¹ Pasur, Imer ienipe jliaji sacerdote jliapia shojlodaunai iminajlicani jlimica coamica Jeremias inoparotaca cacocadanacon Dios ipajliconi. ² Nite Pasur itodaca Jeremias jliaji inoparotacaita nite jlicadaca jliemawa nacadacarodajlico preso iofawa tsomi Benjamin ipantinoman ioya waminjli ipanajlico. ³ Apapianaco jajledauca Pasur itacaca preso dapana jlicuite Jeremias. Nite Jeremias iaco jlirso, curim waminajli iwanaca pia pipitanaco Pasur, jliwanaca pia Magor Misabib. ⁴ Ima cai jliaco jliaji waminajli: panaaya nacadaca pia cafainadajliwa piomi napji piquitsiñape pipondape inocaotsana matsetasho piiti icapaotsa coamica nainocana. noacaotsa Juda jlirso jliaji italicanati Babilonia dajli. jlipawatsana jlirsoperiwana nite jlinowatsana matsetasho. ⁵ Noacaotsa piomi jliricoca jliaji yacajle, piomi nadenicajle, nite piomi napji naani matsiadajlipe; noacaotsa napondape irso naanai owirrodape napji itajlicanatinai Juda riicope, natacaotsa piomina nadeecaro Babilonia nirsena. ⁶ Mitsa pia Pasur piomi napiiya napji pipaneta nadecaotsa shia idenicaope narso. picaotsao Babilonia riicojle nirse watsa mayamica pia nadawaotsa ninitsa piomi napiya napji ipeyocape pia nite tsaca napji inoparotacape ishati. ⁷ Pimanietaca nua waminali, nua pimanietandaca; caidadajlipaca pia nooya, nite piametaca nua; oopi pimaaca nacanica noicao jalecacuan. ⁸ Ima cacocadanaco nua nuemataca caidaa matsirico: ima oopica jliaco idiaca jiwao nonaco jliaji waminali nini jajlecacoan nacanica noicao. ⁹ Nite noaco: panayaotsa curitsa nowaopiaca jliaji waminajli. curim tsacaotsa nocanantaca jliaco, mitsa cai nuani nocaolerico napji noyapite imacape tiyee jamodajlisho. nowiita noawantaca curicadeca noawantaca jlicuete. ¹⁰ Ima nimiquena nacaitepeca iamaa jlinacuapana jliaji matsidajli. wacaita, wacaite jliacona, piomi napji tsomipe nooya nawapaquetatsa nacapa nowacao. wadetsa jlimanietca, ninidecaotsa wataita wemaca jlicuete jlicaoñacaro piomi jliaji jlinaitari warso. ¹¹ Mitsa acatsa waminajli noinai jliaji caidadajli piomi ioyaa, nini napji ipinietacape nua natetecaotsawa, curim watsa nametaca nua, napaimanietaca caotsawa nawacatsa, ima micapancatsana curicapoa nataita nanaitaca jliaji naomajli, ¹² Mitsa pia naminajli napji tsojlidaunai, pia ianicada nawaopiaque nite nacaojletsaca, picadaca nocapacaro cuamica piemaca nacuete ima nacadaca picapirico jliaji cuamica noyapacao. ¹³ Icanta waminajli irso, iacaa matsiadajli jlirso; ima jiwatacaca quenaperi nacapiricuiete napji matsiperin. ¹⁴ Jliaada nomotoca nocapa jajledauca macadawalica nua. macadatsa matsiadajlica jliaada nodua imotuetaca nocapa jajledauca. ¹⁵ Icadaca Macadawajlica jliaji atsia icaitecaita noniiri irso. ashiada jliaji pienipeda, catimena pia. ¹⁶ Cai icadaca jliaji ashia nacayosho napji yacajle Dios iwayaquetani ima curim quena jlicapaca narso. icadaca nemataca depitua nite maayacan jeeri tsaca. ¹⁷ Cuaada curinca jlinoca nua nodua iwawalicocatua nua, curipianta nomotoca nocapa jaledauca. ¹⁸ ¿Cuadapa nomotoca nocapa jaledauca nodua iawawajlicuite, nocapacaaro idenicati nite caiwidajli o capaimanacaro jajlecacuan nua?