirikaan ljiaji Maasías ljiaji Sarcedote ljiimenaaka iiako profeta Jeremías isho. kainako:iinaita maatsiakaljii iitaata waanako Dios iinai. ⁴ Niite Jeremías iiawa ljiino naiki iapiya, iima kooritoa meepakani presokaaron. ⁵ Ljiisholjodaoni ljiaji Faraón ljiino Egiptoljiikaite, naajii caldeonai naashomitakadanaako aajii Jerusalénshe neemi iakooti naanakowaaka kaishipa naaamooto Jerusalén riikoite. ⁶ Niite iakooti iinoo Jeremías iikoote ljiikaite ljaiji profeta ljiikaite kaiji: ⁷ Naa Diote naaji Isrelnai, ljiikaite kaiji: iikatsa naakaiteriika ljiisho ljiaji rey Judáljiikodaljii, kaitsopa naamenaka nooikaolje ljiinokaro ljiide iakoti ljiimiinda noine: iikapa ljiaji ljiisholjodaoni ljiaji Faraón, kaisho ljiino ljiikiishindatakaro noaa, koankaadanakosha noawa Egiptoljikolje, ljiipaite kaatsa. ⁸ Naaji caldeonai naadia kaotsa. Nainoakakaotsa ljiijoete ljiaji yaakalje, niite neepana, niite naamaitana. ⁹ Kai ljiikaiteka Naaminalji: maakasha ljiiwakasha: naaji caldeonai kooriin naakadakakao. ¹⁰ Jiamakadaotso naaji sholodaonai caldeos niiteperi paadeetsaosha iofakao aaji naapanaljiiko, neeniikoatsa naamaitakaro ljiaji yaakaalje. ¹¹ Kaipia naajii sholjodaonai caldeonai naakada ljiaji Jerusalén kaikadana naaji sholjodaonai ljiiyaape ljiaji Faraón naanoka, ¹² Kaipia, Jeremías iimotokao Jerusalénrikaite ljiakaro ljiipaiteriko ljiaji Benjamín. Iima ljima ljiipaaka naofaakawa shomitsa liikalje ioya. ¹³ Akadanakoon ljiipanonoma ljiaji Benjamín, aapada kaakoneete sholjodaona iema niini. Ljipitana Irías ljirikan ljiaji Selemías ljiri ljiaji Hananías. Ljiipa ljiaji Profeta Jeremías ljikaite kaiji: pia pioma piimitaka nashowalje naaji caldeonai. ¹⁴ Miitsa Jeremías iikaite: koorisha aajadaljika. kooritsa noonoka noomita nashawalje naaji caldeonai. Mitsa Irías koorin ljiiwapa ljiimi. Ljiipa ljiaji Jeremías ljiide naikaolje naaji kaakonaaperi. ¹⁵ Naaji kaakonaape keeroa naakapaka ljiaji Jeremías. Naañakani niite naapresotan, naakadaka niaji ljiipanaljiko ljiaji Jonathan ljiaji iidanakada. ¹⁶ Kaitsa, naanaita ljisho ljiaji Jeremías naakadani ljiofaawa jiipairiko, maima jaljeoko ljiofaka mini. ¹⁷ Niite, ljiaji rey Sedequías ljiimeenaka aapada ljiikaolje ljieniitakaron aanaji paanti kaakonadariiko. ljiipanarikolje, ljiaji rey ljiitatani daawakaalitsa naoyanii, ¿kaapa niini iakoti Dios niitedalji? Jeremías iepani: niini aapada iakoti: pia naakaotia pia ljiikaapiriko ljiaji taaljikanaati Babiloniariikoda. ¹⁸ Niite Jeremías iikaite ljiaji rey Sedequías: ¿koami piiwakao pecadoljiiko, niiteshaka naaji piinaiperi, niite naashaka naaji piiyakaljeeta presopeerii? ¹⁹ ¿Keereenajii piiprofetannai, naaji iiprofetizakaape piisho iikaitekape ljiiawatsa ljiaji rey Babiloniariikooda kooriitsa ljiinoka piikoeta o naakaete naaji piipaite? ²⁰ Mitsa panaya piikoadata, ¡ ljiaji noopeyonda rey! piikaada nosho ljiaji noomalji piinai. Maadiatsa ljiipanaarikaljeljiaji iidanakada Jonatán, mayamikaotsa noa ljiirikoda. ²¹ Kaitsa aajii, ljiaji rey Sedequías ljiikada iakoti neepaope. Ljiaji ljiishodaljii naade Jeremías ljiipaationiriiko naawapakarodaljiko. Naa ljisho pan jaledaoka iikoan aanaji naacallenrii naaji linaitakaape pan. kaisha napante iiwayakakao. Ljiaji Jeremías iofawa ljiirikoda ljiaji naawapakaroda.