1 Ikatsa nepitanaka naji tribunai. Najitribu Dan nepashako nepaitewa; ljiaji nenana ljiekokao ljipiya ljiaji ljinana Norte nayada iapiya naji israelnai napowa iapiya naji Hetión nite Lebo Hamat. Nenana iokakao aji Hazar Enán ljiapiya ljinana ljiaji Damasco jaitema aji norte. Ljinana ljiaji Dan irá. 2 Ljiapiya ljinanan ljiaji Dan, ljemaljiaji este ljiatsaka ljiaji Oeste, Aser ljishoeshaka ljiyada. 3 Ljiemoshaka ljiaji ljinanan Aser ljiemakema j¡ljiaji este ajereji Oeste, ljiaji Neftalií ljishotsaka ljiyada. 4 Ikatsa ljiokakawa ljiaji ljinana Neftalí iyada jaitemadalji aji este ljiematsaka ljiaji oeste, Manasés ljishotsaka lyada naine. 5 Ljiyaroemete shaka ljiaji Manasés ljiema ljiaji este jaiteteshaka aji Oeste, Efraín ljishotsaka ljiyada. 6 Ljiyada inai ljiaji Efraín jaite aji este o oesteniteshaka Rubén ljishotsaka ljiyada. 7 Ljemashaka ljinanan Rubén jaite aji oeste, Judá ishotsaka ljiyada. 8 Ljiyada ljiaji jipai ofrenda ljiaji pianda padañjisha ljinana iapiyan ljiaji Judá ljinakaiteka piomi jaite aji este nite ljiemashaka ljiaji oeste; ljimakaiteka veinticinco mil codo ljimakaiteka inai. 9 Ljiaji jipai piomalji piaka ljisho ljiaji Dios ljisho venticinco mil codos ljialjipaka diez mil codos ljimakaiteka. 10 Kaitsa nakadaka nashowaka ljiaji jipai mashialji: kaitsaka naji sacerdotenai nashotsaka nakadanda nepaitewa ljimakaiteka venticinco mil codos ljialjapita jaitema aji norte; diez mil codos ljimakaiteka ljiema ljiaji este; nite venticinco mil codos ljiljapika ljiema ljiaji sur, ljiofakawao ljiaji Dios. 11 Ikasha namashietakakwao naji sacerdotenai ljiyapenao ljiaji sadoc, naji ikishindatakape noa kaidaljitsa korin koankaoljin namatadaka kaiji nakayosho naji israelnai, kaiji nanaitakapisho naji levita. 12 Ljiaji ofrenda ikatsa nandaka ljiaji jipai mashiadalji. nama kaitetani ljinanaljiko kjiaji nayada naji levita. 13 Nepaite naji levitanai ljiapiya ljiaji ljinana nayasa iapiya naji sacerdotenai ljisho veintecinco mil codos ljialjapika nite diez mil codos ljimakaiteka. Piomi ljiajipaka ljiaji nepaite ljisho veinte cinco mil codos ljialjipaka nite vente mil codos ljimakaiteka. 14 Korin nataita nawendekan korinshaka nataita nacombia wiacan; korin apada ljinakoite ljiaji nepaite naji israelnai, piomi mashiadaljikon ljisho ljiaji Dios. 15 Nepaite imakoitedami, cinco mil codos ljimakaiteka nite venticinco mil codos ljiljipaka, nepani piomi ishowatle ljiaji yakalje, naji panti, nite naji maljishikawan; 16 Ikasha ljimakoiteka ljiaji yakalje: ljiema ljiaji norte ljisho 4,500 codos ljialjipaka; ljiema ljiaji sur ljisho 4,500 codos ljialjipaka, ljiema ljiaji pema 4,500 codos ljialjipaka mitso ljiema ljiaji oeste 4,500 codos ljialjipaka. 17 Ninpia maljishido ljiemà ljiaji yakalje nortekema, 250 codos ljitewata; aji sur, 250 codos ljitewaka; ljiema ljiaji este, 250 codos ljitewaka: nite ljiema ljiaji este, 250 codos ljitewaka. 18 Ljiaji apafe nenitanda ofrenda ljimakaitetakao diez mil codos ljiema ljiaji este mitsa diez mil codos ljiema ljiaji o este, naji napania nakadani naiñao noshomable naji idecanica aji yakaljeri ka. 19 Naji inaiki idennikape yakaljeriko, naiki nanakaite oeri naji tribu israelnai, napanaka paoniati nepaitenako. 20 Piomi ljiaji ofrenda ljiyada ljiaji jipai nawini veinticinco mil codos ljima ljiaji veinticinco mil codos. kaishopa ljiaji ofrenda matsiadalji, ljiapia ljiaji nepaite yakalje iyada. 21 Ljiaji nakadanda jipai ámemapen ljialjapi ljiaji ofrenda ljishowalje ljiaji principe, ljima kaiteko ljiaji ljipaite ljiaji principe jaitema aji este ljinakaitetakakao veinticinco mil codos. Ljipamoyoaka ljiofakawao ljiaji ofrenda, ljiaji templo aniaji pamoyoa. 22 Ljimakaitetakao ljiaji nepaite naji levitanai aji yakalje pamoyoa ljiyadakan ljiaji principe; naoyawakakawao ljiaji Juda ljiyadakawa ljiaji Benjamin, ljiaji jipai ljiyadakan ljiaji principe. 23 Naji tribu nakanin, ljiaji ljiten ljiekotsaka ljiema ljiaji este. Benjamín washa jipa ljinakoite. 24 Ljiyada jinana ljiaji Benjamin ljiema ljiaji este, ljiaji Simeón, ljiesho ljiyada ljinakoite. 25 Ljiyada kemete ljiaji Simeón ljiema ljiaji este, Isacer isho ljinakoite. 26 Ljiyada jinanakema ljiaji Isacar ljiema ljiaji este, Zabulón ishotsaja ljiyada. 27 Jaitemaji sur kema ljiaji Zabulón, ljiekoa ñjiemakema ljiaji este, ljiyada jipaika ljiaji Gad, shodaljisha. 28 Ljiokakawa ljinana ljiyada ljiaji Gad jaitema aji Sur ljitaoña jaiye aji Tamar nite ljiokao ajeereji oni adaljiaji Meriba dalji Cades shaka, ljiokao mar gran mar. 29 Ikatsa jipaikaljiaji napekokawa ljiaji nawishoda; ikatsa nakadanda nasho naji tribu israelnai ikatsa ljikaiteljika ljiaji Dios. 30 Ikatsa namotokawao ljioya ljiaji yakalje: ljiema ljiaji norte, nawini ljisho 4,500 codos ljialjipaka. 31 Ljisho madaljiafe pantinoma, nakoami nashoka nepitano aji tribus Israelnai: pafe pontinoma ljiyada Rubén, paita pantima ljiyada ljiji Judá nite apafe ljiyada ljiaji Leví. 32 Ljiema ljiaji este, nawini 4,500 codos ljialjipaka ljiema ljisho madaljiema pantinoma: pafe pantinoma José iyada. Apafe Benjamin iyada nite apafe pantinoma Dan iyada. 33 Ljiema ljiaji este, nawini 4,500 codos ljiljipaka, ljiema ljisho madaljiema pantinoma: paita Simeón ishowalje, apaita Isacar yana mite ljiaji Zabulón ljishotsa apafe pantinoma. 34 Ljiema ljiaji oeste, nawini 4,500 codos, ljisho madaljiema pantinoma: paite ljiyada ljiaji Gad, paita ljiyada ljiaji Aser nite paite pantinoma ljiyada ljiaji Neftalí. 35 Ljitekoka ljiaji ljiwaida ljiaji yakalje ljisho dieciocho mil codos: ljiada jaledaokapia, ljipitana ljiaji yakalje niniotsa ljiaji IDiote.