¹ Jliaku jnutsu: ¡"Atsia iisri, pjienku pjiemakau ; jnite kakuka jnua pjiapiya" ² Jnite, kakukadanaku jnuapiya, iikauletin tsewa jnunaku jnite jnuenkukau jnuemau, jnite jnukapa kakuka jnuapiyan. ³ Jliaku jnutsu:" atsia iisri, jnumenakakau pjiakaru Israelsre, yakale jmatsikue yemakada jnukuema, ¡Jnatsaka jnite jnapia jnaji jnaferinaipe jnanaitaka matsidali kuridali jnupeyuka panitsete! ⁴ Jnaji jnanakjuitepe keruapeka jnekua jnite taradalika jnakaule. Jnumenakaka pjia jnaikaujle, jnite pjikaitekautsa jnasru: " katsa ljikaitelika isru jliaji jnuminali" ⁵ Jnemikada kurinkada jnemika. Panti jmepakapekana, jnanikadekautsa jnapekurikuka iinupasrutakaita. ⁶ Pjia, atsia yenipe, jmafiutsa jnaiwana jnite jnakuami. Jmafiutsau, jnitatsa pjianikau jnapekuriku jnaji jaikuteda zarzas jnite espinos jnitatsa pjiufakau jnainai jnaji yaledapen. Jmafiutsa pjimika jnakuami jnite jnekua, pantika jmepakapekana. ⁷ Pjikaitekautsa jnasru jliaji jnuakuami, jnemikada kurinkada jnemi, jmepakapekana. ⁸ Pjia, atsia iisri, pjimika jliaji jnukaitejli pisru. Jmamepatakatsa kaiji jnakatsu jnate panti jmepakape.¡ Pjimeku pjinuma pjiñakasru jliaji jnualiutsa pisru!" ⁹ Jnite jnukapaka, jnamekuka jnusru paita ikapiti; jlirikuda papje jnakalapinda jnadananda ¹⁰ Jlimekukani jnukapa; jnadanakani jliwawarikjuite jnite jlidanitete, jnadanaka isrua jlinakuapana jliaji iiyaketi, kuyulekjeti, jnite ipaimanietakjeti.