¹ Linita litalikanata jliaji Joacim, lisri jliaji Josias, lrinuu lriaku jliaji Naminali, lrikaite: ² piema lrimuliute rikjuite jliaji nupana jnite kaku nanuku pjiumi njaji yakale Judarikupe iinukape jinaita matsiadali nupanariku. pikaite yakuti nukaitenda nashu . mañetatsa pada yakuti ! ³ Pakapautsa jnemika, apadape aatsia ipekuaka liuya jliaji iinipu matsiadali, nini nuwaupia nukada jliaji matsiadali numali nukaiteka nashu jnanaitanda iima. ⁴ Kaitsa ishutsa ikaiteka: " kainji liaku jliaji Naminali : kurikada jimi nushu kurin yuma yemanjika nukaitendaliku jliaji nukadanda. ⁵ kurikada jimi nakaitenda jnaji idenjikape nushu , jnaji inuparutakapepia namenakanpe kjeyapi ishu mitsa kurin jimi nashu! ⁶ Nini jnunaitautsa panti Silo shuperi jnunaitautsa jliaji yakale makadawalishu napakaru pjiumu jnaji yakale jiipairikupe" ⁷ Nini jnaji sacerdotenai jnite inuparutakapepia jnite pjiumu njaji naiki jimiri Jeremias ishu likaitenda yakuti naminali iipanaliku. ⁸ Limutu jliaji yakuti likaitenda jliaji Jeremias naminali ikaite nashu pjiumi jnaji naiki, sacerdotenai, jnite inuparutakape jnite jnaji naiki jnepam jnite nakaite! panaya mayankapjia! ⁹ Kuada pinuparutaka lipitananaku jliaji Waminali njitekainjiwatsa jliaji panti Silo shu jnite jliaji yakale liwayakawastana maminali watsani naama jnaji naiki inuakakape lima jliaji Jeremias lipanariku jliaji naminali. ¹⁰ Jnaji naminanai jnaji tsuludaunai juda yape jnemi jliaji yakuti njite jnerau lipana likjuite jliaji rey liwayakaunaminali iipanaliku naufau lipananuma jliaji walidali pantinuma lipana jliaji Naminali. ¹¹ Njaji sacerdotenai nja tsakja njaji inuparutakapepia kakupiana nashu jnaji natalikana jnaji tsuludaunai nashu pjiumi jnaji naiki. Nakaite: "Matsia pja mayankajliaji aatsia, linuparutetaka matsi yakale naku, kainji jimikapishu!". ¹² Kaitsakja kaku Jeremias lrisu jliaji naminali njaji tsuludaunai likaite: "Naminali ikaitenda nashu nukaitekaru ishu nanaku jnaji panti jnite yakale, nukaitekaru jliaji yakuti jimiri. ¹³ Nini panaya imatsieta yukapishu jnite jinaitanpe jimi matsia iminali idiote kurin karu jinaita matsidali likaitenda inakuwaka. Jnuatsa iikapa jnua! nufa ikapiriku jinaita ¹⁴ nushu matsiadali ikapanda jinaitaka matsia. ¹⁵ Mitsa ikapautsa matsia nainukawatsa jnua , ideka ishuwau iirai kjenaperi yape jnite jiwakawa napiya pjiumi njaji yufakape yakaleriku ajadali limenakakanjua jliaji Waminali nukaitekaru jliaji yakutijiminda". ¹⁶ Jnite nakaite jnaji naiki jnite jnaji tsuludaute iminali nashu jnaji sacerdotenai jnite inuparutakape " kuritsa matsia mayanka jliaji aatsia, likaite washu lipitananaku jliaji Waminali wadiote. ¹⁷ Nini jnaji aatsianai ancianonai jiipaijnakjuitepe nemawa jnite kakuna nashu pjiumi jnaji yakaleta reunionriku. ¹⁸ Nini kakuna:" jliaji Miqueas Moseret yada likaitekanaa jliaji jaledauka, rei kapia Ezequias judariku, kakukani nashu jnaji naiki judarikupe, likaite nashu: jliaji naminali jnaji tsuludaunai likaite kainji: kaikawatsa jliaji Sion likashu jliaji jiipai nadejninda jalami, jnite Jerusalen kaikawatsani jlishu jliaji jiipai natanda tsupetsa panti jiwakadanshu, njite liaji awakada templo linini, kaikawatsani awakadada jipanaliku. Kuan tsakja ¹⁹ jliaji Ezequias rei juda yada jnite pjiumi juda nadekan mayankali nisre? Pja kurinkalifiuwa naminali iwana jnite liyalinta liekua liaji naminali kurin karu jlinaita matsidali kainji likaitepekapishu ? fanaita matsidali wanakuwaka ? ²⁰ Mitsa pakapapia aape aatsia inuparutakada lipitana naku jliaji Naminali _Urias jliri jliaji Semalas, Quiriat Jearim - yada linuparuta tsakja linaku jliaji yakale jnite jliaji jiipai, likaitenda yakuti ajadali jeremias ishu. ²¹ Mitsa jlimika jliaji rei Joacim jnite pjiumi jnaji litsuludaute iminanai jnite jnemi yakuti rei nakjuite liumakatja linukan, mitsa Urias jimi jnite lifiuwa jnite lipitu liawa Egipto sre. ²² Nini jliaji rei joacim limenaka aatsianai Egipto likule_ limenaka Elnatan, Acbor yenipejnite paana pja aatsianai nakaru nauma Urias . ²³ Namutueta Egipto rikjuite Urias nadeni jlisru jliaji rei Joacim, nini Joacim iyuani mtseta shu, limenaka lidada natumban nakule jnaji naiki kjenaperi. ²⁴ Mitsa likapi jliaji Ahicam, Safan iri aatsa Jeremias inai, lima kurin nade nakapirikule jnaji inukape naiki.