¹ Apapeeco iacoti waminajli nite dajli inoca Jeremias icaojle itajlicanati Sedequia imenacawerico jliaji Pasur Malaquias ienipe nite Sofonias Maasias ienipe jliaji sacerdote. cai nacoaji: ² Pitatataa piomio cuamicaotsa wayapacao jlinai jliaji waminajl, ima jliaji Nabucodonosor itajlicanati Babilonia dajli jlinoacaca wacuete. wadetsanta quenaca waminajli icapaca warso, jlienita waoyana. ³ Nite Jeremias iacoo narso: cai iaco Zedequias irsoaji. ⁴ Cai jliaco jliaji waminajli Israel iDiote. panaayaotsa nodietaca icapiricuite napji jinaitashopa oowi, ima nashoca inuacao jliapiya jliaji itajlicanati Babilonia dajli nite napji Caldeo aperiaji pemajle nacorrarani, ima nowayaqueta caotsana pamoyuapao jliaji yacajle. ⁵ Nite watsa nooretaca nonapa jidaatarico noinuacacaro icuete, queruajlicoatsa ⁶ Ima noacaotsa inuacaca nacuete napji inaiquinai iowacape jliricoda jliaji yacajle, ashianai nite mawicajlinape tsaca, mayamicaotsana jipoati capoanai inaco. ⁷ Nite watsa jliyapaquenao jliaco waminajli, Sedequias jliaji itajlicanati Juda dajli, napji jlirsoperi, jliaji yacajle, piomi napji iowacape yacajlerico jliapodan jliaji jipoati caiwianai, mawitacai, matseta nocaotsa jlicapiroco shia jliaji Nabucodonosor itajlicanati Babilonia dajli, nite nacapirico napji jipondape iomacape inoca shiaa, jlinowatsana matsetasho curim watsa quenaca jlicapaca narso. ⁸ Nite watsa jliacaite jliaji yacajle: cai jliaco waminajli; panayaotsa nocadaaca irso inipoo yamacadajli jliaji cawidajli nite jliaji apapeco pañacawa jlioya. ⁹ Jliaji iowacada jlirico jliaji yacajle mayamicaotsa matsetasho piomi shia, mawitacaisho, nite jipoatisho, mitsa apada manacocadani jlitoda jliosripadao Caldeo irso, manacocaotsani. ¹⁰ Ima noenitaca noecua jlioya jliaji yacajle nodecaro jlicaojle matsiri curim matsiadajlica, cai jliaco waminajli, nocadacaotsana Nabucodonosor icapirico jlimaitacaro shiaa. ¹¹ Nite watsa jliaco jliaji italicanati Juda dajli, jimica jliaco jliaji waminali. ¹² David ipaneta, cai jliaco waminali: ideeca matsiadajli depitoa, iwatacaca jliaji napanda narsowajleo , wadetsa noirua iwaca inaco tiyeesho nite jlimaitawatsa shia, curiwatsa cooca itaita iyajlitacani, jlima jliaji imatsicana. ¹³ Icapa, shia ianiquinai iowacape wacada inomapi panaya nuemaca icuete, shia iowacape jipadanaco, cai jliaco waminajli, jlicuemaca nua piomi jliaji icaitejli: ¿cocanta ioroca iinowa? coocanta jiewa wapanajlico. ¹⁴ Nocadacaotsa icapa jlicuada jliaji jinaitajli, cai jliaco waminajli, querracaota tiyee wacadajlico nite jlimaitacaotsa piomi jlinomapi.