¹ Jlimatsicana jliaji Juda nadananda awisho shipajlafi caifiaji Diamantesho. jliatsa nadananda jlicaojlerico nite jlitsowanaco apji jliowacarodajlico. ² Nite napji neenipe nawadaca jliaji nacaroda matsiadajli nadiote irso jliricoda apji wacadajlico nite jipananaco tsaca. ³ Piomi napji pidiote aaca naofawa nowacadaterico nite nojipananaco tsaca. piomi napji pinani nocaotsa narsona napji picuema, napiya napji piacawa matsiadajli pidiote irso, jlima jliaji pinaitajli matsi ⁴ Curiwatsa picapaca jliaji nonaani noada pirso pienipe iapiya. mitsa nocadacaotsa narsodajliwa pia apada jipainaco curidajli pianica, Ima piqueruataca nua niniwatsa pimacawa caidajliwetsa. ⁵ Cai jlaico waminajli: macadawajlica jliaji ashia icadacada icaojle apada naiquinaco; ima jlicadaca jlicaojleo jlinacowacatsa. teecocadani waminajli ioyani. ⁶ Ima caicaotsaniaji patanda icayosho curim jlitaita jlicapa matsiadajli inoca jlicaole, mitsa jliofawatsao maminajlinacawan curim coca jlipanaca nini. ⁷ Matsiadajlica jliaji icadaca icaojlewa waminajlinaco, ima camicatsa jlicadalica jlicaolewa inaco. ⁸ Ima caicaotsaniaji papanacani jaiconape uuni icodapi capajlicaotsaniaji uunirico taracapirico. curiwatsa jliwiocawa jamojli iwana, ima caidajlitsa jipojleca jlinape. nite caidajlitsa cainacacani ninitsa jamojlican curim coancaojle yamiica cainacacani. ⁹ Cashadajli jliaji pacaojle piomi ioya. matsidajlini ¿curica paanii coamishopaca caicani? ¹⁰ Nua jliaji iminajli, ianicada piomi jliaji iwaopiaque, nocadaca coamica ianicao inipojlico nite nua jliaji icaoñacada piomi coamica jinaitaca iofacadanacotua jajledaucalico. ¹¹ Caiji jlicasho jliaji wipiaro curidajli iqueweta. caapanta apada itaitaca iricotacacao midajlishotsa, curim ima namacacaotsa pia napji piquitsiñape apapia jajleduaca, micapandajlicatsa pia. ¹² Ima jliaji wacaca matsiadajli jlirso jliaji waminajli jlinitacaolipiawa. ¹³ Jliaji waminajli icatsa Israel iapandaca. piomi napji curipe iaca pianai pipaimanietacaotsana. nenitacacao pioyawa, nini jipaishocaotsa pidanacana, ima namacaca jlaiji waminajli uuni cawidajli. ¹⁴ Pimatsietaca nua waminajli, ima matsiacaotsa nua, pitaca nua matsiri ioya, icamicatsa pia jliaji nocantanda iorso cancion matsiaperi. ¹⁵ Picapa, nacaite norso: ¿querre jliaji jliaco jliaji wamianjli? ¹⁶ Ima curica nua piapodan nocaitecaro pirso pirapitetani. curitsaca nomaca cuamica jliyapacao.pianitsa caumica. piomi jliaji imotojli nonomajlicuite nocaitecani pimiwerico norso ¹⁷ Curica noomaca pifioca noiwana, ima camicatsa pia nocadanda nocaojle inaco matsiwerico noyapacao. ¹⁸ Pipaimanietaca napji jipondatacape nua, mitsa curicadeca picada napaimanieta nua, naadeca pifietaca, curicadeca nafietaca nua, picada narapitaca jorsedajli jliawali jaledauca. ¹⁹ Cai jliaco waminajli: warsa iawaa iemacao napananoma newacawao napji caconaperi Juda nite iewacao newacawao, nite iewacao piomi newacawao napji Jerusalen ricope. ²⁰ Cai piaco narso: ijimica jalico waminajli, shia itajlicanati Juda ricoperi, piomi shia iofacape Jerusalen rico iewacaperi jlipananomajlico. ²¹ Cai jliaco waminajli: iwaaapacao nite icapa ioyawa idenica jliada jaledauca nofetacacarodajlico nodecaro Jerusalen ipananomajlena. ²² madejitsa jawiñadajli pipanajlicuiet jliada curica padeni, madenitsa cuandajlica, cai nocaitecapisho napji piwerinaipe. ²³ Curica deca naapaca nemiwa crim nepaca jliaji nocaitejli, mitsa natarawata nacaojle nooaya curin nemica jliaji nomajli nacaiteca narso. ²⁴ Jimicadanta norso cai jliaco waminajli, curicadanta idenica jawiñadajli jlipananomale jlaiji yacajle jliawali jedauca curicawa pedenica waminali icadaca curitsa idenica jliada ²⁵ Nite shia itajlicanatinai, principe, piomi napji iofaacape David iofacawa nanocaotsa carro riico yacajle ipananomajle, nacaotsawa caballo naco naminanai iapiya, ashia Juda perii nite piomi napji iofacape Jerusalen rico caidajllitsa caminajlicaotsa jliaji yacajle. ²⁶ Nacaotsa nayacajle Juda ricuiete nite piomi napji iofacaope Jerusalen inomapi, Benjamin jipaitanacuite tsaca nite jipananacute Neguev peri tsaca, nadecaotsa namaitanda nashopa matsaidajli nite pimedajli tsaca nacaro matsiadajli jlipalico jliaji waminajli Dios. ²⁷ Cuirm caada nemica nacaro norso matsiadajli jliaada paofetacacarodajlico, curicadanta nedejica jawiñadajli curiminta newacao Jerusalen riico jliada paifecarodajlico, nite watsa nomenca nanaco tiiye jlimacaotsa jliaji Jerusalen, curim watsa cocaca itaita iyajlitacani.