¹ Treintaka jamuli, kuadaka keri, jnite pemapakapi jaledaulaka jliatsa kerikan, jnufakapjiaka jnapekuriku jnaji jnadanatanipe iimutukau tsumi jliekukawa jliaji uuni Quebar. Jlimekukajnusru jliaji, jnite jnukapa Dios ikanetanda. ² Pemapa tsupa keri jliada pematsupa jamuli jnamenakakarun jliada jliufakau tekujle jliaji iminaliti Joaquin- ³ jliaku jliaji waminali jlinuka jlikjaule jliaji Ezequiel jliri jliaji Buzi idenikada, jnapaitenaku jnaji caldeos tsumi jliekukawa jliaji uuni Quebar, jnite jlikapi jliaji waminali jlinakukan. ⁴ Jnite jnukapaka, jlinuka jliaji tiruli kaidadali inukada inasruemete; jmakadali iyawada tiyetsu keradali yufaka jlirikuda jnite keradali ikabukunika jliwai , jnite jliwawariku jliaji iyawada jliaji tiyee jlikapakana jalamidali ⁵ Aaji jliwawariku pakapaka kuadaka mafikalinai kafiperi. Jlikapakana atsiatsu, ⁶ Jnasrukadeka kuadaka jnakapakana jnite jnaji mafikalinai jnakuana kuadaka kapjekana. ⁷ Jnakawapi atsiemetekana, jnatsuta jnaji jnaipa kaikanaji mafikali itsuta jnaketitandatsu. ⁸ Jnakapi inaikitsu jnapitenaji kuadaka jnanapje. Pakuaka jnasru jnaji kuadaka, jnakapakana jnite jnanape kaikana. ⁹ Jnanapewaka itudakanikau, jlinape yapiya jliaji apapa mafikali, kurim jnakabukukau jnakadanakua; jnakuana jnakau jnapeyale. ¹⁰ Jnakapaka kaiji atsia yakuatsu. Kuadaka jnanakjuite itsuka jnayekemete león ikapakana, jnite kuadaka jnanakjuite itsuka buey ikapakana inasruemete. Paana kuadaka jnakapakana kaiji jawatsu. ¹¹ kaipjia jnakapakana, jnite jnanape jnamekukana yenunsre, paita jnanape jnaji mafikalinai itudaka jlinape jliaji jlikitsinda, jnite paita jnanape idanataka jlidaki. ¹² Pjadapatse jnemanika jnapeyajle, kaiji jnakaule yumakapishu jemanikau, kainakau kuritsa jnadiakau. ¹³ Jnakapana jniaji mafikalinai kafiperi, kaiji tiyeme keradalitsu, kaiji tiye makani jnapanda jnade jnakapiriku; tiye melemeledali idiani jnapekuriku jnaji mafikalinai, jnite eenu peruka. ¹⁴ ¡ Jnaji mafiakalinai kafiperi jnadianinpekau jnapudansre jnite jnapeyajle, jnakapana kaiji eenu iperukapishu. ¹⁵ Jnite jnukapaka jnaji mafikalinai kafipe; jninpjia jnakalapinda yusrua jipairiku jnakudapi jnaji mafikalinai kafiperi. ¹⁶ Kaipjia jlikapakana jnite jliarupuku: kaika pakapana crisolito o berilo, jnite jnaji kuadaka jliarupu pakauaka pakapakana; jnite jnaji jnakapakana kaika pakapakanaji jnawawarikuwakakana. ¹⁷ Jnakarakadanaku jnaji jliaruda, jnakabukukau kurikawa jnawa jnaji mafikalinai. ¹⁸ Jnaji jnarupuku, Yenumpekana jnite kafainaperi, pakanka jliarupuku itjitjitsu. ¹⁹ kerekawakatsa jnaniu jnaji mafikalinai kafiperi, Jnasruda ikarakau jnakudapi. Keruakdanaku jnaji mafikalinai kafiperi jipairikuite, keruatsaka jnarupuku. ²⁰ kerekawakatsa jlikasrau jliaji ikjauletin , jnakau, jnite jnema jlikjuma jliarupuku, jnakaule jnaji mafikalinai kafipe akaniji jliarupukunaku. ²¹ Kerekatsa jnakarau jnaji mafikalinai, jnrupuku ikasratsakau, Jnite kurikadanaku jlikasrau jliaji mafikali, kuritsaka jnakarakau jnaji jliaruda; jnarakadanaku jnaji mafikali jipairikjute, jliratsakau jliaji jnarupuku, jlikaule jliaji mafikadali kafidali akaniji jliarupukuriku. ²² Jnewidanaku jnaji mafikalinai kafiperi jlimutukau jliaji jnafakaruda; kaji jalamidalitsu; jlipukutakau jliwidanaku. ²³ Jliapite jliaji jnafakaruda, jnanape jnaji mafikalinai jnamekuakawa mayakanwa jnite jnepaka jlinape jliaji paapa mafikali. Jnakuana jnaji mafikalinai jnasruka peema jnanape jnadanatakatsupa; jnakuana jnadanatakakau. ²⁴ Jnite jnumika jnaama jnaji jnanape. Jnemitsu jnamaimaka jnaji uuni. Jlimatsu jliaji waminali kaidadali kerekatsa jnakarawa. Jlimatsu jliaji tiruli kaidadali. Jnemitsu jnaji tsuludaunai. Kerekatsa jnemakau, jnaurukjuetaka jnanape. ²⁵ Pemika jnakuami yenunite jnafakaruda tsumi jnewida, kerkatsa jnemakau jnite jnaurukueta jnanape. ²⁶ Jlinaku jliaji jnafakawa tsumitsa jnewida pakapaka jnafakasruda ikapakana kaiji jipadatsu jlipitana zafiro, jnite jliaji jnafakaruda jlinapitsuka jliaji atsia. ²⁷ Jnukapa jinapiatin kaiji tsipalatsu keradali, tiyeetsu jliwale jnite; jnukapa jliwale tiyeetsu tewakajle jnite keradalika jliwai. ²⁸ Jewiatsu jlikapakana iyadaukarikudali iiyakadanakun, keradalika pakapan aaji jliwai. Jlikapakanatsu jliaji waminali. jnukapakadanakun jnuwakau jnuekuatsu jnite jnimika jlima kalukan.