¹ "Apada watsa jaledauka -- likaitenda liaji Naminali - Njua watsa Nadiote jnaji yufakape Israel riku, njaa watsa nuyakale." ² Kain likaite Naminali: "Liaji yakale tamjiadali mayami matseta shu, panaya nauketa matsidali jure weriku kaida; numutu watsa nawafetakaru." ³ Liaji Waminali limutu pia nushu upi likaite kainji: "Nupeyu shaa, Israel, lisu liaji nupeyunda mawayakakadali , nini nudieta shaa nuikjaure lisu liaji taimi karu yufa nuinai. ⁴ Njunaita stenaka shaa yufakaru taimi kai watsa liaji Israel inaru mjayapakada aatsia jinai idia iniwa jnaji itamborines yakaruwatsa katima irapaka. ⁵ Iaapana watsa tsenaka uva Samaria awakadapji rika; jnaji itauñake napirawa napana watsa jnite nakada nainaka jnaji napanan pe matsiadali ikauya ⁶ Nintsa watsa liukao liaji apada jaledauka kakuwatsa jnaji ikapakape liawakada liaji Efraín; wemau washaali Washawawa Sión sre Waminali Wadiote. ⁷ Nini likaite liajia Naminali, "¡iwana katima Jacob naku! ¡Iwana kjaida nanaku jnaji falikanati yakale yape! Ikada njemi ikantaka pikaite, liaji Waminali jiita waa yakale, Israel ikadanpen! ⁸ Tamjia nudieta shaa linakjuite liaji limuturi jnite liiaji jeeri. Nuwaketa shaa tekjuitepe jiipai njite liaji matjidalin jnite liaji pukjudali nainaitsaka, jnaji kewedanpe jnite jnuji tamjiapi kenipeka jnite makaite reunioni njanaita aaji. ⁹ watsa nadiakau; kaitsa nudieta kanaa natatja kapisho. Nukada watsanaa nawa kuinji uuni kapishu idietakana mayakan kurin watsa njewawa nini, njua watsa njaniri Israel ishu, jnite Efraín watsa apadalin nirika. ¹⁰ Jimi liaku liaji Naminali, yakale, ikaite liaji jlilipaka liaji uuni paukakaruwa , Kainji kaku liaji piyakale, liakan Jipekukada Isrel lidieta liwaketakan, limatsietakan kainji likashu liaji pastor limatietaka liovejan. ¹¹ Limatsiate jnite jlita ikapi kjaidadali yuya liaji Jacob liaji Naminali. ¹² Nini nanuwatsa katima jalipanaku Sión, meremere watsa nekua limatsiaka kaku liaji Naminali, nanaku jnaji kana jnite uva yana Walidali, linaku liaji namatekan, nenipe naku, mafikali natauñanpe jnite oveja, naufauwa kainji napananda putira naaputsietanda. Kurin tsu nanji kuyuleperi. ¹³ Jnite watsa jnaji naitjepe mjayapakape aatsia inai katinaa watsa naa narapa jnite aatsiapape, ancianonai naufau watsa pjiumi pakuaka, numatsietakana naiyakjeeti nakaule rikjuite katimawa. Kjena watsa nukapa ka nashu. Nukada nashu katimakjeti liuya liaji iyakjeti.

¹⁴ Jnite watsa numafsieta jure nadada jnaji sacerdotai, liaji nuyakale watsa nupakjantana nakaru nashu waka kukakatsa nashu -- kainji liaki liaji Naminali. ¹⁵ Kainiji kaku liaji Naminali:"Pjemi apada inumalikjite Rama rikudaru, ruiya rukaule rikjuite njite ruiya jipitidali, ruiyaka ruenipe naku shuaji Raquel, kurin rumaka rushua nanaku, kurintsu kafinaa." ¹⁶ Kainji liaku Naminali, "Ajena piyaka pi kaule rikjuite jnite pitjia fia pitjirikjuite, nini watsa matsiadali pjirapita kapua --kain likaiteka jnaiji pienipe nadiawatsa njepaiite yuya jnaji ikuema. ¹⁷ Nini wawapanda lipjeyale -- kainji liaku Naminali -- nadiawatsa jnaji pienipe nadia watsa njapaiite yukalinini. ¹⁸ Ajadali njumika kaika lidadaliku lianji Efraín, piñaa jnua, piñaa jnua kainji lieripe liaji waka yenipe kurin nakanantanda, pidieta jnjua jnite nudia watsa, pjiakatsa Nudiote. ¹⁹ Nini nudiaka pideshe, nudia pia tsenaka nu waupia; nakanantakarun jnua, nua lisu nututita, kapaima jnite kjenatsakja piajnua lima liaji nua kana shu nuyenpetika imatsikana. ²⁰ ¿Pja kurinka matsiadali liaji niri Efraín ¿Pja kurinka niri nupeyunda kan, matsiadali? Nini kaku karu jnjua linakuwaka, ajadali kjena ka nukapaka lisu. Ajandali nuwana kani jnjuwideta matsiadali ishu. Kainji nukaule yumakan, ajadali kjena nu kapa lisu -- kanji likaitenka liaji Naminali. ²¹ Pirueta papera calle riku pishuwau, pimatsieta jna postes pikapa karu kjere piawa pikada pjiwideta linaku liaji iinipu nayakandali, liaji iinipu piniwananda pikaru nini, ¡Pidiawa, Israel inaru mjayapakadaru aatsia inai! pidiawa nadesre jnjaji yakale iyape.

²² ¿Kuan kjauliutsa piwayaketakapitupitaka, manji kudarun yenpetida? jlinaitakapua inaniti walidari jiipai riku liaji Naminali -- jnite apama inaru rudinjinpe apada aatsia kjaidadali naku. ²³ Liaji Naminali jnaji tsuludaunai, Israel Idiote, ikaite, "Kuan kjauliutsa nudieta liaji yakale jiipaiite nakule, nakaite watsa kainji Judá jiipaite riku jnipe apafe yakale Naminali ibendicia shaa, pjiumishaa iufkape linai, awakada santodali."

²⁴ Ninwatsa Judá jnite pjiumi jnaji liyakale naufa watsa pakuaka nini, nakashu jnaji itauña kape ipirawa jnite pastores oveja yape. ²⁵ Nuawatsa nashu mjaidape uuni nairakaru jnite nupakjanta jna metape ikaute." ²⁶ Njite kafi jnua, nudia nuwaupia linaku liaji talikai metaadali. ²⁷ Pikapa nanu ka jna jaledauka -- kainji likaiteteka liaji Naminali -- nuapana watsa napanawa liaji Israel Judá yapiya nenipe yapiya jnite mafikali awakadeta. ²⁸ Upi nukada nakapa karuna, jnuta karru pjumi nauya, nupekunaa, nuinukarunaa, nuwayaketakaruna jnite nude nadeshe matsidali, mitsa jnaji jaledauka inuli, numatsieta watsa naa, nutuitakaru nudenji nanaku jnite nuapanana -- kainji liako Naminali ²⁹ Apada watsa jaledauka krin watsa nakaite, jnaji njaniri naipe nainja uva matsipen jipitipen, mitsa netsa jnaji nenipe bota shu ka naa. ³⁰ NIni apada pe watsa aatsianai mayami jnanaitunda ima, pjiumi jnaji iijakape uva jipitipe, kainji watsa netsa bota shu. ³¹ ¿Pikapa, jnaji jaledauka, kuinji liaku liaji Naminali -- tarakautsa njunaita walidalinukaitenda Israel ipanaliku jnite Judá iipana.

³² Kurin watsa walidali nukaiteka napiya jnaji jnanirinai liajaledauka njupaka pia pikapi naku, nudietana padanjale lipaite liaji Egipto, liajaledauka natsereka karun liaji nukaitenda, mitsa Nainiri ka pia njua nashu -- kainji liuku liaji Naminali. ³³ Mitsa liaji nukaitenda nukada tarani Israel iipana riku liapudan jnaji jaledauka kainji liaku liaji Naminali: Nukada liaji lei nanaku nudana nakaule riku, nini jnua watsa Nadiote jnite jnaa nu yakale.

³⁴ Njite watsa apepe aatsia kurin likananfaka liaji yufakada likuema kaitsaka aatsia likanantaka likitsinda jnite likaite. ¡Pianji Naminali! nanaku pjiumi, tsudali nakjuite ipjeriti nakule, nanji watsa nunaku -- kainji liako liaji Naminali -- nini nuperdona namatiskana." ³⁵ Liaji Naminali likaite, Naminali linjaita jeeri mere meren karuni jaleweriku jnite likada keeri linita karu mere meren deepi riku liatsa imatsieta uuni makapawan lianjjikaruwa nawana karu jnuji olas liaji Naminali likaite litsuludaute lipitana naku likaite kainji.

³⁶ Apada tsa nukaite nanaku jnaji yufali nini uupi nañawa nutji yuya -- kainji liaku Naminali -- jnaji nenipe jnaji Israelitanai nemawatsa kaidalitsa yakale makadali nuekjuete naku." ³⁷ Kainji liako Naminali, "Apadatsa ajudali nataitaka namedika liaji jaledauka jalipani jnite nataita nakapaka liaji jlipai iriri tjewakadali, nupeku nuyau nenipe jnaji Israelitanai linaku pjiumi liaji jnanaitunda -- kainji liaku Naminali." ³⁸ Pikapa, jnaji jaledauka inuli -- kainji liaku Naminali -- Njunaiteka tsenaka, torre nakjuite liaji Hananel ángulo ipanananuma sre.

³⁹ Linakjuite liaji línea numedinda pimutu tekjule pja, awakadada Gareb yada jnite liarapi Goa.

⁴⁰ Pjiumi liaji valle nadada maya japerin yada jnite pali jnite pjiumi jnuji jiipai natanda weriku ifiukjeti yada namuju Cedrón Ivallen teku napananuma iesquinan jnaji nakabullón este rikjwite, nakudunpe Naminali ishu, liaji yakale kurin watsa jnarani kurin napekuni tsenuka."