¹ Apada iacaoti waminajli imenacandaca inoca Jeremias icaojle, cai jliaco: ² Pinicoenawa piacaro jlipalico jliaji idejicada torropedape, pimicaro noaco. ³ Nini nomotucao naowa jlipalico jliaji idenicada torope, nincadantsa jlidenica . ⁴ Mitsa jliaji jipai jlidenishopa jliñacao jlicapiricuite, nini jliwaopia nopashica apdenaca torrope panayaotsa matsiaca jlimotoca norso. ⁵ Nite jliaco inoca noicaojle jliaji waminajli jlicaiteca: ⁶ ¿Capanta notaita nopashicaca pinai pia Israel ipaneta? cai jlicaiteca jliaji waminajli. caica piaji torropesho, notaita nonaitaca coamidajlicatsa nocapisho pia Israel ipaneta. ⁷ Queyanatsa notaita nocaite matsia apaafe yacajlenaco o itjlicanatinaco, notaita nootacani nowayaquetacaron padeniri. ⁸ Mitsa jliaji apafe yacajle jlicadacada jlioyawa jlimatsica coyojle jliowaopiacani jlidia jlioma nuaa, quenacaotsa nocapa jlirso curimiwatsa nodee jlicaojle matsidajli. ⁹ Queyanadaotsa, notaitaca nocaiteca apafe yacajlenaco o itajlicanatinaco, notaita nonaitaca apacua wajlidali yacajle. ¹⁰ Mitsa jinaitaca noocapa jliaji matsidajli curim imica noaco, nini decaotsa curiwatsa nocadaca irso jliaji nocaitejli noaca irso. ¹¹ Panaaya, caacoca pia norso napji iofacape Juda riico nite Jerusalen riicotsa picaite caiji: cai jliaco waminajli: panayaotsa nocadaca matsirri iino icaojle. nowaopia nocajlerico nocadaca matsidajli icuete, panaaya ipadameta iwaopiaque jlioya jliaji matsiri jinaitaca, ioma jinaita jliaji matsiadajli irsowawa ¹² Mitsa cai nacaiteca, micapantsana matsiapa wacaro wadiote iapodan wanaitacaro piomi jliaji cocaca waomajli wanaitaca wacaojlericco ¹³ Nini cai jliaco jliaji waminajli: pitata napji yacajle icuan, ¿cooca jimica nacaite jlinacoapana jliaji pamijli? ima matsidajli rinaitajli sroaji nadiotena Israel daaro ¹⁴ ¿Capantapa apapia nieve itaita icadaca teecojle napji jipadadape? ima nacatsa taracape inocada tecoite jipananacuite jliiamaretacaro piomi. ¹⁵ Mitsa oopi namawadaca nooya napji nonaiquite. camitsa naaca nadiote iapodan nacaro matsiadajli jlirso jlitecojleta nawaopiaque nacaro iinipo matsicaijlico. ¹⁶ Maminajlinawerico watsa jliaji naofacawapia, caidajlitsa nacacaotsa jlicao. piomi napji jiyapacape nini nawiowatsawa nite nañocotaotsa nawida. ¹⁷ Caojlishoatsa nocadaca naracao nocuema icapacarona. nocañatawatsa nodenite nacapa wade nacapa jliaji noecua , jliawali matsiwerico nayapacao. ¹⁸ Cai naaco napji iowacape yacajlerico: inuena wacaitecaro cuami fanaitaca matsi Jeremias irso. ima curica cuancaojli yamii jliaji nadanandapia, piomi jliaji iacoti matsiadajli o jliaco jliaji profeta. iino wacaro wacuitani curicaroetsa coca jimica jliaji jliajili jlicanata. ¹⁹ Pia nominajli, pimica norso nite pimica cuamica nawaopiaque napji nopondape ²⁰ ¿capantapa matsicapoa nua napiya cai naomaca nanaitaca matsi norso? ima nacaquena noapowawa. piwaopia coanica noemacao picaapa nocaitecaro narso jliaji matsiadajli, curicaro piirua iwaca nanaco. ²¹ Panaaya picadaca mawitacai inoca napji nenipe, nite piaca owinai irsona piomi nainiridajlico nainocarona, menipecaruetsa nofacawa napji nite maduiyoanaipetsacana. nite piomi napji nayenpetite picada noinocana owicadanaconi. ²² Picaada nemataca queema namicaron napanajlicuite, nocadanaco naicaojle napji tsojlodaunai curiwerico nawapacana. ima nacaquena jipai noicaoyanape nite naoma napaca nua ishatisho. ²³ Mitsa pia nominajli, pianica piomi jliaji naomajli nanaitaca norso nainocaro nua. macadatsa jliyapao jliaji nawaopiaque matsidajli nite matatsa namatsica, mitsa picada catinacani pirua jawacaro nanaco.