¹ "Pjia, katsa, atsia iisri, pjipaka paada turupeda pjikadakani pjipeyale. Jnite, pjinaitaka jliaji yakale Jerusalen jlirikuda. ² Jnite, pjikuraratani, jnite pjinaitaka jlidana taimipe jnauyau. pjiretaka yenunpe jnawaiwa jnite pisruetaka pantitape jliwaiwa. Jnite pjietaka tsipala ipekukadautsa jnawau aaji jnawaikawa. ³ Jnite pjipaka pjisruwawa paita piñakasruitau tsipalaita jnite pjikadakani pjidanau pjipamuyuakariku jnite liaji yakale, jnite pjikuanita, kurararikuatsa pjia, pjiawatsa ikuraratana. katsauta jnanitsupaka jnaji jlipana jliaji Israel. ⁴ Jnite, pjiuruakau inasruemete jnite pjikadaka jlimatsikana jliaji Israel iipana jlinaku; Pjidekautsa jlimatsikana kutsaka jaledauka pjiuruskau jliukumatsu ljiaji ljipana jliaji Israel. ⁵ Jnuatsa imenaka pjideka jlimatsikana kutsuka jamuli jlinaitaka matsi:¡390 jaledauka! kaiwatsa, pjideka jlimatsikana iima jliaji jlipana jliaji Israel. ⁶ kuankaulikautsa pjiwayaketaka jnaji jaledauka, pjiusruakautsau yamapjiatsupa jaiteji pjiyekemete, pjidekautsa jlipana imatsikana jliaji Judá cuarenta jaledauka. Jnumenakaka pjia pjadape jaledauka jamuliikuan. ⁷ Pjikadaka pjiekua Jerusalenjnisre jliaji kawaidali, jnite pjinapatsu kridalitsa pjiñanpa kakupjia jlikjuete. ⁸ ¡Katsa aaji! jnusruetaka pjipapiu kurikaru kanankapjia pjiwayaketakaru jnaji jaledauka jnuitakawa pjia. ⁹ Pjipa pjiyapeu trigo, cebada, frijoles, lentejas, millo jnite centeno; pjikadakana iiñaudati yarudariku jnite pjinaita pan pjisruwawa jnakuatsa jnaji jaledauka pjiusruajli iima. 390 jaledauka pjiñakautsana. ¹⁰ Jnaji iiñaudati pjiñajliutsa jlifiñakautsa yaani, veinte jaledaukautsa pjiñakana, jnite pjiñaka jaledaukakuan. ¹¹ Jnite, pjirakautsa uuni pjamuyuapetsa, jlikuatsautsa jliaji jaledauka. ¹² ¡ Pjiñakautsana kaiji pan isrukada cebada, pjimakarakautsana inaiki itsnaku jnakapakaru pjiumi!" ¹³ Jliaku jliaji jnuminali:"panitsupaka jliakautsa jliaji pan jnaiñajliutsa jnaji Israelitanai matsidalikan, jnapekurikuatsa jnaji yakale jnupekukautsani." ¹⁴ Jnukaiteka: "¡kenapaka jnua, jnuminali!¡ kuriajli matsidalika jnua!¡ kuriajli jnuiñaka jmayandali iipe, jnite jnainundata jnaji mafiaklinai, kurin jnuyenpetikaka jnite panitsete, iipeti kamukudali kuriali tsewaka jnunumariku!" ¹⁵ Jnite jliaku jnusru:"¡pjikapa! pjikapa jnuaka pisru vaca iitsa pjimakarakaru pji pante jlinaku kurinta inaiki itsaka." ¹⁶ jlikaite tsaka jnusru:¡Atsia iisri!¡ Katsa kaiji! Jnutaka jnauya pan jnaji Jerusalenrikuperi, jnite jnaiñakautsa pan jnanikada jnawaupjiaka jnamatsieta jnite jnairakautsa uuni jnafiukada jnamatsietautsa ¹⁷ Kurikautsa jnasru pan jnite uuni, jnakuana jnaji atsianai kuyulekautsa jnakitsin yapiya jnite jnakuitakakautsau jnamatsikana iima."