¹ Quenaperi caotsa napji pastorenai imatsiquetacape paitapena noovejani iofacape narrodajlico cai jicaiteca jliaji waminajli. ² Nini cai jliaco jliaji waminajli, Israel iDiote naorso napji pastorenai iwapacape nonaiquite, oopi ifietaca napocotao napji noovejani, curim iwapaca matsiana. panayaotsa nocaadaca icapaa jliacuada jliaji jinaitajli narso, cai jlicaiteca liaji waminajli. ³ Noa watsa iwaqueta tsenaaca napji nowapani piomi jipainacuite apji nopecojlipia nitena, nodietacaotsana naofacarrodajlico tsenaca, nini watsa namaimatacao joredajlitsenaca. ⁴ Nini watsa nocaadaca pastorenai iwapacaopena curim nawioquetsao curim tsacaotsa cooca ifietacana nanicaaro paitapenawa, cai jlicaiteca jliaji waminajli ⁵ Icapaa panaaya jlinocaotsa jliawali, cai jlicaite jliaji waminajli, noniwanacaotsa David tsenaca nacadacaro jlirso apaada matsiadajli, jlitaricanataotsa apada caconadajlisho; caniquedajlicaotsani nite jinaitaotsa matsia piomi jajledaucarico ⁶ Jliawariotsa jlimanacota Juda nite Israel jlimawadacaotsa jliofawa. nini watsa nacaite jlinaco Waminajli jinaitaca matsia. ⁷ Icaapa jlinoquena jliada, jicaiterri jliaji Waminajli, curim watsa nacaiteca, cawidajlica jliaji waminajli, jliaji iwatacacaitapia napji Israel nai Egipto riicuite. ⁸ Mitsa nacaiteotsa, cawidajlica jliaji waminajli, iwatacacaitana nite jlidietaca nenipena napji Israel ipaneta napji iofacape jipai inarruemeteperi nite piomi napji jipainacope napecojli nitena, naofacaotaso napaitenacuena. ⁹ Nite nanacoapana napji inoparotacape, coyojle jliaji nocaojle moyeeca piomi napji noñapite. caica nua apada ashia idewanacaitasho, caiji josrecani pairraca yajlaqui, ima Santo dajlicappoa jliaco jliaji waminajli. ¹⁰ Ima pacanca jliaji jajledauca noshoo napji jinaitacpe matsi nadaquisho. nini jlicaote meetaca jliaji jipai. piomi meetaca napji jarapocojlicoperi. ima matsipeca naanipote napji inoparotacape; ima curica nacaite jliaji ajadajli. ¹¹ Ima piomica napji inoparotacape nite tsaca napji sacerdotenai oopi namatsicacao, noquetaca jliaji namatsicana nopajlico, cai jlicaiteca jliaji waminajli ¹² Nini queticai caotsa jliaji nopowa wadecawa pawacao depiriico cadoitacana watsa nawacaroa nirse, ima nomenacaotsa matsiri inoocaro naocaojle jliawari nocadaaca nacapa, cai jliaco waminajli. ¹³ Ima nocapaca cuamica nanaitaca coamidajlicatsa naoma nanaitaca napji inoparotacape Samaria riico. nanoparotaca nadiotenaco nadecaroni inipojlico matsiacai napji nonaiquite Israel. ¹⁴ Nite nacoapana napji inoparotacape Jerusalen riico nocapaca coamica nanaitaca matsidajlitsa; nanaitaca nadaquisho matsi nite napeyoca jliaji ishati juiwi nacapaca narso iñaitocape caica napji Sodoma icayosho nite Gomorra icayosho. ¹⁵ nini cai jlicaiteca jliaji waminajli oowi itajlicana, nanacopana napji inoparotacape, panayaotsa noaca nairra ooni namanitania, ima nacoite jlimotocao jliaji matsiadajli napji inoparotacape. ¹⁶ Cai jlicaiteca jliaji tsojlodaunai iminajli, mamitsa narso napji inopparotacape micatsa. ima nacashata capantsa shia, ima nacaite irso jliaji nawaopiaque midajlitsa, curim inocodaca Dios nite. ¹⁷ Nacaiteca jliaji micapandajlitsa curidajli nopeyoca: waminajli icaite imawadacaotsa iofawa. ima napji jinaitacape jliaji naomajli naitaca nacaojle riicuite caridajlinonaca nanaitaca.: curiotsa matsiri inoca icaojle. ¹⁸ ¿ cooca iemacao nawaquetacawericowa cacowerico jliaji wamianjli? cooca jimica jliaco? ¿cooca iapaca jimiwacaro jliaco jliaji wamianajli? ¹⁹ Icaapa, panayaotsa tirrojli inooca wamanajli iruaajlico, nite jlicawoconi caotsawa nawai nite jlicawoconi tsacao nawidanaco napji matsiperi ²⁰ Curiwatsa wamanajli icaadaca iroa jiyapawa querequenaotsa jliwayaqueta piomi napji jliomari jlinaitaca jlicaorericuite. ianiwatsa jlinacoapana jlinanaa iocawericuenao. ²¹ Ima curica nomenacanica napji inoparrotacape, nawacatsa ianica icashateta curim nemanacanicana, mitsa nanoparotamincatsa, ²² Mitsa namicadanta norso jlinaco jliaji nomajli nocaiteca wawaqueta cawericua, nini napji nonaiquite nemicadanta noaco; nininta nenitacapiawa jlioya jliaji inopo matsicai. ²³ ¿Nua jliaji Dios tsomidajlitsa ioya, cai jlicaiteca jliaji waminajli curim teecodajlica ioya. ²⁴ ¿Capanta apaada itaitaca idawacacao nooya apaferrico curicawa notaita nocapacani? cai jlicaiteca jliaji waminajli ¿curitsa nuaca ipacantacaitaca jliaji eeno nite jipai? cai jliaco waminajli. ²⁵ Oopi nomica narso napji inoparotacape ishati icaitecape noipitananaco micapandajlitsa. cai nacaitecaji: notaponca, notaponca. ²⁶ ¿Cadajlidawatsa icua nawantaca napji inoparotacape ishati nawaopiaque midajlitsanaco, nite napji inoparotacape ishati nacaijlericuite? ²⁷ Nawaopia cuamica nanaitaca nonaiquite imawadacacaro iofaa nooya jlisho jliaji nataponiajle, nacaitecani nacodapipe irso caiji nanirinai imawadacacani nooya jlima jliaji nadiote. ²⁸ Jliaji jitaponcada, icaada jlicaite jlitaponiare, mitsa jliacadeca jliaji nocadanda irso iacoti ajadajli. ¿cooca icapa majlishi caiji pacapacani caana? cai jliaco jliaji waminajli. ²⁹ ¿Ciaca jliaji noaco tiiye icayosho cai jliaco waminajli, nite martillo shotsaca iñacada paitapena jliawa jliaji jipada? ³⁰ Icapa, noemaca nacuete napji inoparrotacape cai jliaco waminajli o coandajlicatsa jimicada ape irso nite jlicaiteca nuaca jliaji imenaca jlinoparotacaro noipitananaco ³¹ Icapaa, nua iemaa nacuete napji inoparotacape, icatsa jlicaterica jliaji waminajli, icaitecaita jitaponiajle Dioca imenacanpecana. ³² Nua iemeca nacuete napji inoparotacape icaitecape jitaponiajle icamitsa ishati cai jliaco jiaji waminajli nite nanica nacaitepe ishati nini josredajli nadeca nonaiquite teecojle nooya nasha ipoan. mitsa nuaca iemeca nacuema, curim coancaojli nomeca nacaaro nacaite nataponiajle, nini watsa curim coamica naquitsindataca napji nonaiquite cai jlicateca jliaji waminajli. ³³ Nini watsa natatewerico pia napji naiquinai, inoparotacape o sacerdotenai ¿coca jliaji jlinarotajli inaco jliaji waminajli? picaite narso, icatsa pia jlinoparotajlinaco panayaotsa nopeeco tecojle iawa cai jliaco waminajli. ³⁴ Nite wats napji inoparotacape, sacerdotenai piomi napji inaiquinai icaitecape, waminajli iacoca jliaji wacaitejli nua watsa jirapitetana. ³⁵ Picaiteotsa narso napji iofacape picodapi, nite narso tsaca napji piquitsiñape: ¿coami jliaco pirso jiaji waminaji? ³⁶ curim watsa coacaojli icaiteca jlidenicajleca jliaji waminaji. ima ashianai iacoca jliaji nanijli nacashateta isho, nite shia imacoadataca jliaji Dios cawidajli iaco, naminajli napji tsojlodaunai, jliaji waniri Dios. ³⁷ Caiwatsa icaitca jliaji jlirso jliaji inoparotacaita: ¿cooca jlinaitajli irso jliaji waminajli?¿cooca jlicateri irso? ³⁸ Icaitecada jliaji: waminajli iaco jliaji wacaiteri, ima cai jliaco jliaji waminajli: icaitecapoa jliaji iacoti, waminajli iacoca jliaji. Ima nomenacaca iacarowa icaite curitsa waminajli iacoca jliaji wacaitejli. ³⁹ Panayaotsa icapaca, tsomitsa notacaro nopeeco tecojle iofacaro teeco noyacajle ioya. piomi iyacajle iapiya nite jinirinai iapiya tsaca. ⁴⁰ Nite nopaimaniataotsa caidajlitsa shia nacaiteotsa matsi inaco curicaotsa coca imawadaqueta ioya.