¹ Linata litalikanataka liaji Sedequias, Josías iri, rey Judá yada, lino liaji yakuti lisu liaji Jeremia likaitenda Naminali. ² Likaitenda nusu liaji waminali: "pjinaita grilletes jnite yugo. Pickadani pinurunakuni. ³ panaya pimenakani lisu liaji rey Edom yada, rey staka Moab yada, rey tsaka liaji yakale Amón likudali, rey Tiro likudali jnite rey Sidón likudali. pimenakani nashuwau nakapiliku jniji idekape yakuti nasu jnaji reynai nanukapua Jerusalén Ire Sedequías nisre, rey Judá yadá. ⁴ pianashu njanaitenpe watsa (mandamientos) jnaji ikanantakapena pikaite nashu kainji: Naminali litsuludauteyapiya, nadiote jnaji Israel likaite inaa kainji: Isrutsa ikaite nasu jnaji ikanantukape sha ⁵ Njuatsa jinaita jiipai lima liaji nukajaidaka jnite njureta kapua nunapa, Njunaita tsukja jnaji naiki, mafikali jiipairikupe. nuanashun jnaji kukatsa nukapali matsia nutishu. ⁶ panaya, njuatsa yaa liaji jiipai likapi liku liaji nabukodonosor, rey babiloniayada, idenjikada nusu. Kaitsaka, nuakalishu pjiumi jnaji kafipe lifinkanlikupe nadenjikaru lisu. ⁷ kaikatsa pjiumi watsa yakale nadenjikawatsa lisu, lienipe, lidakenai kaitsa liwayakakau liaji jiipai, nini, jure yakate jnite makanipe talikanati nua menakan. ⁸ Nini jnaji yakate jnite jruji talikanati kurin jnanaita matsiaduli Nabukodonosor isu, rey Babilonia yada, kurin nakada liapjite liaji nanuru liaji yugo liyada liaji rey Babilonia yada-nuñana nayakate numatsentanshu, mawitakai jnite iyamikjeti-liaji likaitenda liaji naminali- liwayaketa kanaa likapishu. ⁹ Nini kuri pjimi nasu jnaji inuparutakape, malirinai, kakupe mayanpelin yapiya kakupe piapiya nakaitenda: "madjenitsa lisu liaji rey Babilonia yada". ¹⁰ Nakaitepeka ishatijnite natsutaka piakaru teko pjipaite yuya, nude watsa tekupjia jnite mayanwatsupjia. ¹¹ Mitsa jnaji yakale ikudali liapjite liaji nanuru likaitenda liaji rey Babilonia yada lidjeni tsaka lisu, nukada liushua lomaudaka lipjaite riku- liaji likaitenda liaji naminali nadjeni, napana jiipai njanaita napanau nini. ¹² Kaitsada kaku njua Sedequías ishu, rey Judá yada nuanashu liaji yakuti: "Ikada inuru yapjite liaji yugo rey Babilonia yada pidenji lisuwan piyakale yapiya kafiwatsa pjia. ¹³ ¿Kuanda mayan watsa pjia piyakale yapiyamatsetalima, mawitakai jnite iyamikjeti kainji nukaitenda isu nanaku jnaji kuripeyumaka idenji lisru liaji rey Babilonia yada? ¹⁴ Mjemitsa yakuti nakai tenda jnaji istutakape kakupe piapiya nakaitenda kajnnji: Madjenitsa lisu liaji rey Babilonia yada nakaitepeka ishati pinaku. ¹⁵ kurintsu numenakana padanale-liaji likaitenda liaji Naminali-Mitsa nakaitepeka natsutanda, ishati nuipitananaku numenakakaru pideshe jnite mayankaru pjia, yamada karu shaa napiya jnaji istutakape kakupe pinaku. ¹⁶ Nukaitenda nasu jnaji Sarcedotes nasu tsaka jnaji yakale nukaitenda: Naminali ikaite kainji: Mjemitsa nasu jnaji istutakape ishu: ¡ikapa! ¡pjiumi nanpe lishuwan liaji lipana liaji iminali nadietana Babiloniale! nakaitepeka ishati inakule. ¹⁷ Mjemitsanaa. Idjeni lisu liaji rey Babilonia yada kafi karu shaa. ¿kuada watsa lisutsa liwayakakau? ¹⁸ Pja ajandali liaji nakaite jnaji istutakape jnaji liaji yakuti likaitenda liaji naminali ikada natjata karu Naminali iinai nanaku njaji nanape Namanali iipanaliru, njepana napana riku, lipana riku liaji rey Judá yada jnite Jerusalén yada. ¹⁹ Naminali itsuludaute yada likaite kainji lipana iwai naku: Uuni makapawan (mar) jnite liaji jipakadan (base) jnite pjiumi yufakape pia yakale riku. ²⁰ Jnaji linani liaji Nabukodonosor rey de Babilonia yada, kurin lidena lidekarun Jeconías Joacim iri, rey Judá yada jnite Jerusalén. ²¹ Naminali litsuludauteyapiya, lidiote liaji Israel, likaite nanaku jnaji lianpe yufakapea Naminali iipana liku, liipana liaje rey Judá yada jnite Jerusalén. ²² Nadena Babiloniasre, jnite nautawatsa nini nudia pada watsu jaledauka nudia njutanakaikatsa likaiteka liaji Waminali-jnite watsa nudena, numatsietana naufali nini.