¹ Iacoti inoca Jeremias icaojle jlinacoapana piomi jliaji yacajle Juda. jlipia año cuarto jamojlinaco Joacim jiawajle Josias ienipe, itajlicanati Juda dajli. Icatsa jlinipia año itajlicanatica jliaji Nabocodonosor iofacada Babilonia. ² Jeremias inoparotacaita nanacoapana piomi napji Juda peeri nite nanacotsa napji Jerusalen riicope. ³ Trece año piaca jlirso jliaji Josias Amon ienipe, itajlicanati Juda dajli, panasheete, vientitres años weriico norso, cooca jliaji waminajli noapiya, cacoota nua iapaya aimawajlia curicadeca jimica norso. ⁴ Waminajli imenacata icaojle napji jlirsoperi natsaca inoparotacape aimawajlia, curim cadeca iwapaa jimicaro narso. ⁵ Nacadata irso iacoti napji inoparotacape: imotuaca jlioya jliaji matsicai inipo, imaaca jliaji jinaitanda matsi, nite watsa iofa imawadaca jinirinai iapiya jlinai jliaji waminajli ima jliaco irso jliaji jajledauca mawayacacadajli. ⁶ Mitsa curicadeca iomaa idiotewa apada iacaronta jlirso matsiadajli wadenta iqueruataca nua jlima jliaji jinaitajli macadadajlitsa. ⁷ Mitsa curim jimica norso, cai jlicaiteca jliaji waminajli, nini iometetaca nua jlisho jliaji jinaitanada icapisho, nini watsa matsiri inoca icaojle jlima jliaji janitanda. ⁸ Nini jliaco jliaji Dios naminajli napji owinai: curim jimica iomaca jimica noaco. ⁹ Icapa, queyetsaotsa nomenacacaro iacoti nonacawa nawaquetacacao piomi napji yacajle iofacape ashiquemete, cai jliaco waminajli, jlinaiwatsa jliaji norsodajli Nabucodonosor italicanati Babilonia dajli, nite nodecaotsana nacauemawa piomi napji aperi iofacaoji nite piomi jipainacuitetsaca. nowayaque taotsana piomina nite nocadawatsa nacani naicao, curim cooca iofaquetsa jliricoda. ¹⁰ Nocadawatsa jliwayacao natimaa jliatsaca jliaji napeyonda nite nanovio itimaa nite jlinovianitsaca itimaa caitsaca namojleshopa jipada nite camarrai queradajlitsaca. ¹¹ Piomi jliaji neepaite curim watsa cooca jlirso, 70 año icoawatsa itajlicanati Babilonia irso periicana. ¹² Nite jlioquena jlinanaa 70 año nini decaotsa nacadaca jlicapa jlicoadao jliaji itajlicanati Babilonia dajli, piomi jliyacare iapiya, napaitetsaca napji Caldeo nai cai jlicaiteca waminajli namatsicana icaote norapitetaotsa curim apaada nocada manaco. ¹³ Nocadacaotsa jliyapacao caiji nocaite jlinaco jliaji jajledauca, jlimotoatsao caiji jlinoparotacani paperajlico jliaji Jeremias ima jlinoparotaca nanaco piomi napji yacajle. ¹⁴ Ima aima yacajle teecojlepe nite caaconape itajlicanatinai jlirsopericaotsana jliaji yacajle. nua watsa icaoñana nadenicajle icoada. ¹⁵ Icatsa jlicaitejlica norso jliaji Israel iDiote: piipa nocapiricuite jliaji vinoa ima nocañataotsa noirua jlirico nite piaca nairrani napji yacajle nonani piaca irrani. ¹⁶ Ima nairraotsani nite nawacaotsao caacopeotsana macadatsa jlima jliaji nomatsetan nomenacajli naocaojle. ¹⁷ Icamitsa nopaca waminajli icapiriuite jliaji copa nite nocada nairani piomi napji yacajle waminajli imenacajli nirse nua. ¹⁸ Jerusalen, napji yacajlefepe Juda riicope nite natajlicananaitsaca quenacaotsa, namacadawajli, taotsanana, necawatsa naicao caidajliwetsa. ¹⁹ Nite liaji Faraon Italicanati Egipto dajli, napji jlirsoperi, jlienipe caconaperi nite piomi napji jliyacareta; ²⁰ Piomi napji apaana naiquinai iofacape liricoda yacajle, piomi napji italicanati Uz jipaitenacuitepe; piomi Filisteonai, Ascalon, Gaza, Ecron nite napji jlitepen Asdod peri. ²¹ Edom y Moab nite natsaca napji Amonitas. ²² Piomi napji italicanati Tiro perii piomi napji Sido riicope, piomi napji italicanati iofacape pemajle uuni macapawan inomapi. ²³ Dedan Tema nite Buz tsaca piomi napiya napji iyoacape itsicojle piomi nairaca jliaji uuni. ²⁴ Piomi napji italicanatinai Arabia perii, nite piomi napji italicanatinai apanaaotsa inaiquinai iofacape jajlapocolirico; ²⁵ Piomi napji italicanatinai Zimri, piomi italicanatinai Elam perii, natsaca piomi napji italicanatinai Media peri. ²⁶ Nite piomi napji italicanatinai inarruemeteperi, tsomipe nite teecopetsa iofacao, piomi iofacape iwenai iapiyawaca nite piomi iofacape jajledaucarico; piqueten watsa jliracani jliaji italicanati Babilonia dajli. ²⁷ Cai Waminali icaite norso: panaaya, picaite narso: cai jliaco jliaji tsojlidaunai Iminali, Isarael iDiote, cai jlicaiteca: iran nite ideewana icatacaotsao jiwaniotsao nite mitsa curim itaita iemaca jlicuete jliaji nomatsetan nomenacanda icaojle. ²⁸ Nite curicaada naoma naapaca jliaji copa picapiricuite nairacaroni, caiwatsa piaco narso: cai jlicaiteca jliaji owinai italicana: irsotsa iracani. ²⁹ Icapa, nonitaquena nocadaca matsiri inoca icaojle apji jliricoda jliaji yacajle nacawapia norso matsiadajli ¿I wadantapa curicaro norrapiteta iyacajle? curitsa manacocaro shia ima norapitetacaotsa piomi napji yacajle, icatsa jlicaterica jliaji owinai iminajli. ³⁰ Pirsotsa pinoparotaca nacueete piomi jliaji iacoti, picaite narso: Dios jiemataotsa caidaa eenolicuite, apji jliofacarodalicuite. Ima jlirua jiwaotsa caiwiricotsa nanaco napji jlienipe nite piomi nanacotsaca napji jaledaucaricoperi, cai papoacaji botasho napji uvadape caiwatsa jlirua iwaca nanaco piomi iofacape jaledaucajlico. ³¹ Namiotsa piomi jipai icaon cuamica oowiricoca naofao ima Waminali icadacaotsa nacaapa licaote jliaji nanaitanda Jeledaucajlico jlicadacaotsa narapita napji matsiperi, cai liaco jliaji waminali. ³² Oowi imanali icaite caiji: panayaotsa matsiri inoca icaojle yacajle icoan, nite eenoajli inoatsa icaojle jipai tecoitedalinacoite. ³³ Nite jliwaliotsa napji norapitetani mayamiotsana naoruawatsao jipai iecuete, caiji miperishotsa, curim watsa cooca iyaa nanaco nite curim tsaca cooca jiretacana nadawacaro iririco. caiwatsanaji ishatisho naosruaca jipairico. ³⁴ Pastornai, italicanatinai iyeena inacowaca yorsoetaquenao jipairico, jiaa naminanai napji oveja iwapaji, ima jlicaquenao nanaa nainocarona; caiwatsa nawacaoji paitapena botamicaji jliaji torropeda matsiadajli. ³⁵ Curiwatsa nanataita napitucao napji pastornai iwapacape ovejanai. ³⁶ Icamitsa pamiriica jliaji nemataca napji pastornai nite napji iapacape oveja, ima Waminali iwayaqueta piomi jliaji naiñaoda nini curitsa narso naijaope. ³⁷ Ima waminali Dio iroajlico jliwayaquetaotsa napji matsiperi. ³⁸ Capji iepetina leonsho, jlimacaca jliaji liapacawa, ima jliaji jipai lipadamaotsao cafainacawa jlirua ima jliaji ipapicadapiani, jlirua icaute.