¹ Jliaku jliaji jnuminali inuka jnuikaule, jlikaiteka: ² "Pjia, atsia iisri, kaika jlikaiteka jliaji waminali jlisru jlipaitenaku jliaji Israel."¡ jliukakenau! jliukakenau jlinana jliaji kuadaka jliukakawau jliaji jipai. ³ Jlinana tsumikena pjikudapin, jnumenakakena jnuirua pjikjaule, jnite jnukadakautsa ikapa jinaitanda iima; jniteutsa jnudeka pjimatsikana kalaimi pjikjaule. ⁴ Kuriutsa kenaka jnuti ikapaka pjia, kurutsa kenaka jnukapa pjia. Jnudekautsa pjikjaule pjinaitanipen, jnemakautsa pamuyua pisru, jninwatsa pjianika iiminalitika jnua. ⁵ Waminali Dios yaku kaiji:"¡Jlimatsikakakau!¡ padatsa jlimatsikakakau!jliatsa, jliaji jliapuwa. ⁶ Jlinana yukakenau. jlinana tsenkukena pjikjuete.¡Jliyapakapantsa, keyanadatsa! ⁷ Jliwayaketakautsa jnaji inaiki yufakape jipainaku. jlinana yukakenau; tsumikena jliwayaketaka, kuritsa katimakaru jnaji awakada. ⁸ Panayautsa, jnupekuka jnuisrua inaku jnite jnupakantakakautsau jnukadakadanaku ikapa imatsikana jnite jnudewatsana ikjaule. ⁹ kuriutsa kena jnuti iikapaka tsaa , kuriutsa jnuñetakan yuya. kaiji jinaitakapitsun, kaiwatsa jnunaitaka iisru; jnite iimatikana yufakautsa iipamuyuaka yanikaru jnuakatsa iiminaliti, ikadali ikapa jinaitanda iima. ¹⁰ ¡katsa jliaji, jaledauka! ¡ katsa jliaji, yukaliu!¡ iwayaketakjeti imutukau!¡uupi kaputilan jliaji jaiku, jlimutukenau jliaji padalekjeti! ¹¹ jliaji matsidali jlitauñakenau kaiji jaiku matsidalitsu,¡kutsakuka jnanakjuite, jnite jnaji jnamaimaka, kutsaka jnaji jnanani, yufakautsa kaidaliwetsa! ¹² Jlinana yukakenau; tsumikena jaledauka.¡ Makadatsa katimaka jliaji iwentakaita, jnite kuyuleka ljiaji iwendekada, jnuisrua kalaimi ikauya! ¹³ Jnaji iwendekape kuritsa jnakapakasru jnakan jnawendenipe, kafikadanakuna, jnukapali kalaimi jnasru jnaji aimadan.¡Kuritsa jnadiakaruwa, atsia yufakada jlimatsikariku kuritsa kaidakarum! ¹⁴ UUpina jnakada kema jliaji trompeta jnamatsietakena pjiumi, kurikadeka aape imutukau jnakaru jnainuakau; keruaka jnua kalaimi jnapiya. ¹⁵ Padanalekenana jnaji jnamatsetan , juree iyamikape jnite mafitakai aaji yakaleriku. Jnaji inuakakapeu mayakautsana matsetatsu, jnite jnaji yufakape yakaleriku mayankautsan mafitakainaku jnite jnarenatsu. ¹⁶ Pjanapenau ipitukautsau, jnawatas awakadarikule. Kaiji tsutsubu yufakape jalapukuliriku, jnakuantsautsa jnakuitakaka jnamatsikana iima. ¹⁷ Jnaji jnakapi maidakautsana jnite jnausripada maidakautsana kaiji uunitsu, ¹⁸ Jnatsayankautsa jnapaiman, jnite ifiuketi itakautsana; pakapakautsa jnapaiman jnekuanaku, jnite kapulepekautsana. ¹⁹ Jnapekuatsa jnapalatan padanale jnite jnawirute jmenakautsan. Jnapalatan jnite jnawirute kuriutsa jnapaka jnakaule keruakadanakuena jliaji waminali. kuriutsa kafikana, jnite jliaji jnamuni kuriutsa jliwayakakau, jliaji jnamatsikana katsa ikadalika jnatuda jnaiapu. ²⁰ Jnapadalekatsu jnadeka jnaji jnanina kakuadaperi, jnite jnanaitaka jnatsu jinapiatipjen, jnanaitakaru matsidali. jniteutsa, jnua jnupadametautsa jnasrun kaiji matsidalitsu. ²¹ Jnite, jnuakautsa jnakapiruku jnaji paana inaiki jliaji jnanani yaruda jnitetsaka jnasru jnaji matsipe jinaitaka jipainaku, jnatsiketakarum. ²² Jniteutsa, jnutakautsa jnauya jliaji jnuekua jnamatsiketakadanakuatsa jliaji jnufakaruda matsiadali; kañaiteperi tsewakautsa jniniwa jnite jnamatsiketakan. ²³ Yemaka pakawa, pakanka jlia jipai iiranatitsu, pakan jliaji yakale matsipetsu. ²⁴ Jnini, pjideka jnaji yakale matsiperipa, jnapakaru jnaji ipanapen, jnite jnudekautsa jliwayaketatsupa jlipadaleka jliaji kafainadali pjia yaniakakau! ²⁵ ¡Ifiukjeti iinuka!jnaumautsa jmatsiadali, kuriketsa jnauketakarun. ²⁶ Matsidali jnite matsidali iinukautsa, jnakaitepekautsa jnite jnakaitepekautsa. Jniteutsa, jnaumakautsa jnemika jlikapali jliaji inuparutakada, yakuti iñakautsa jliuya jliaji yanikada yakutinaku jnite jnaji iikaitekape ²⁷ Jliyakautsa jliaji iminaliti jnite jliaji jlinakuledali jlitsayankautsa jlikeyapire, jnakapi jnaji yufakape jipainaku jnakusrukautsau jnafiuketsu.¡ jnanaitanda iima jnukadakautsa jnakapa jlikuada! jnumutuetautsa jnakapa jnamatsikana kerekenautsa jnakaite jnuaka jnaminali."