¹ Jlinu jliaku jl iaji jnuminali jnuikaule jlikaiteka: ² " Atsia iisri, pjikada pjiekua jnakuemale jnaji awakada Israelyape jnite pjikaiteka jnasru. ³ Pjikaiteka:¡Awakada Israelyapena, jimika jliaku jliaji waminali Dios! kaika jliaku jliaji waminali Dios jnasru jnaji awakada jnaji awakadadape, jnaji uuni jiyapakawape, jnite jnaji jalapukuliku:¡ iikapa! jnudewatsa ikjaule matseta, jnuwayaketautsa yuwakarudape yenun. ⁴ Jniteutsa, jnaji jinaitakawapjia matsi jnawakaketsautsan jnite jnaji jinapjiatipen jinaitanipe jnuwayaketakautsana, jnite jnukadawatsa jnawau jnaji mayanperim jnekjuete jnaji idiotenai. ⁵ Jnukadawatsa jnadakipen jnaji mayanperim jliyakaleta jliaji Israel jnekuete jnaji jnadiotenai jnite jnupekutsa jnapipen jnawaile jnaji jnapanapen. ⁶ Kerekatsa jnafakau, jnawayaketakautsa jliaji yakale jnite jnaufakawa yenunpe kenakautsana, kaiwatsa jnawayaketaka jnanaitakawa matsi jnite jnafakautsa jnawakatsa. jniteutsa butankana jnite jnawayakakau, jnayuakautsa jnaji jnadiotenai jnite jliaji jnanaitanda jnwayaketakautsana. ⁷ Jnawakautsa jnaji mayanperi ipamuyuaka jniteutsa yanika iiminali jnua. ⁸ Jnumatsietakautsa inakjuiteperi, jnite panapena ipitukautsa jnamatsetan yuya jnaji paana yakale, yakadanakuatsa paferikule yakale. ⁹ Jnite, jnaji ipitukape jnafaupiakautsa jnunaku jnaufakadanaku pafee yakale kaiji jnadanatandatsu imutukau, kuyulekautsa jnua jnakaule iima kuripjiaka jnani kukaka jnaumalipjia jnite jnaka teeku jnuya, jnite jnaji jnatii jnaumaka paada jnadiutewa. Jniteutsa jnakanetaka jnekuatsu jnanaitalipia matsi jnanitanda pjiatsa iima. ¹⁰ Kaiwatsa jnanika jnuakatsa jliaji jnaminali. Jninpjia jnukaiteka jnudeka jliaji matsidali jnanaku. ¹¹ Waminali Dios ikaiteka jliaji:¡ Iñaka iikapi jnite ipuaka jipatsu! iikateka:¡ Jnakuami jnaji jnanaitanipe matsi Israel iipanariku!Jnite jnewakautsa matseta iima, mafitakai ipuana jnite iirenati. ¹² Jnite jliaji tekudali jliwakautsau jlirena iima jnite jliaji tsumidali jliwakautsa matsetatsu. Jnaji itaitakape yufakau jnite kafikana mayamiutsana mafitakainaku. kaiji jnutaita jnuisrua jnakjuete. ¹³ Jniteutsa, tsaa yanika jnakatsa iminali, jnausruakadanaku jnaji mayanperim jnekjuete jnaji idiotenai, jnawai jnaji ipana yakawapjia matsiadali idiotenai iisru, jnanaku jnaji munutsi yenunperi, jnewidanaku jnaji awakada, jnite jliapite jliaji jaiku kaputilandali juure ¹⁴ Jnuñakautsa jnukapi jnite jnukadakautsa jliwakatsa jliaji jipai jnadufiatsakautsan,kaidakafete jliuka Diblat, kerekatsautsa jnakasra jnaufau. jniniwatsa, jnanika jnuakatsa iiminaliti."