¹ Nokapadanako patawashodakji nefidaa ikaunán nañji angelenia: apadaa imutuwa nanjaku kaidaljiañji ipadaa zafirosho kaii ljinaikikañji naufakanasho yenondalji. ² NIte, Waminalji kakoni ljirsu ljiañji atsiaa finodalji itsayani nite ljiako: Piyapawa ljirsikuda ljiañji natsibukoetandja napitje nañji angelinai, nite pipakantja yamemjape pikapii tiyemjen jamudaljisho napekuljiko nañji: Agelinai, nite pipatjani yakaljenaku. "Nite ljiañji atsiaa ljiewawa nukapaska. ³ Nañji Angelenai neemawa atsiametje pautirsu ljiewaka danakuwa ljiañji atsiaa, nite apadaa iyadauka ipakantja metadakawatsa liwauljiko. ⁴ Nite ljimatsiaka ljiañji Waminalji ljirsawa nanakuite nañji angelenai ljirsuwanañji pantinumaitjanako, nite ljiañji pantii pakaukani iyadaukasho, nite ljiañji muljio pakamikani ljikananaljesho, ljimatsiakasho ljiañji Waminalji. ⁵ Nite ljimán ljiañji nanapje nañji angelenai nemini teko nañji muljio padanaljeperri, kaiñji kakukapisho ljiañji Dios yanjinkada piomi. ⁶ Kaikadakutua, Dios imenakaka ljiañji atsiaa finodalji itsayani Ljiako: "Pipjaa tiye adaljiarsañji nekukarsudaljiko, aljiarsañji napekuljiko nañji angelenai," nite ljiewawa ljiemawa nekukarsudanako. ⁷ Apada angel jiimeko ikapi napekuljiko nañji anlegenai tiye ipamuyaukaperri angelenai, ljirsetani nite ljiani ljikapirsikán ljiñji finadalji itsayani, ljiañji atsiana ljipani nite ljimutjowa. ⁸ Nukapaa angelenai naku apadaa kaidaljiañji atsiaa ikapisho dali ljinapee yapjitee. ⁹ Nite nukapaa, kuatro nekushopa nainai naiñji angelenai, apadapee nakuanja nañji angelenai, nite ljinaikika ljiañji nekushopaa kaiñji apada jipadashodalji aimadalji ikanaka ljiuyawaka. ¹⁰ Nañji kuatrodee pakuakatsa nakapakanja, kaiñji apada kapishotsa, ljiañji nekukarsuna. ¹¹ Kananiwersikunaa, nawaa nakuetewaka kuatro nauyawaka kurrin nadiawa naikaulewaka, mikatsa kerreka ljikapa ljiañji nefidapou, ikatsa nakawa nirse; kurrin nadiakawa nañji kadanakutuawa ¹² Piomi ljiañji nadadaa, namatsetani, nakapii, nanapee, nite nekukarsuna pakamiperri natisho piomi. ¹³ Numikada nako, nalji nekukarsuna, nawanaa "tirsuljii." ¹⁴ Nakuana kuatropeka nekua; paita nekua angelishodalji, yamaitashopani atsiaa yekua, madaljitashopani yawi yekua, kuatroshopani jaana yekua. ¹⁵ Nite nenikuwa nañji angelenai, ikatsa kawiperrika nukapañji ljinaitaka añji oni Quebarsiko. ¹⁶ Nawersikowa nañji angelenai, nekusho paa yatsaka nainai, nersetawersiko nanapee nañji angelenai narsakarruwa jipai nakuite, ljiañji nekushopaa kurrin ljimakakana ljiawa pakuatsa nainai. ¹⁷ Nite mananwersikotsa nemakawa nañji angelenai, ljiañji nekukarsuna mantsakani, nersawerrikuwa ljirsakawa nainai, imaa akaa ljiañji espíritu nainai nañji ljinaitañji kafiperri. ¹⁸ Kaishopa ljimatsiaka ljiañji Waminalji imutawa ljipananumaitja nakulje ljianji pautii ljiukawa nanakulje nañji angelenai. ¹⁹ Nite nerseta nanapee nañji angelenai nersawa jipaii yuyaa nutjirsikutsa namuto nawa, nite ljiañji nekushopaa pakuakatsa ljinaitaka nakaisho, nite nemawa ljikuemetje ljiañji ljipanaa ljiañji waminalji, nite ljimatsika ljiañji Israel iDiote ljiukawa nanako yenonjitee. ²⁰ Ikatsa nañji nukapañji ljinaitaka kafiperri nukapeñjinpia ljiapitekana ljiañji Israel iDiote añji oni Quebarsiko, ¡Ikatsa nuañjikena angelenaikana! ²¹ Nakuana kuatroka nekua, nite nakuana narsuka kuatro nanapee, nite ljiañji nakapii naikishodalji ljiapitee ljiañji nanapee. ²² Nite ljiañji ljikapakanaa ljiañji nekua ljiatsa nukapaljiañji oni Quebar, nite nakuana nakawa apadapetsa mayakan ljiekuetee.