¹ Ljiañji Espíritu ljirseta nuaa ljidee nuaa ljikuemalje ljipana ljiañji Waminalji, nukapaka danako ljikuemalje, ikatsañji, inipo pantinuma veinticinco atsiaanai, napekuljiko nukapaa Jaazanias, ljirri ljiañji Azur, nite Pelatías, ljirri ljiañji Benaía, yakalje italjikana. ² Dios ikaite, "Atsianai yenipee, ikatsa atsianaika nañji jinaitetakape makadatsa, ikaitekape matsidalji yakalje irsú. ³ Kayoo nakaiteka; kurritua panaitakawaka pantii panayoa, ljiañji yakalje payanakarsudakán, nite faa ikatsa ljipeeka. ⁴ Nini panayatua pinaparsutenaa nanaku, pinoparsutenaa, ljiañji atsiaa irsii." ⁵ Nitedalji ljiespirutuni ljiañji Wamilji ljiwawa nunako, ljiako, ikaite kaiñji, ljiako ljiañji Waminalji; kaitsa kakokashaa, oh Israel ipanetaa, nuañjintsa kauanka iwaupiake. ⁶ Shatsaa imaitaa nañji inuñji añji kayaljersiko ipakantjenina iyakaljekuan nashoo. ⁷ Kaishopaa waminalji Dios ikaite, nañji inaiki inaiki inuñjimi nadakimi ikadalji panuyuaa Jerusalén, ikatsa ljipekana nite ljiañji yakalje ikatsa nayanakarsudakán mitsa nutawatsa shaa pamuyoalje ljiuya ljiañji yakalje. ⁸ Shaa ifionii ljiwana ljiañji matsetaa, niniwatsa, nudeka ikuenawa ljiañji matsetaa ljiako ljiañji Waminalji Dios. ⁹ Nutawatsa shoa pamuyoalje ljiuya ljiñji yakalje, nite nukadawatsa shaa nakapirsiko nañji tekuiteperri, nuaatsautsa ikaite kanamperrika shoa. ¹⁰ Matseta shuatsa iwakawa, nukaitewatsa kuanka añji ljinanakawa ljiañji Israel, yañjika rsuwatsa nuaka ljiañji iminalji. ¹¹ Ljiawatsa ljiañji yakalje kurritsa payanakarsudaka, kurrin tsakautsa ljipeuka shaa ljirrikada, nuawatsa ikaite kuanperrikana añji ljinanakawa ljiañji Israel. ¹² Nitenawatsa yañji nuakaa ljiañji iminalji, kurrikapua yawa ljirrikuda ljiañji nukadanda irsu, kurrikapuatsaka jinaitaa nukaitekapishoo, kainakaa jinaitakañji nakaitekapishoo nauji apada jipainakopee nañji shumipersi yuyaa. ¹³ Nunuparsutakada nakotua, Pelatías ljirrii ljiañji Benaía, mayaminii. Nufawa nuekuasho nite nuiyaka kemii, nite nuako: "Ayaa, Numinalji Dios, ¿Piwayakekautsa padenirsi nañji ljimakaketémi ljiañji Israel?" ¹⁴ Ljiako inúo nuikaulje ljiañji Waminalji ljikaite: ¹⁵ "Atsiaa, ¡piwersi! ¡Piwersi! ¡Nañji atsianai kaiperriñji pikaisho nite piomi nañji ljipanetaa ljiañji Israel! ¡Ikatsa naakan nañji nakaiteñji iufakawa Jerusalénrsiko: "shenawa Waminalji yuya imaa ljiañji jipaii nandenja watsoni wayadawa. ¹⁶ Panayatua pikaite: "ljiañji Waminalji Dios ikaite: Nintsa nuerijitaka tekona apada jipainakulje. Nintsa nupukutakana piomi jipainakalje, piomi ljiañji nuatsautsa apadaa tsodalji naukakawa naa matsiadalji añji jipainako. ¹⁷ Panayatua pikaite: "Ljiako ljiañji Waminalji Dios: Nuniwawatsana nanakuite nañji nunaikite nite nuwaketawatsana añji jipainako añji napukota kakawapiaa, nuawatsa napaitewa Israel iyadaa. ¹⁸ Ni tewatsa, nawatsa nirse nenitawatsa nakuana nañji imatsikakapee nite nakuanatsa nañji kadufialjekapee ninpersi. ¹⁹ Nuowatsa apada pikauliewa ,Nuoatsautsa ikada apada espiritu waljidalji narso,natawatsa ljiañji nakaulie jipadashodalji nepersikuite nuawatsa narso nakauljiewa ipetishodalji, ²⁰ Nakarruwa kaiñji numenakaka ñjina,nepakarso ljiñji nokaiterri nanaitakarsoni,nonaikitekarsona ,nite nuoa ikatsa naDIOSteka, ²¹ ,Mikatsa nañji yakapewa matsidalji kadufiljiekadalji inaii,nudietawatsa Newidanakulje ljiañji nanaikika, ljiako ljiañji WAMINALJI DIOS, ²² nañji Angelenai nerseta nanape nite ljiañji nekushopa napitedalji,nite ljiañji ljimatsiaka ljiañji ISRAEL iiDIOStje aniañi Nanako, ²³ ,nitedalji ljiañji ljimatsaka ljiañji WAMINALJI,ljirsawa ljipamuyuaka ljiañji yakalje nite ljirsowa jipananako yakaljie ikaunami, ²⁴ nite ljirseta Nuoa ljiañji espiritu nite ljide Nuoa caldealjie,DIOS espiritunji nukapa ,nite nalji nukapañimi nañawa nuoya ²⁵ Nitedalji nukaite narso piomi nañji jirsapitakape ljinaitalji ljiañji WAMINALJI Ljikañatlji nurso.