¹ Nite jliaco norso jliaji waminajli: nini tsanta aaca neemaca nocodaapi napji Moises nite Samuel, curim minta kenaaca nocapaca lirso jliaji yacajle. jiita ipeco teeco nooyani. ² Nite natata cadanta piaa: ¿kerrepa wataitaca wacao? picaite narso caiji, cai jliaco jliaji waminajli: jliaji mayamiope naacawaca mayamina; napji mayamiope matsetasho naacawa matseta icaojle. napji jirapitacaope mawitacai mawitacaita caotsana; nite napji jirapitacape narapita caotsa. ³ Nini nomena caotsa naocaojle cuatro jlioyawaca jliaji norapiteta shopana, cai jliaco jliaji waminajli: matseta inocaopena, nite shiino iñacaopena, nite wipiaroapape yenonite nite mawicajlinape jipainacoite nawayaketa caarona piomi. ⁴ Nite noacaotsana narso napji itajlicanati jajledauca riicoperi nanaitacaro coamicatsa napiya, jlicaote jliaji Manases, Ezequias ieniipe, itajlicanati Juda dajli, jlima jliaji jlinaitanda Jerusalen irso. ⁵ ¿Cucaanta kenajli icaapaca pirso pia, Jerusalen? ¿cucaanta coyojle pinaco? ¿ cucaanta inooca itata jlinaco jliaji canacaijli pirso? ⁶ Oopi pimacaca nuaa, cai jliaco jliaji waminajli; pienitacaca nooya, nini watsa, noretaca nocapi pinaco nowayaketacaro piaa. oopi maapi kenaca nocapaca pirso. ⁷ Nini watsa, nopiyoca jipaisho jlipananomajle jliaji jipai. norapiteta watsa pia. nowayaketa watsa jliaji noyacajle ima curim naomaca namacaca jliaji namatsicana. ⁸ Nocaada caotsa jorsedajli napji maduiyoanaipe jorsepaotsa jlioya jliaji caidapa uuni macapawan riicoda. nodecaotsa naicaojle jliaji iwayake tacaitana nadoanai nite nenipe yaapiya tsaca. nocadaotsa torre iwaca jlinaco jliaji yacajle. ⁹ Apama inarru irsocada siete yienipe nawaya caotsawa piomi. coyojlewatsa rsua jorse, cadaucacaotsa jliaji jerri jajlecadantoani. Capaimani caotsano nite curim watsa ruaji coanidaucacano, ima jliapia jliaji naniida noawatsa matsetaira irsoni nacapacaro napji rocuemanai, cai jliaco waminajli. ¹⁰ ¡Kenadajli nuaa, noduaa! cuaada pimotueta nocaapa jajledauca nuaa ashia natsidajli apji jipainaco. curim cuancaojli noaca curim tsaca notataca, piomi caadeca imacaada wajletaca nuaa. ¹¹ Cai jliaco waminajli: ¿curim notaacaro pia matsiawericojle? icamitsa nocadaca nacaapacaro napji pipondape natatacaro noinai matsi weriico nayapacao. ¹² ¿Capanta pataitaca papatoitaca jliaji tsipajlana tarraniweri? ¹³ Nocaotsa piriicoca narso napji pipondape nite napji pinaani cacoadaperi caiji pañaitonii macuadapesho. Jlipoana jliaji pimatsicana piomi jipai icuaan. ¹⁴ Nite watsa, nocadaca pidenica narso napji pipondape apji jipainaco curim dajli pianiica, ima tiyeesho caotsa kerraca jliaji noirua picuetee. ¹⁵ Nominajli, pianiica! piwaopiaca nonaco nite pikitsindata nuaa. picaadaca nacapacaro napji nopondape. Macadatsa nadeeca nuaa matsicawajle kerua caadanacotoa pia; ima pianica norapitaca piaco icaute nopeyocapoa pia, nini kena picapa norso. ¹⁶ Ima matsiadajli nite catimadajlica pemica jliaji piaco, nominajli naDioteca pia napji shojlodaunai nini nocadaca nocaojlewa pinaco. ¹⁷ Curim watsa nofacawa nainai napji icaanicape midajlitsa icaote. nofacao tsawa nowacatsa, ima picaadaca nocapa jlima jliaji nonaitanda. ¹⁸ ¿Cuaada curim jliwayacacao nooya jliaji norapitaca nite jliaji noyaonini curim jlianikena meetacani? ¿cai caniaji uuni ishatidasho, uuni metadajlitsani? ¹⁹ Mitsa cai jliaco jliaji waminajli: pimacacaada Jeremias jliaji pimatsicana, nini watsa nodieta caotsa piaa capji oopisho, awatsa pianica noinai pideniicaro norso. Pienitacaada jliaji matsiadajli, cai watsa piaji nonomasho. nanoatsa piacaojle tsenaca napji naikinai curim piaca nainai ima nanocaotsa picaojle. ²⁰ Nocada caotsa pia caiji pared taimidajlisho curiwatsa cucaaca itaitaca shewaca jliricoda. nemacaotsa picuete. curim cadecaotsa nataita picuete, ima nuacaotsa pinai nomanaco taacaro pia, cai jliaco waminajli. ²¹ Ima notacaotsa pia jlioya jliaji matsirii nite nowatacaotsa pia nacaoiaricuite napji matsiperi.