¹ Jlinuka jlitsumita jlia sexto jamuli jnite sexto keri, pematsupa pakami jaledaukakan jliatsa kerikan, jnufakadanakua jnupanariku jnite jnaji pekipenai Judárikuperi jnaufakawa jnukudapi, jlikapi jliaji jnuminali jiwakatsenaka jnunaku. ² Jnite jnukapaka, jnukapaka, atsia jinapjia jnini. Jliwalenakjuite jnite tewakale jlisruka tiyee. Jnite jliwalenakjuite yenunsresrekeradalikan, kaiji tsipalaita keradajlitsu. ³ Jnite jliretaka kaiji ikapititsu jnite jlipaka jnutsikule jnuwidanakuperi; jliaji ikauleti jliretakanua jnapamuyuaka jnaji jipai jnite eenu, jnite jlitirariku jliaji Dios, jlideka jnua Jerusalenrikule, jlipananumete inaruemete, jliemakawa jliaji jnadiote kakerikekarupja. ⁴ Aaji, jlimatsiaka jliaji Dios jninkatsa, kaijnukapakapitsu aaji jipuleka pakuaka jipai. ⁵ Jnite jlikaiteka jnusru:"Atsia iisri, pjireta pjiti iinasruemale." jnuretaka jnuti inasruemale, jnite jlipananuma jliaji inasruema jnadekada jliaruda jnakaruda matsiadali, pjewakawa, Jliemakau jliaji jnadiote kakeriakepem. ⁶ Jliaku jnusru:"Atsia iisri", kapja pjitaitaka pjikapaka jliaji jnanaitali? katsa jnanaitalika kafainaperi matsidali jnaji yufakape Israel ipanariku nafietakaru jnua nufakarudaliku. pikawukuasta njite pikapapautsa matsidali. ⁷ Jnite lidekajnua lipananumajle, njite nukapaka ninka pafe jalakawa, ⁸ Jlikaite nushu aatsia iiri ,pjikaaji liwainaku jliaji nupana,¨" njite njukaka jnite nuketaka paita pantinuma. ⁹ jinte liaku nushu piapikapa jliaji matsidali jnanaitali aaji." ¹⁰ Jnuewaka lliwawalikujlre nukapaka, namaimaka jnaji mafikali jirakakape jiipai riku njite mafikali matsiperi ikapakana, namaika njaji nadiote jnaji Israel naruetaka lriwainaku pjiumi ljiaji panti. ¹¹ Setenta pekepenai lipanarikjuitepe jliaji Israel ninpiakana, njite jliaji Jaazanias liri jliaji Safan liemakau napamuyuaka, nemapiakau nekjuete njaji jinapjiatipen, nakuana nakapiriku njaji aatsianai jliaji ketakadali pumenidali litaka iitan jirakau. ¹² Jlikaite nushu: aatsia iiri pikapjenina, Jnanaitali njaji pekepenai Israel ipana riku kadaukawerik? nakuanatsa jnanaitaka jliaji kadauweriku nafakawa njaji nadiote, Nakaiteka: "kutsa jlikapjenkafaa jliaji Iminaliti! Jliaji iiminaliti limakaka jliaji jiipai ." ¹³ Jnite liaku nushu pikawuku tsenakja pikapa karu jnanaitanda pja matsi makadali pja liuya jliaji. ¹⁴ Jnite lidekajnua lipananumale jliaji iiminaliti irukada inaruemjete, jnaji naitjepe naiyaka jliaji Tamuz. ¹⁵ Nini liaku nushu" pikapena liaji aatsia iiri? pukawu tsenakja pikapakaru pja matsidali makadali pja liuya jliaji." ¹⁶ Lidekajnua liwawalikujle lipana jliaji Iminaliti, lipananuma jnite lipamuyuaka jliaji liakawa matsiadali veinticinco aatsianai nadanjitetaka jliaji lipana jliaji Iminaliti njite nekua ikapaka jeeri imutukafete , naka matsiadali lishu jliaji jeeri. ¹⁷ Jliaku nushu:" Pikapjenina liaji aatsia iiri ?. Tsudali tsaa lipana yuya jliaji Juda jnanaitali matsi aaji? Napjakantapia jliaji jiipai matsidali shu njite dadiaka nuikjaule panaya nakeruatakaru jnua, naruetaka jnataku nakujle jliaji liki jliaji jaiku. ¹⁸ panaya watsa jnunaitaka napekuriku ; nutji kuriutsa kjena ikapakana, jnite kuriutsa numatsietakana. jnintjatsa naiyaka jnunakuriku kjemaa kuriutsa njumikana."