¹ Cai jliaco waminajli: warsa iawa iwentaca apana jarra torropena pideca pinaiwa ancianonai nite sacerdotenaitsaca. ² Nite iacawa apji wacadada Hinom ricojle, awatsa iocawaji tsomi jlipananoma jalacawani, nini watsa picaiteca norso caiji. ³ Picaitewatsa caiji: jimica jliaco jliaji wamianjali, shia iowacape Juda riico nite shia Jerusalen riicoperi.cai jliaco jliaji sholodaunai iminajli, Israel iDiote: panaaya nodecaotsa matsiri icaojle shia iowacape jlirico jliaji yacajle, piomi napji imicapen nawiocaotsawa. ⁴ Nonaitawatsa narso caiji ima namacaca nua namacuadata jliaji nocaiteri. ima oopi nacaada jliaji nacarodao matsiadajli nadiote irso jliaji curidajli nacapaca, curim naaca napji nanirinai curim tsaca naaca napji itajlicanatinai Juda riicope, jorse nacadaca irrai iarocao jliricuapi jliaji yacajle. ⁵ Nanaitca ienoni nacorodao matsiadajli Baal irso nini namaitaca nenipe tiiye rico naofrendacaro jlirsona, nanaitaca jliaji curidajli noona nanaitaca ⁶ Nini, icapa, matsiri inocaotsa naicaojle cai jliaco jliaji waminajli: cuirwatsa Tofet caotsa naipitana naji yacajle, jliatsaca jliaji Hinom ienipe, panaya jlipitanaotsa wacada naonocawa. ⁷ Panayaotsa curiwatsa nocadaca jlimotocao caiji naomacani nanaitaca napji Juda nite Jerusalen tsaca. nocadacaotsa piomi nacaojle napondape irso narsotsaca napji iomacape iinocana, niteotsa noaca wipiaruapape nite mawacajlinape iñao jliaji nadaqui. ⁸ Nowayaqueta caotsa jliaji yacajle nacadacaotsani nocawadetsa icao, piomi napji jiyapacape nini natacaotsa nacaojlewa nacapacadanaconi ⁹ Nocada caotsa naiñaca nenipe iipe nite naitonaipe iipe tsaca; nite watsa nocadaca naiñawaca nawacawacatsa naquitsinda iapiya, waade naaca iñacana napji napondape iomacape iinocana. ¹⁰ Nite watsa pibotantaca jliaji jarra torropena nacapaotsa napji ianicape pinai. ¹¹ Cai watsa picaitecana: cai jliaco jliaji shojlidaunai iminajli: caiwatsa nowotantaca jliaji yacajle caiji pawotantacani jliaji jarra torropena, curim pataita paremendaquetsani. Tobet ricuatsa nadawaca napji mayamiperin ima curicaotsa pacapetsa apafe yacajle nadawacarrodao napji mayanperin. ¹² Cai watsa nonaitaca jliaji naofacawa napji inaiqui jlicayosho jliaji Tofet, cai jliaco jliaji waminajli. ¹³ Piomi jliaji napana napji Jerusalen ricope nite natsaca napji itajlicanatinai Juda riicope caicaotsa napji Tofet icayosho, ima nanaita masti norso nacadanaco matsiadajli nadiote irso nite jiwirida irso tsaca napana ipojlico nite nairetaca apaana nadiote tsaca ¹⁴ Nite Jeremias iaca Tofet riicojle, apji Dios inajlipia jlinoparotaca nirse, jliemacao waminajli ipaana imojlionte nite jlicaiteca narso piomi napji inaiquinai. ¹⁵ Jliaji tsolodaunai iminajli, Israel IDiote, cai jliaco: icapa, panaaya nodecaotsa matsiri jlicaojle jliaji yacajle piomi nasro napji jlinaiquitena mocadaotsa nacapa jliaji nocaitejlipia iinoca naicaojle ima oopica nataimita nacaojle nooya nite curim naomaca namica norso.