¹ Linu liaji yakuti linaikjuite liaji Naminalji Jeremías ishu likaite nini, ² Kainji likaite liaji Nminalji Israel idiote pidana pishuwau pjiumli liaji yakuti nukaitenda pishu rollo liku. ³ v Pikapa, panaya linu jaledauka likaitenda liaji Naminaldi nudiaka numatieta nanani kakuadape nu yakale yape Israel yape jnite Judá tsaka kainji kaku kanjua, nudietawatsa shaa jiipaite rikure nuanda pia nashu jnaji ifenrinaipe jnite njapa nasho wauni." ⁴ Jnjaji yakuti likaitenpe liaji Naminali nanaku jnaji Israel jnite Judá.

⁵ Nini Naminali kakuni, femi apada kakuka tefeten lifiukje yapiya, kurrin maatsiaka. ⁶ Pitataja jnite pia pikapa ajadali lideka yenpetida liaji aatsia ¿Kauda nukapa pjiumi jnaji atsiapape nakapi linaku liaji nadanjite kainji inaru ideka yenpetida' ¿Kuanda pakapa liajie nekua ewa? ⁷ ¡Yaa! makadali watsa liaji jaledauka kurintsu apada likashu liaji, kaiwatsa liajledauka matsidali lisu lijaji Jacob, mitsa njetakawatsa matsidali yuya. ⁸ Lia watsa hakedauka- liaji likaitenda Naminali litsuludaute - nu tserenta watsa liaji yugo nanuru yuya, nu witita nakadenan, kainji watsa jnaji naiki kutsananjipeka kuritsau tsa naita naikau. ⁹ Mitsa jnanaita matsiadali Naminali Nadiote jnite nadjeniwatsa rey David isu, nukadanda rey nanaku. ¹⁰ Panaya pjia, idenjikada nusu Jacob, mafietakawa - kainji likaiteka liaji Waminali - makadatsa mjaida pia, washa piawa Israel, tamjia nudieta pjia tekjuite njite pjiumi pidakenai naitenpe rikjuite shaa, liadiawatsa katima liaji Jacob, liufawatsa mafiukje, kurinwatsa pakapa matsidalji. ¹¹ Akatsa njua pinai - kaika liako liaji Waminali kafikaru tsa pjia jnite nude pjiumi jnakan yakale kjere pia nupeku pjia mitsa ajadali nukada pishu iwayaketji, nukananta pjia matsia kurin nuña pjia. ¹² Likaite liaji Waminali kainji; liaji metapena liaji pjiwakarun; liaji piyuani kapuakani. ¹³ Kurrintsu kukaikaite piakuna; kurin pakada tape piyauni ikauya. ¹⁴ Pjiumi njakan pinaruten kurintsu nawaupia pjia, kurintsu nanauma pjia; nini nuinueta pjia apaya iyaunite nukuena yada jnite liaji likanantunda liaji ikanantukada matsidali lima liaji ainadali pjinaituda matsi jnite juredali pimatsikana. ¹⁵ ¿Kuada piwana nakitsindatakaru pjia pjiwakarun naku? liaji kaiwidali matape nadali, lima liaji pjimaitanda jnite pimatsikana juredali, lima njunaite pishu kainji. ¹⁶ Kainji watsa jnaji naiki injakape pjia kai tsaka nawayakakawa, pjiumi nakan pikuema nade watsana naitana. Nini jnakan iñaitu kape pjia kaitsakja nañaitu tsaka watsa naa, jnite njunaita watsa nasu njaji jitanpe pinani.

¹⁷ Nude kawatsa pishu naatsiadali; kanu tape watsa piyauni - kainji likaiteka lianji Waminali - Njunaita watsa pishu kainji nawana kapua pjia. Napekundan kurin kuka yuma Sión." ¹⁸ Kainiji likaiteka liaji Waminali, "Ikapa tamjia nudieta jnaji linani kakuadape liaji Jacob itiendan jnite kjena nukapa jnaji napana, nini watsa njanita watsa panti jureweriku pantipen, jnite watsa kjaidadali idiawa tsenaka upi shu. ¹⁹ Nini nakanta matsiadali jnite pjemika katimadali inutu nanakjuite, jure pjawatsana kurin watsa tsutsa kana; jnuretawatsana kurin karu napjuana ²⁰ Nini watsa liaji nayakale upi shu ka watsani, jnite nareunioni njoa watsa ikadana nuekjuete, nuya nakjan panaya pe ifiet etalina. ²¹ Liaji natulikana linu napanuyua lirawa nanaku numakapua jnite lia liawa nunukule, kurin kuka njunaita ¿Kukantja inu nunakule? -- kainji liaku liaji Waminali. ²² Nini watsa, shaa watsa nuyakale, jnite njua Idiote. ²³ Ikapa, liaji lipjianda liaji Naminali, lirua , imutukau, lipjia kjeyapi. Litururo njewida naku jnaji matsipe naiki.

²⁴ Lirua liaji Waminali kurin watsa lidiawa linaintanda ima linaita kainji likaite kapishu liaji likaule, liwayaka kenau liaji jaledauka piani watsani.