¹ Nini lrinu nudeshe jliaji Waminali yaku: ² jmetasta pinuwa kurin tsakja kenipe aaji. ³ kai liaku jliaji naminali nanaku njaji nenipe imutukape aaji, nashu tsakja njaa njaduanai idenjilina jnite njanirinai jinaitanpe njaa imutuli aaji. ⁴ mayanwatsana iipuati naku. kurin watsa naiyana kurin tsakja nadawana. kaikawatsana ishaati shu jiipairikudali. nawayakakawa matseta shu , jnite mawitakai njite nadadan njaijana njaji wipjiaru jaledauka yape jnite mafikali jjipairikupe. ⁵ Linu yakuti nushu waminali yada likaite kainji: "mjewatsau napanalikule naiyali nini mayandalin, maiyatsa nainai kurin tsa kjena pikapa nashu, uupi njutaa nayakale yuya jliaji metadali nakaule, nupeyunda taradali jnite nakjenaka_ kainji liaku waminali, ⁶ pakuaka, mayanwatsana makadali rikjuite tsudalisre aaji njepaite riku. kurin watsa nadawana jnite kurin tsakja naiyana, kaitsakja kurin nayua natsikule naama. ⁷ Kurin kuka iide injaudati mayanweriku ,kurin tsakja yufa kanainailima jliaji mayankali, kurin kuka yaa lira copariku lishu liaji njaniri kaitsakja jnadua . ⁸ kurin tsakja piawa pinjau napanalikule injaudati njitenairauda. ⁹ kainji liaku naminali natsuludaute, Israel Idiote ikaite kainji: pikapa pitji ipjeyale, tamjia nuwayaketa ljiaji pjeminda katima jnite itimati, jnite ljriimaa jliaji rruiniriupe jnite jlriyarumaupe. ¹⁰ Jnite pjiyapawatsa pikaite jliaji yakuti yakale ishu jnite nakaite pishu:¿ Kuada waminali ikada washu jliaji makadali wamatsikakaka ? Kuami jliaji wamatsikana jnite fanaitanda matsi likuema jliaji wadiote? ¹¹ kaipikaiteka jnaa: Naama njaji iferinaipen napeku kajnua njite naa jnapudan nadiotenai natuda nausrupada nanaku. napeku jnua jnite kurin naufaunuleini naku". ¹² Mitsa shaa idee pja matsidali iferinnaipe yuya, ikapa, apepe yemanjiwau linaku jliaji mjepakadali ikaule rikjuite matsidali, kurintsu kuka jimi nushu. ¹³ lima nupeku shaa jiipaite yuya yakaru apada jiipaite desre kurindali yanjiika, kurintsakja jnakan iferinaipe niniwatsa ituda yusrupada jalaweriku njite deepiriku, kurintsu jnunaita matsiadali ishu. ¹⁴ Kaiwatsa , ikapa , jaledauka iinu_ kainji liaku jliaji waminali, kurin kaku linaku: Nukaite ajadali, kainji likashu jliaji kafika waminali, liakan idietal Israel iyakale Egipto jnite." ¹⁵ Mitsa nukaite, ajadali kainji kafika jliaji waminali , liakan idietali Israel iyakale inaruema jiipaite jnite jnite jliaji jiipai naka nauyawaka. panaya nudietawatsana lidsre jliaji jiipai nuali nashu njaji naferinaipe. ¹⁶ Ikapa numenaka jure ipuitakape, kainji liaku waminali , nakupjeretakaru naiki padanaljepe. Njitewatsa numenaka jure iwinitakape nawinita karu shaa nanaku njaji awakada jnite jipana jnite bulunkawa jiipada. ¹⁷ mitsa liaji nutji yufawa iinipuriku; kurin nataita nakashata nutji ipjeyale. ¹⁸ yamada nukauñaka imatsikana imaa lima jliaji liupjita jliaji jiipai napiya njaji nadiote kaupitjape napjakatakapua nukadanda nadiote kaupjitapeshu. ¹⁹ Numinali, pjia jnuida jnite nudawakakaruda, taimidali jliaji jaledauka nufietakakau. njaji yakale naa pidesre jiipai tekjuitepe njite njite nakaite: ajadali nakashata jnakan waferinaipe, lima kutsakuka nashu , kurintsu kuka nakada. ²⁰ njaji naiki njanaita nadiotewa nashuwau njite kurin dioskanaa. ²¹ lima ikapa: njua watsa ikaitena nanjikaru linaku jliaji jaledauka, njua ikada nanjii nju kaapi njite njuida, nanjikaru nuipitanaka Waminali.