¹ Waminajli Dios imenaka yacuti jlinai jliaji Jeremias nashu naji Judinai iufakapempia Egiptujliku, nashutsaka naji yufakapempia Migdol, Tafnes, Menfis nite tsaka Patros Ipaitenaku. ² Nite jliaji waminajli, Dios Israel iada, jliaku: Ikapenina jliaji matsikajli nuderri Jerusalen Ishu nite tsaka nashu yakajle Juda yape. Ikapa, panaya kenakenana. Kurrim Kuka itaita iufaka nainai. ³ Jlima Jliaji nanaitakapua matsi, nakuitakapua nua, nakerrataka ketakadajli nakatakarru jlishu nainai naji kurripetsa Dios iapeka. Napia naji kurriperripiatsa nanika, kurrintsaka iaka, kaitsa nakashu naji iferrinaipe. ⁴ Kaitsa jnua nukaitemanaka nashu piumi naji nunaiquite kakunaperri nashu. Numenakakarru nakaite: namakakarru piumi jliaji nanaitajli matsi, kurrika napeyuakau. ⁵ Natsa kurrim nauna nepaka. Nenapa jliuya, naumapatua nakerrataka itakati nakatatakarru nainai kurriperritsa diuska. ⁶ Nini nuirrua ipukutakau nite jlikerrataka tiye Judajliku nite Jerusalen ickanriku. Jliapudan naufakau kenawa panashete. ⁷ Panaya, jliaji waminajli Dios Israel iada, jlikaiteka: ¿ Kuadatska shamintsa inaitaka matsi ishuwaka? ¿ kuadatska inaitaka matsi mayankarru naji inaiqui piumi imutukapetua, kaiji atsianaishu, naitepetsaka, kurrikarru kuka yufa nini. ⁸ ¿ Kuadatsaka jipundatakanua jlima jlima jliaji jinaitajli matsi ikerratapua jliaji ketakadajli nashu naji kurripetsa dioska aaji Egiptujliku, aaji ikashajliutsa nishe. Sha ikasha nishewa nawayaketakarruatsa sha jlima jliaji jinaitakapua matsi nashu naji yufakapetua jajledaujliku. ⁹ ¿ Kaapa jliñena iuya jliaji iferrinaipe inaitapiajli matsi nashu naji naninai naji kakunape iufakape Judajliku? ¿ Kaapa jliñena tsaka iuya jliaji inaitandampia matsi ishuwaka ininaidajliku aaji Judajliku, Jerusalen icallenrikutsaka. ¹⁰ Panayamintua kurrim yumapena imakaka jliaji inaikika upidajlim, kurrim iuma ifiukau, liwana naji nukadani yepaka, kaitsa nakasu naji iferrinaipe. ¹¹ Nini panaya jnua iminajliti kaikadajli, Dios Israel iada nukaitekasha: Ikapa iuyau, kaminautsa nukakuetaka nueka iuya nudekarruatsa ishu matsikajli niteutsa nuwayaketakautsa piumi sha Judajlikuperri. ¹² Panayautsa nuwaquetaka naji inaiqui Judajlikuperrinpia iufawa, ipitukapempiau egiptujle nayakajleta. Nunaitakautsa mayamkarruna piumi. Jlimautsa jliaji mawitakai inujliutsa naikaujle piumi yempetidapenakuiteutsa jliukautsau nanaku naji naji pekepenai. Mayankautsana naufakautsau nakuitemtanpeketsautsana, jlima jliaji nanaitapiajli matsi, kurriutsa kuka ikabuko ikapa nashu. ¹³ Panayautsa nurrapitetaka naji inaiqui yufakape Egiptujliku, neyaparruatsau nakashu naji iufakapenpiaJerusalenriku mawitakaishu nite nakashutsa, yarrakapeu. ¹⁴ Kurriutsa pakapa manakuka jlitepem Judajlikuperrim, ikashapempiau Egiptujle iyakakajleta. Kurriutsa kuka itaita Idiakau, padapenawatsa itaita ipitukau nite. ^{15 16 17} v 15 Kuanjinta, nakaji apadapena atsianai kaninaiperrimpia iquerratakapempia quetakadajli nashu naji kurripetsa diuska, kaitsaka nakashu naji naitepee iukapempiau nini, nakutsaka naji iufakapempia Egipto Paros riku shepakapempia Jeremias. v 16 Nakaite: jlima jliaji iakuti pekaiterri washu waminajli ipitananaku kurritsa femikarru pishu. v 17Kuada waumakapua fanaitaka jliaji waumajli wanaitaka waquerrataka quetakadajli rushu shuaji kakunadarru jajledaurikuda, kaiji wanaitajliutua panashete, kaitsa nakashu naji warreninaipempia kakunaperri Judajliku nite Jerusalen Icallenriku. ninpa upitua kurrinpia waiñauda iwayakakua, matsiapia waufakau, kurrim tsaka matsikajli inuka waikaujle. ¹⁸ Nini kurrikadanaku jpia wanaita jliaji ferrapitapia quenakajli mayankapiafa mawitainaku. ¹⁹ Nakaitekapishu naji inaitepe: Upipia fanaitaka dawakajli shunapian perriku rushu shuaji kakunadarru watsaketanu irraudati shu. ²⁰ Nini Jeremias jlikaiteka nashu naji yakajlenani, atsianai, naitepe tsaka ishu, inaiqui jliteka nasu: ²¹ Kaapaquena iquerria kena jliñaka waminajli iuya jliaya jinaitapiajli jlishu iquerrataka quetakadajli Juda iyakajlerriku nite tsaka Jerusalen icallenrriku jinaitajli panashete, nanaitapiajli tsaka naji kakunape iferrinipe yakajle ikuan. Waminajli ikadentsa iwaupiakan. ²² Nini, kurripiaketsa jlitaita jliemaka jlikuema jliaji jinaitapiajli matsi. Nini jliaji iyakajle quenakautsan, kurritsautsa itaita iufaka nini, panaya jliufacau matsidajliwetsa nakapau naji pakua yakajle. ²³ Ikaparru jliaji neyapajli, jlima jliaji nanaitajli naquerratakapua quetakadajli jlishu jliaji kurridajlitsa Diuska, namepakan ipuam kurripauam nauma nepaka jlikaiterri nashu. ²⁴ Nite, Jeremias ikaite nashu piumi naji inaiqui , naitepe tsaka ishu: JImina jliaji waminajli ikaiterri ishu, sha iufakape Judajliku, Egiptutsaka. ²⁵ Nini jliaji waminajli kaidadadjli, Dios Israel iada jliaku: sha naitepe, nakaitekadanaku ishu nanumajlikuite inaitaka kaiji naumakapishu. Ikaitetsaka jinaitakena iquerrataka quetakadajli rushu kakunadarru jledauda iada. Matsiatsa, shepena ikadena piumi jliji yanirrina. ²⁶ Nite, panaya, jimi jliaji iakuti waminajli ikaiterri ishu sha, iufakape Judajliku , Egiptujlikutsaka, nua atsia nukaite: nakaiteka jlipitanaku jliaji kakunadajli kurrikapidautsa kuka itaita ikaiteka jlipitananaku Egiptujliku, ikaiteka waufakau waminajli ipitananaku. v ²⁷ Nuapakatsauta nukapa numenakakarruatsa matsikajli kurrinta matsiakajlika. Niniutsa naji iufakape Egiptujliku . ²⁸ Niniutsa panivetani katsuata naji idiajliutsau tsenka iufau Egiptujli, Judajlikujle tsaka. Niniutsa, naji jlitepen inaiqui juda iapepem, ikashajlinkau Egiptujle, nakapautsa jliaji nukaiterri ajadajli, nuyada u nayada. ²⁹ Nua, iminajli, nuaka nuaka ishu ikapakarruatsa jlia numajliutsa nufietakasha ishu nuemakarruatsa ikuete, yanintsa nuakushukatsautsa nutakasha matsikajlirriku. ³⁰ Nini Jliaku jliaji waminajli: ikapa, kaminautsa nuakasha kacunet Egipto iminajli Faraon Hofra, nakarrikujle naji yanirri iumasha nainukarrusha. Kaipiatsa jlikashu jliaji kakunete jpia Sedequias Juda iminajli, nuakani jlikapirricu jliaji Babilonia Iminajli Nacubodonosor, yanikada iumacan jlinucarrum.