¹ Jliaku jnusru: " atsia iisri, pjiñaka jliaji pjiuketanda. Pjiñaka jliaji jnukalapinda jnite pjiaka pjikainten Israel ipanarikule". ² Jnite jnumekuka jnunuma, jliaka jnuiña jliaji jlikalapinda. ³ Jliaku jnusru."¡atsia iisri, pjiñaka pjiwawariku ikauyau jnite pjipakanta pjitsada jlitsu jliaji jnukalapinda jnuali pisru!" jnuiñakan, jnite putiyakan kaiji maapa yaana jnunumariku. ⁴ Jnite jliaku jnusru:" Atsia iisri, pjiaka jlipanarikule jliaji Israel jnite pikaiteka jnuaku jnasru. ⁵ ¡Kutsa jnumenakaka pjia tekjulekawa kakukana kurikawanta pjiani pjimikana, pjiakawa Israel ipanarikule, ⁶ Kutsa yakale makadalirikujleka tekulekawanta kakukana kurikawanta pjiani pjimikana! jnumenakakadanta pjia jnaikaule, jnasrunta jnemika pjia. ⁷ Jlipana jliaji Israel kurimwatsa jliuma jlimikapjia, kutsa jnaumenka jnemika jnua. Jnakuana jnaji jlipana jliaji Israel jmepakapekana jnite tarape iikaujle. ⁸ ¡Jnini! jnunaitaka keruadali jliaji pjikapakana jnite taradali jliaji pjiekua kaiji jnekuatsu. ⁹ ¡Jnunaitaka jliaji pjiekua kaiji jipada matsiadalitsu, taimidalitsu kaiji jipadatsu! jmafiutsau jmakuyuletakatsau jnekua iima, panti jmepakapekana. ¹⁰ Jlikaiteka jnsru,"¡ Atsia iisri, kalaimi jnaji yakuti jnukaiteli pjisru, pjipakana pjikaulerikuna jnite pjimikana pjinakuriku! ¹¹ Jnite pjiakawa jnaiakule jnaji jnadanatanipe iimutukau, pjiyakalerikule, jnite kakupjia jnasru. Pjikaiteka: kai jlikaiteka jliaji waminali:" jmemikada pisru kurikada jnemi." ¹² Jnite jliaji iikaujletin jiretaka jnua, jnite jnumika jnudanitete kaiji jlimatsu jliaji kananika jipai:"¡ Matsiadalipaka jliuwakarudete jliaji jnuminali!" ¹³ Jlima jliaji jnanape jnaji mafikalinai kafipe jnakudaitakadanaku jliaji paapa mafikali, jnite jlima jliaji jnaruda jlimatsaka jliaji kananika jipai. ¹⁴ Jliaji iikauleti jliretakanua jnite jlidekanua, jnuakawa keruawa jnite kurinuanika kukajnunaita,¡jlikapi jliaji jnuminali jlipatuetaka jnua kaida! ¹⁵ Jnuaka jnaikaule jnaji jnadanatanipe aaji Tel Abib yufakape jlipekuriku jliaji jliyapakawa jliaji Quebar, jnite jnufaka jnainai siete jaledauka, kapaimaka jnua jnite jnufietakau. ¹⁶ Jnite siete jaledauka tsapuda jliaku jliaji jnuminali inutsenaka jnuikjaule, jliakaiteka: ¹⁷ " Atsia iisri, jnunaitaka pjia yapakada Israel iipana,pjimikada yakuti jnunuma jrikjuite, jnunali pikaiteka jnupeya. ¹⁸ Jnukaitekadanaku jlisru jliaji matsite: mayankautsa pjia jnite kurim pjikaiteka jlisru jliaji matsite jlinaitajli matsi jliufakarua, jmayakautsani jlinaitanda iima, jnutautsa pjikapi yuya jlirana. ¹⁹ Pjikaitekada jlisru jliaji matsite, jnite kurim jliena matsiri yuya, jmayanakautsani jlinaitanda iima, jnite matsiakautsa pjia jliuya. ²⁰ Aape atsia ipeyukada jinaitaka matsia jnite jlinaitaka matsi jliufaka matsidalinaku, jnite jnusruetaka jlisru paada jipada jlutudakaru jlipai, kpja jmayankautsan. kurim kapua pjikaiteka jlisru,jmayayankautsa jlinaitandaiima, jnite jnuwaupiakautsa jlitsu jlinaitanipen matsia, jnutautsa jlirana pjikapi srikuite. ²¹ Jnite pjikaitekada jlitsu jliaji atsia matsiadali pjiaka jliufakau jnite jlinaitaka paniya matsi, jlikadakada jliuyauni, kafikautsan matsi pjikaitekan; jnite matsiakautsa piufakau." ²² Jlikapi jliaji jnuminali akatsan jnunaku, jlikaiteka jnusru:"¡Pjinikua!¡Pjiakawa jipulekawale jipai, jnisre kakuakutsa jnua pjiapiya! ²³ Jnuemakau jnite jnuakawa jipulekawale jipai, jnisre jlimatsiaka jliaji jnuminali, jnukapapjiali aaji jlikuemale jliaji uuni Quebar; jnini jnutudaka jnusripada jnukapaka tewakajle. ²⁴ Jlinu jnuikaujle jliaji ikauletjin jnite jlienkuetaka jnuemau ; kakuka jnuapiyan, jlikaiteka:" Pjiawa pjitakakau pjipanariku, ²⁵ Jnin paniyaka, atsia iisri, jnapapikautsa pjia iñadatitsu kurikaru pjimutukau kurikaru pjianiu jnapekuriku. ²⁶ Jnukadautsa pjienene isrukau, jmakukasrupjia, kurikaru pjikuitana, panti jmepakapekan. ²⁷ kakukadanakuatsa jnua pjiapiya, jnumekuatsa pjinuma pjikaitekaruatsa jnasru:"katsa jlikaiteka jliaji waminali. jnaji jimikape, jnemikautsa; jnaji kuripetsa jimika kurijnautsa jnemika,¡panti mepakapekatsana!"