¹ Nite ljiaji ashia ljipietashenaka ljidenoa pewakawao aji temploriko, nini pakapa oni imotokao, padanete tewakete ljiaji umbral ljiyada ljiaji templo, ashiema ljiaji altar. ² Kaishopa, ljidenoa jaitema aji pantinoma norte kema ljide noa ljialjapi ljiaji pantinoma adaljiaji este, nini ljimotokao ljiaji Doni ljiema ljiaji sur kema. ³ Kaikadana ljiaji ashia ikasha ljimotokawa nite este, ljisho ljiwishoda ljikapirico; ljiwi mil codos nite ljidenoa jaite aji Donikema ljokao noshipadanako ljitewakaka. ⁴ Nite, ljiwi mil codos tsenaka ljipieta ljidenoa onikemete ljiokao noshipadanako ikasha ljitewakaka; ⁵ ljiwishenaka mil codos misha ljiaji onipao korin notaita noyapacami ima tewakakani ikamitsa ⁶ Nite ljiaji asha ljikaite noa: pia aschi iri, ¿Kapa pikapena ljiaji? Ljidenoa padanete ljirima nodiaka noipasho ljialjiapi ljiaji onipao. ⁷ Kaiakadanako noakawa opi nokawakowa, aji ljialjapi ljiaji onipao aima nini jaiko, aji pema nintsaka jaiko. ⁸ Ljiaji ashia ljikaite ljisho ljiaji Arabá; ljiaji oni ljiawa aji mar grandeshe mashionai ljitokao. ⁹ Piomi naji imotokapewa ikatsa nanoka jaite aji ljimotolji nite; haima kope nishe, imo ljiaji oni ljimotokao nite. nishaka ljinoko ljiaji oni piwanai. Haima iofakao ljialjapi. ¹⁰ MItsa, naji ikoperetakaperi aji Engadi onirikoperikana, nintsa netakawa naji maya aji En Englaim. Aima kope naoyawaka aji mar muertoriko, kaiji mar makanaisho ishokani naji kope. ¹¹ Mitsa aji tewakakawa nite naji cienagas mar rikopeni korisho manshiacona panaitakano, `pataita shopasha panika ljiaji ñokira. ¹² Ljiana ljiaji este ljiaji Doni, yamemapen ljialjapi paoketa aima jaiko ljioyawata nakadashaka nainaka. Ajinape corinljiwikana, kerikoan kainakakana, ima ljiaji oni imotolji santuarionite ikatsa ljiaroca naikaolje, naji nape tapakana. ¹³ Ljikaite ljiaji Dios: kaiwatsa iaka ishowaka ljiaji jipai ikoamitsa jia doce tribus israelnai; ljiasho ljiaji Jose ljishokaotsa ljiyada. ¹⁴ Ishotsa ioka ishowaka kaiji nokaitekapisho, noretaka nokapi, iaka jirinapinai isho. Ljiatsa ljiaji jipai nokadadaondaotso ishowalje. ¹⁵ Ljiatsa ljiaji ljinana ljiaji jipaite jaiteotsa aji norte nite jaite aji mar makanai nite ljiakaotsa aji Hetlón, mite ljiakaotsa ajereaji Zedadlje. ¹⁶ Ljimana ljiaji irá ajere aji Berota, ashakaji Sibraim, ljipamayoaka liamiyta ljiaji Damasco nite Hamat, nite naji Hazar Haticón, ljiofakao ljinanaljiko shaka ljiaji Haurán. ¹⁷ MItsa, ljinana jaide aji mar ajereji Hazar Enán ljiapiyawaka ljiaji Damasco nite Hamat ljiema ljiaji norte. ¹⁸ Ljiema ljiaji este, ljiapiya ljiaji Haurán nite Damascos, ljipamoyoaka ljiaji Galaad nepaite iapiya naji israelnai jaitedaljiaji Jordán kema, ishotsa iwikan jaite aji mar orientalte: piomi ikasha ljinana ljioyawaka ljiaji este. ¹⁹ Ljiema ljiaji sur: jaiteaji sur Tamar nite Meriba niteshaka Cades; ljiaji ljirokawa Egiptoljikoite ajereji mar grandeshe. ²⁰ Nite, ljinana jaiteaji Oeste o mar grande ajereji ljiewakawao Lebo Hamat. Ikatsa ljiema ljiaji Oeste. ²¹ Ljimastsa ljiaji, ishtsa iaka isho waka ljiaji jipai nashowaljetsaka naji tribus Israel. ²² Kaisha aji, jipenaotsa ishowawa ljiaji nonda isho niteotsa naji tekeiteperi aperiaji ipekoljike, kenipeperina kokaona, ikadana aperikena inakoiteperi. imaimataka kaotsa jia israel. ²³ Nite, ljiaji tekaitedalji ljiofaokaotsa naine aji naofakanao ishotsa iaka nayadao, kaisha ljikaiteka ljiaji Dios.