¹ Apada pia jaledauka, linita litali kanataka liaji Sedequías rey judá yada, liaji cuarto jaledauka jnjite quinto mes, Hananiías Azur liri itsutakada gabaón likjuidali, kaku nusun lipanaliku liaji Naminali nekjuete jnaji Sarcedotenai jnite pjiumi njaji naiki.likaite: ² Naminali jnaji litsuludaute, Israel idiote, likaite: Upi nutserenta liaji yugo nukadanda liso liaji Babilonia ireini. ³ Nini dos joledauka nudieta linani liaji Naminali lipanalikule, lipanpe liaji Nabukonodosor Babilonia ireini lidenpe Baniloniasre. ⁴ Jnite nudiete liufalinise liaji Jeconías Joacim iri, Judá ireini jnite pjiumi pjiumi nadenpe judá jnite Babiloniasre, kainji likaite liaji Naminali Dios, nutserentawatsa liaji yugo Babilonia ireini naku. ⁵ "Kainji kaku lianji inuparutakada Jeremias lisu liaji sarcedotes nasu tsaka pjiumi jna naiki yemakape lipana riku liaji Naminali. ⁶ Kuku kainji liaji Jeremías ¡ nuparutakada kaitsa linaitaka liaji Naminali! Ajadali likaiteka Naminali, ajadali liaji yakuti likaitenda pidieta tsenaka jnali linani yufakape lipana riku, jnite pjiumi nadenpe Babiloniasre. ⁷ Mitsa, jimi liaji yukuti nukaitenda jimi jnite nasu pjiumi jnaji naiki jimiri. ⁸ Pjiumi jnajinuparutakada nupjeyalepe jnite isu itsutakape upi liaji yakuti nasu jnaji yakale nanaku tsakja makanipe tali kanati, uwinaku, mawitakai jnite iyamikjeti. ⁹ kaikaru jnaji inuparutakape kuna matsiadali liku, nini ajadaliwatsa liaji yakuti, nini yanjiwatsa yanji ajadali limenakandaka lianji Naminali. ¹⁰ Mitsa liaji Hananías inuparutakada jlipaa litserenta linuru nakjuite liaji yugo. ¹¹ Nini kaku liaji Hananías nekjuete naku pjiumi jnaji naiki likaite: "liaji Naminali likaite: kainji likashu liaji, dos jaledauka nakjuite nutserenta nanuru pjiumi jna yakale jnite likadanda yugo liaji Nabukodonosor lireini liaji Babilonia". jnite liaji inuparutakada Jeremías liawa iinipu liku. ¹² Litserentakaru Jeremías yuya liaji yugo linuru likjuite liaji Hananías itsutakada. yakuti yuka Jeremías inuparukada ishu Naminali ikaitenda. ¹³ "Washapiawa kaku liapiya liaji Hananías pikaite lisu kainji: "Naminali ikaitekainji: Pitserenta lianka yugo jai kuda, njunaita panaya liapundan apada tsipala shu. ¹⁴ Nini liaji Naminali litsuludaute yapiya Israel idiote ikaite kainji: "Nukadaka yugo tsipala shu nanuru naku pjiumi jnaji yakate nadjenikaru Nabukodonosor isu lireini liaji Babilonia, nadjewatsa lishu. Nkada tsaka litalikantaka pjiumi jnaji mafikali awakadeta. ¹⁵ Jnite inuparutakada Jeremías likaite lisu liaji inuparutakada Hananías: "¡Pjimi Hananías" liaji Waminali kurintsu limenakaka pjia, jnite pjiwakatsa ikashata jnaji naiki. ¹⁶ Nini kainji kaku liaji Naminali: Pikapa, tamjia nupeku pjia padanale jiipai. Mayanwatsa pjia liatsa año ka liaji, kaku kapua pjia jnite pikuematuka Waminali" ¹⁷ Liaji septimo mes liatsa año, mayami liaji itsutaita Hananías.