¹ Ljiaji Dios ljikaite kaiji: Ljiaji pantinoma adaljiaji patio iwawa ljiko, ljiemete ljiaji este, opi taimi seis jaledaoka nadenikadanako, mitsa ljiada ljiaji naofetakaroda jaljialisho, ljiada ljiaji keri waljipi jaljiatsakan. ² Ljiaji principe ljiewa jjaite aji patio kemete nite kema pantinoma, nite ljiema aji marco nako pantinoma ajadaljiaji ljiwawaljiko kaikadana ljiaji sacerdote ljide ofrenda namaitanda ljia mashiadalji aji umbral pantinomadalji, mitsa ljiaji pantinoma corim ljitakakao ate dainomalje. ³ Piomi naji inai aperiaji iofawa nepaitenako nakamatsiadalji naDiote isho aji pantino makawao mitsa jaljewerika Diada nawafetakarodaljiko. ⁴ Ljiaji namaitanda ofrenda nawape naDiote isho aji ljiada jaljedaoka nawafetakaoda nashotsaka seis cordero maopitaperitsa nite shaka carnero maopitanitsa. ⁵ Nite naji ofrenda grano ljiapiya ljiaji carnero apada sheto, nashaka naji grano ofrenda naine naji corderonai ikasha naljika naDiote isho, nite apada aceite ljipitana hin nakoami naji sheto nashoka naji aceite. ⁶ Waljipikadanako ljiaji keri nashosa nakadaka apana toro maopitanisha, seis napa cordero mitsa apanapa cardero maopitanitsa. ⁷ Ljishotsa ljiako apada tseto naji grano ofrendawa ljima ljiaji toro nite apadashaka tseto ljima ljiaji carnero, mitsa ljiomakada ljiaka ljima ljiaji cordero apada aceite ljipitana hin nakoami naji tseeto apanape nite shaka grano. ⁸ Ljiewakadanako ljiaji principe ljishotsa ljiewakao jaite aji inipo inolji nite ljisho pantinoma pewakawao, ljisho ljidia kao ljimoto nite aji ljinolji nite. ⁹ Nanokadanako naji inaiki ljikaolje ljiaji naDiote aji fiesta ljiko, apada shewakada jaite aji pantinoma norte nitedalji ljishotsa ljidiakao ljimoto pantinoma sur nite kema. ¹⁰ Ljiaji principe ljishotsa akaniaji pamoyoa; naoma kadanako nasho nakawa pamoyoa, ljishotsa ljiewakao, aji naomoto kayamina, ninde ljitaita ljimotokao ¹¹ Aji fiesta ljiko,ljiaji ofenda naji grano nasho napakantaka apada tseto ljima ljiaji toro apadatsa tseto ljimo ljiaji carnero, nite apanape aceite nakoamitsa naji tseto. ¹² Ljiakadonako ljiaji ofrenda ljiyada ljiaji principe, ljishotsa ljimaitakani ljiakaro ljishoni ljiaji Dios, ljiaji pantinoma jaitemadaljiaji este ljishotsa jaljiakani ljisho, kaisho ljishotsa ljinaitaka kaiji nanaitakani ljiada jaljedaoka ljiaji nao fetakaroda.Ljisho ljimotokawa mitsa ljjishotsa ljitaka pantinoma. ¹³ Aji namaimatakadanakoni, pia pishosha ofrenda apana cordero maopitanisho ishokada apada año kaidaljiaji ofrenda namaitanda naDiote isho jaljekakoan ¹⁴ Mitsa pia pishotsa piaka ofrenda naji grano jaljekakoan, nanakoite sexta niteshaka tercera parte naji hin aceite naposhieta shoda ljiaji harina nakadanda ofrendawa ljishowalje ljiaji Dios. ¹⁵ Namashieta ljiaji cordero, ljiashaka ljiaji ofrenda naji grano, nite ljiaji aceite jaljekakoan, pada ofrenda namaitanda. ¹⁶ Ljikaite ljiaji Dios kaiji: Mitsa ljiaji principe ljiakada nasho regalo naji ljienipe, ikatsa ljikadanda nakapaope ljiapodan. ¹⁷ Mitsa ljiregalakada ljiaji ljiawapeta nashowalje naji ljienipe rosho shoaji ljishodarro, rodenikaosha ljisho ate kerekaosha ljikado romaodaka, ima ljiaji regalo nasho walje naji ljienipe. ¹⁸ Ljiaji principe coritsa cuadaka ljisho naji inaikinai ljikadaka nayadao, ljishotsa ljikadaka nashowalje naji ljienipekatsa corikarotsa napokatao naji inaiki nakoami naji ashianai nashotsa naka nayada inakoite. ¹⁹ Nite apada ashia idenoa fewakaro pantinoma pewakawa ljisho ljiaji sacerdote, jaitemadaljiaji norte nite ikashaji minitsa apafe jaitedaljiaji oeste nite. ²⁰ Ljiaite nasho kaiji: Ikatsa apafeka ljiaji ljiyanakawa ljiaji sacerdote ofrenda namashikana imadalji, korin nataita netaka ljiaji ofrenda aji patioriko, imanta naji inaiki nashia perikantana. ²¹ Nite ljietanoa jaite aji pationite ljiasha jiyapenoa ajji cuatro ljitonifi ljiaji patio, nite nokapa nakoami naji ljitonifi ninka patio. ²² Naji cuatro ljitonifi natsaka naji patio aperiaji padanete nintsaka cuatro shoafepe patio, cuarenta codos ñenonshe nite treinta ljimakaiteka ikatsa pakapaka naji cuatro patio. ²³ Nite pakapa nakadani apaka jipadadape piomi nawaida naji cuatro de nashaka naji pawakakaroda tiye naofakao tewakete nasho naji jipada. ²⁴ Ljikaite noa ljiaji ashia: Ikatsa nayanakarodapeka naji idenikape aji temploriko nakadani naji inaiki.