¹ Cai jliaco jliaji waminajli: pioroco jlipanarico jliaji italicanati Juda dajli nite picaite narso jliaji yacooti. ² Picaite caiji, pia italicanati Juda dajli, piimi jliaco jliaji waminali, pia iofacada David iofacarodajico natsaca napji idejicape pirso nite piomi napji inaiquinai jiewacape pantinomalico. ³ Cai jliaco waminajli: pinaita caidajlitsa matsia, nini jliaji iñaitocada pitaca naoyan napji jipacapeni narsodajlio. mamatsicatsa shia narso napji apaada jipainacoperi, maniriperin, maduiyoanaipetsaca. mainoacatsao apji piofacawa. ⁴ Ima piepacada ajadajli jliaji iacoti, nini watsa naofacao napji itajlicanati David iofacaroda jlico, newacaotsa carro jlico nite caballos nacotsaca piomi nanaiquite iapiya narso peri iapiya tsaca. ⁵ Mitsa curicada piapaca jliaji iacaoti nocaitejli, nocaite shia nua iminajli, nowayaquetacaotsa jliaji itajlicanatidapana iofacaroda. ⁶ Ima cai jliaco jliaji waminajli jlinacoapana jlipanana jliaji itajlicanati Juda dajli: caica piaji Galaad icayosho, o jlicayoshoca jliaji Libano ienondajli. Mitsa pacoacatsa nocadacaotsa ipofawa yacajle maminajlina dalisho. ⁷ Ima oopina nocadaca napji inocaope inoo shia namocawansho, nayoacaotsan napji jaico matsiaperi nite watsa nacaadaca nawao. ⁸ Nini watsa, nayapacao napji inaiqui jlicodapi jliaji yacajle. nacaitewatsa narsowaca ¿cuaadapa cai wamanajli jinaitaca jliaji yacajle? ⁹ Nite nepawatsa: ima oopi namacaca jliaji wamanajli Dios icadajli yacoti narso, nacaro matsiadajli nadiote irso. ¹⁰ Maiyatsa mayanperin inaco macoyojletacatsao jlinaco, mitsa iyaaca caiwi jlinaco jliaji iacaita ioya, ima curim coancajli nadiacao icaojle ¹¹ Ima cai jlicaite jliaji waminali, jlinacuapana jliaji Joacaz Josias ienipe italicanati Juda dajli, jliaji italicanatali jliniri Josias iapodan; jliaji iacaada jaitiaji curiwatsa jlidiaca cayojliaji ¹² Mayamicaotsani apada jipainacojli nite curim coacaojli nadiawa napaitenacojle. ¹³ Quenadajli caotsa jliaji jinaitacaita ipanao micapandajlisho, jlisalanio matsidajlisho, icaadacada jliquitsinda ideji macaoñacanatsa; ¹⁴ Jliaco: nonaitaotsa nopanao macadajli irsocadaotsa macawajle ienonrse, noitaotsa macaawe jliwentananio niteotsa nopintani irraidajlisho. ¹⁵ Pitajlicanataotsa ima picoraratacaotsao cedro napesho? ¿curimi piniiri iñaaca curim tsaca jliraca, jlinaitacadan matsia, nite matsiadajli inoca jlicaojle. ¹⁶ Jlinaitaca matsia narso napji quenaperi nite napji canacaiperi irso. icatsa matsiaca jlinaitaca. ¿catsa jliaji ianishopaca nua? cai jlicaiteca jliaji waminajli. ¹⁷ Mitsa pia curim cooca jliaji piwaopiajli icamitsa piitaca picaojlewa jlinaco jliaji coamica piganaca midajlishotsa nite coamica piinoca inaiqui mamatsicanaperitsa, piapacapoa napeyajle. ¹⁸ Mitsa, cai jlicaiteca jliaji waminajli jlinacoapana jliaji Joacim Josias ienipe jliaji itajlicanati Juda dajli: curiwatsa naiyaca pinaco napji piwenai curitsaca piweduanaipeca, quenadajli icanatacaita. ¹⁹ Nadawacaotsa pia nadawacawa napji asno, narraniwatsa pia napecocarro teeco pia Jerusaen ioya. ²⁰ Piawa jipananacojle Libano nirse nite piemataca caida, piemata Basan riico. piemataca jipananaco Abarim nite, mitsa napji pipondape nawayequetacaotsa pia. ²¹ Nocaiteeta pia matsiaweriicotua pia, mitsa picaiteca: curim watsa nomiica pirso, ima caidajlica iepeticadanacotua pia; curim pioma piimica noaco ²² Tecoatsa caojli naoya napji iapacape pia, nite napji piquitsiñape napacaotsa narsoperiona. niteotsa, napaimanietaca queena pia jliama jlaiji pinaitajli matsi. ²³ Pia iofacaitao Libano riico iofacada panti matsiadajlirico nanaitanda cedrosho, cuaniotsa quenaca nacapaca pirso caiwiwerico pia caiji caiwicani inaro quenipedaro ²⁴ Ima cawidajlica nua, cai jlicaiteca jliaji waminajli, ninitsa pia, Conias, Joacin ienipe jliajiitalicanati Juda dajli, notacaotsa pia nocapiricuite ashiema caiji patacani jliaji pasellanda. ²⁵ Ima, noaca pia nacapirico napji iomacape inooca pia nite nacapiricotsaca napji piwioni picapaca, jlicapiricotsa jliaji italicanati Nabucodonosor Babilonia dajli nite narso tsaca napji Caldeo perii. ²⁶ Nopecocaotsa pia piduadajlico jliricuite jliaji jipai nirse watsa mayamica pia ²⁷ Jlinaccuapana jliaji jipai naomajli nadiaca nisre, curim watsa nadiaca cayojliaji. ²⁸ ¿Catsa pijarranajleca wotamini jliaji? ¿ catsa jliaji ashia Conias jlipitana, jarrana curidajli coadaoca? ¿ima oopi napecoca napji jliapodanperi, nite jliaca apafe yacajle curidajli nacapapia. ²⁹ Jipai, jipai, jipai pimica jliaco jliaji waminajli ³⁰ Cai jlicaiteca jliaji waminajli: pidana jlipitananaco jliaji Conias: ima menipedajlin caotsani, curiwatsa matsia jliacao jlifacadanaco jajledaucarico nite napji jliapodanperi curim watsa coco narsojli curiwatsa napieta naofacao David iofacawarico, curim tsaca jlitalicanatacaotsa Juda.