1 Nite ljiwana nunakuljiku kaidadaljisho ljimán: "Nañji iwapakame yakalje, nakuanja nadeka nakapirrika nainushopja." 2 NIte nañji seidje (6) atsianai nanuka imipoljikuite ljipananumja lenunjitedalji ikapakada ljiparrama nite, nakuna nadeka nakapirriko nainushopia, ninitsaka apje atsia napekuljiku finadalji itsayani kamitsa ljinaika papuku idamakapje nini nakawa nemawa papjukún ljikudapi ljiañji tsipalja. 3 Nini ljiañji ljimatsiaka ljiañji Israel nai Diote ljirsawaa naikaulje nañjii angelenai, ljinaku ljiañji ninidaljitsa. Opidalitsa ljipananumaitza. NIte ljiwana ljiañji atsia finodalji itsyani papikun napiya nañji idanakapje. 4 Ljiako ljiañji Waminalji ljirsu: "Pjiyapawa pamuyoa yakaljerriku, pamuyua Jerusalén rsiku, nite pjinaita nanjjawa nekuete piomi njañji kamatsikanaperri nite ipeyokape piomi kadufialjekadalji nanjaitalji nayaka jerriku. 5 Nite jimii nukaitersi panja isru: " jiyapawa yakaljerriku ljiapodamitje, nite inuenjana, makenakatsa ikapaka narsu, nite maperdonatsana, 6 atsianai pekipenai pamuyaupersi, naitepjedapetua, yenpetipe tsodalipe o naitjepe. ¡Inunjaa piomi! Mikatsa matsomitatsa kaitersidakatsa ljiañji isrukada jiimana ljiwidanaku, ¡Initerijañji nuakawa matsiadalji! kaista nainitaka atsianai pekipenai naku apersiañji pantinumjete. 7 Ljiaku: ¡Imatsiketaka ljiañji panti, nite ipakantenja imuljiui mayanperrinsho. ¡Wasenaa! yama kaitsa nakaa nairijoo yakaljersikulje. 8 Nakadana kutua nainjuna, nufawa nufaketsa nite nuyametja nuekua nuiya nite nuaku: "Ah, Numinalji Dios, ¿piwayaketawatsa piomi neetepén naiji Israel nai piarsuwatsa pirsera nanjako nañji Jerusalén pee?" 9 Nite ljiako nursu: "Namatsikana nañji Israel ipanjeta nite Judá nayapjetakatsakawa Jursedalji, ima ljiañji jipai pjakamikani irsanatisho nite ljiañji yakalje pkamikani nashoni nañji matsiperri iometetakapenja, kayoka ljinko: ¡Ljiañji Waminalji opii ljimaka fapaitje, nite kurrin ljikapakán ljiañji Waminalji! 10 Ima kurriwatsa kenjaka nukapakanaa nite kurriwatsa noperdonakana, nuakadanawa nudietawatsanja nefidakuanmii. 11 Ninewatsa, ljiañji atsiana finodalji itsayanii irsukadaa papukán nañji idanakapje, ljidiawatsa, ljikatenja nite ljiako: Nunaitjeninaa piomi ljiañji pimenakalji."