¹ Jnite pjia, atsia iisri, pjipaka matseta kemete jnakayutsu jnaji iyuakape pjatsikule, pjiyampetan pjiwidanakun jnite pjitsinumanakun, jnite pjipaka pjitsikule pamuyuepe pikapakaru kukapaka jawiñali. ² Pjimaitaka tsutsa jlipamuyuaka jliaji yakale jnawayaketakadanaku jnakurarataka, jnite pjipaka tsutsa pjiñaka matsetatsu jnite pjikabukuka jliaji yakale.Jliten pjikadaka kauli idekan, jnite jnutautsa paita matseta jnuakaru jnapudan jnaji yakaleta. ³ Pjipa tsutsa jnatsikule jnite pjipapjikana pjitukukawa pjitsayan. ⁴ Jnite pjipapja itsikuleti pjipekukaruna jlipamuyuaka jliaji tiyee; jnamakarua; jniteutsa jlimutukau jliaji tiyee jnapanarikule jnaji Israelitanai." ⁵ Jliaji waminali jliakaiteka:" katsa jliaji Jerusalen jnapekuriku jnaji paana yakale, jnukadali jliufakanin, jnite jnukararatakani paana jipaitsu. ⁶ srupekuka dekja sruiruariku jnaji jnuakuami jnauyapa jnaji paana yakale, jnite jnumenakanipe jnanaitaka jnauya jnaji paana yakale. Jnaji yakale jnamenataka jliaji jnumenakali jnaikaule jnanikaru jnite kurin jnemanikau kaiji jnumakapitsu." ⁷ Jnini, jlikaiteka jliaji waminali:" Pjipeyupa yakuti jnauya jnaji paana yakale yufakape pjikudapi jnite kurim pjiemanikau kajij jnumakapitsu jnite jnukaiteli, kurim pjinaitaka jnaku ikaiteli jnaji paana yakale yufakape pjikudapi, ⁸ Jnini jlikaiteka jliaji waminali." Iikapa, jnuatsautsa ikuema. Jnukadawatsa jliuwakawa pjikauleriku jnakapakaru jnaji yakale. ⁹ Jnunaitautsa pjisru kaiji jnunaitakapitsu jnite kuriutsa jnutaita jnunaitakana, jnama jnaji pjinaitanipe matsi. ¹⁰ Jniteutsa, jnaji jnanirinaipe jnite jnaduanai jnaiñakautsa jnenipe iipekuriku, jnite jnenipe iñakautsa jnanirinaipe jnite jnaduanai, jnunaitautsa jnakaparu pjinaku jnite jnupekuatsa pjitepen kerekawalekatsa. ^{12 11} Jniniwatsa, kafikadanakutuanua, katsa jlikaitelika jliaji waminali, pjimatsiketaka jliaji jnufakawa jnatsu jnaji pjinaitali matsiperi kuriperi jnupeyuka pjinaitaka, jnurukutakautsa jnamaimaka; kuriutsa kjena jnuti ikapakapjia, kuriutsa jnuñetaka pjiuyan.v 12 Pemautsa mayanka pjia iirenatitsu, jnite mayankautsana iñaudati iima. Pemautsa jiwakau matsetatsu jlikuraratakadanaku pjia. Jnite, jnupekukautsa pema kerekatsaji, jnite jnutautsa paita matseta jnakaru jnapudan. ¹³ Jniteutsa, jnuwayaketakaruatsa jnuirua, jnukadakautsa jliwa jnanaku. Jninwatsa matsia jnuaniakakau, jninwatsa jnanika, jnua jnaminali, jnuakatsa kakulika jnuiruariku jnakuete. ¹⁴ kapaimanautsa pjia jnite kuyulepjia jnakapau jnaji yakale yufakape pjikudapi jnakapakaruatsa pjia jnayapakadanakua. ¹⁵ Jniteutsa, Jerusalén ipadamakautsau jnakapau jnaji paana inaiki jnakanikaru jlilau, jnite jnakapakaru janapeyau jnaji paana yakale yufakape pjikudapi. Jnupekukakautsa pjikapa keruakadanaku jnua, keruadalitsu jnuñakapjia.¡ Jnua, Iiminaliti ikaiteka! ¹⁶ Jnuyaitakautsa kamunipen pjikjuete jnuinukaru pjia. Jnuretakautsa mawitakai pjinaku pjilakaru jliaji pan. ¹⁷ Jnumenakautsa mafitakai jnite matsidali pjikjuete, jmenipekautsa pjiufakau. Iirenati jnite iiranati jiyapakautsa pjinaku, jnite jnudekautsa matseta pjikuema. Jnua, iiminaliti, jnukaiteka kaiji."