¹ Jnaji nadanpen pergamino riku limenakanpe liaji itsutakada Jeremías Jerusalén isu nasu jnaji ancianonai, sacerdote nai, itsutakape nakadanpen jnite pjiumi jnaji naiki limenakanpen liaji Nabukodonosor Jerusalén jnite, Babilonia sre. ² liaji ipapudan rei kapia Jeconías, jnadua reina, tsuludaunai iminanai, yanjikape Judá yape jnite Jerusalén yape, jna tsaka jnaji artesanos, namenakana padanale Jerusalen yoya. ³ Limenaka liaji pergamino likapi nakjuite liaji Elasa liri liaji Sefán jnite Gemarías liri liaji Hilcias, limenakanda liaji Sedequías rey judá yada lisu liaji Nabukodonosor lireini liaji Banilonia. ⁴ Kainji liako liaji pergamino: "liaji Naminali litsuludaute, Dios Israel yanda likaite kainji: Pjiumi jnaji njapanpen preso nukudanpen nade Jerusalén njite Babilonia sre. ⁵ Jinaita iipanau, yufanini, iapana putira jnite inja yapananpen. ⁶ Yuma iininaiwa kenipe karuna aatsianai jnite naitjepe jnite yuma nainuwa jnaji yenipe aatsianai jnaji itunaipe yuma nainiriwa. Kenipe karu naa jure karu yufakau kurin karu tsutsasha., ⁷ Yuma liaji matsiadali liriku liaji yakale nupekukarun pia shaa, kaku katsa shaa nuapiya iipitananaku, matsia karutsa yufakau kurin iinuakawa. ⁸ Mitsa likaite liaji Naminali litsuludaute Dios Israel yada likaite kainji: Makadatsa jnaji itsutakape, kashape idadivinakape, yufakape iinai ikashata shaa, kurin jimi jnatapunka jnaji itapuniale shaa ⁹ Nini nakashata kasha, nuipitanaku, kurintsu nu menakakana. kainji likaiteka liaji Waminali. ¹⁰ Kainji likaiteka Naminali: setenta año litalikanata kashaa liaji Babilonia. Nukitsindata watsa shaa nudewatsa shaa kainji nukaitenda liaji yakuti matsiadali ishuwau nudietaka kashaa anji yufali nini. ¹¹ Njuwakatsa yanji nukadanda njunaitali ishu, likaitenda liaji Waminali, njunaitanda kurin karu inuakawa, njua karu ishu matsiadali iwapanda. ¹² Jnite watsa nawana watsa jnua, nawatsawa, nakaite Dios nunaku, jnite jnumi watsa shaa. ¹³ Naumawatsa jnua, atsawatsa jnua iinai yuma kapua jnua ikauleshu. ¹⁴ Nini yanji kayumaka jnua, kainji likaite liaji Waminali, jnite nudieta ishuwau iinani kakuadape; nudia njutashaa pjiumi kjere katsa yakale nupeku kapiashaa, kainji likaite liaji Waminali, nini nudietakashaa nupekakarun shaa jnite. ¹⁵ Njite Naminali jnaji tsuludaunai, Israel Idiote kukuni kainji: pantipe jnapaite makaitepe jnite narukuwa jnaji jaikuteda nawentakatsenakana jnapaiiteriku. ¹⁶ Likaite kainji liaji Naminali: liaji rey yufakada litronon naku liaji David, jnite pjiumi jnajinaiki yufakape linaku liaji yakale, jnaji ikitsiñape mamutukape liuya liaji naitakana. ¹⁷ Likaite liaji Naminali litsuludante yapiya: ikapa, tamjia Numekakaru matseta, mawitakai jnite iyamikjeti nanaku. Njunaitakanaa kainji higos matsipen shu, matsipe kurintsu kuka injana. ¹⁸ Ninwatsa nuawatsa njapudan matseta shu, mawitakai shu jnite iyamiketji matsi watsa njunaitaka nakapa jnaji talikanati jiipai yape, marsidali watsa, kainji pa makadawalitanda shu jnite siseos kapaimana nanaku jnaji yakale kjere nupekulinini. ¹⁹ liaji kurin kapua nauma njemika nuakuna, kainji liako liaji Waminali, numenakanaa jnaji idenjikape nusu kainji itsutakape shu, kjeyapi numenaketakana, mitsa kurin yumaka jimika. Kainji likaitenda liaji Waminali. ²⁰ Nini jiwakatsa inuena jimi liaku liaji Waminali, pjiumi shaa naitanji ikau shaa limenakanpen Jerusalén jnite Babiloniasre. ²¹ Kainji lianka liaji Naminali jnaji tsuludaunai, Israel idiote: linaku liaji Acab liri liaji Colaias jnite Sedequías liri liaji Maasias, ikaitepe nuipitana naku ishati: ikapa, tamjia nukadakana likapiriku liaji Nabukodonosor lireini liaji Babilonia. Linuwatsana yekjuete naku, ikapa itji shu. ²² Nini kaku watsana makadali liku nanaku jnaji Judá inaikite naitanji Babilonia riku. liaji yakuti makadawari kainji watsa liaku: liaji Naminali linaite pjia kainji Sedequías shu jnite Acab jnaji limai tanpen tiye riku, liaji rey Babilonia rikudali. ²³ Kainji njeyapakau lima liaji kapaimana kana njanaitanda Israel riku njanaitaka matsidali nadada shu nanaku jnaji nakudapipe inu, nakaite ishati nunuma rikjuite, yakuti kurindali numenaka nakaite, nini njua katsa yanji pjiumi; njua katsa ikapa pjiumi kainji likaite liaji Waminali. ²⁴ Linaku kakun liaji Semaías Nehelamita rikudali: ²⁵ liaji Naminali jnaji tsuludaunai, Dios Israel yada likaiteka kainji: Nini pimenaka jure carta pipitananakuwaka nasu pjiumi jnaji yakale Jerusalén riku, lisu liaji Sofonías liri liaji Maasías Sacerdotenasu pjiumi jna Sacerdotenai pikaite kainji: ²⁶ Liaji Waminali likada pjia Sacerdote kurin karu pikada Joiada Sarcedote, pitalikanatakaru Waminali iipana. pjia pja yanji nanaku jnaji naiki jiraliwa nakadakau njewakawaka itsutakape. pisrutsa pikadakana cepos naku jnite cadenas. ²⁷ Njite panaya, ¿kuada kurin pikuitaka liaji Jeremías Anatot likudali, linai takau itsutakada pikuema? ²⁸ kuada kurin limenaka faa Babilonia sre likaite kainji: liaji uwiawatsani. jinaita iipanau yufa nini, iapana putira jnite inja jaikute iapananda."" ²⁹ Sofonías liaji Sarcedote lilee liaji carta lishu liaji Jeremías itsutakada limikarun. ³⁰ Jnite lino liaji yakuti Naminali ikaitenda Jeremías ishu kainji. ³¹ Pimenaka liaji yakuti nasu jnaji naitanpe ikau: Likaite liaji Naminali linaku lianji Semaías Nehelam rikudali: Mitsa likaite peka liaji Semaías ishu, kurintsu numenakan lide shaa yakaruwa ishati riku, ³² Mitsa likaiteka liaji Naminali kainji: Ikapa, tsumi njunaitaka matsidali Semanías Nehelam rikudali nasu tsaka pjiumi jnaji nakitsiñape. Kurintsu apada watsa aatsia yufau liyakale riku. Kuri watsa likapa liaji njunaitali matsia nuyakeli ishu, kainji likaiteka liaji Naminali, likuema kapua linakule liaji Waminali.