¹ Nakadanako nashowaca ljiaji nepaitewa, nashotsa naka ofrenda Naminalji isho; ljiaji ofrenda nalji mashiakaroatsa ljiaji nepaite, veinticinco mil codos ljimakaiteka, nite diez mil codos ljimakaiteka. ashiadlji kaotsani, piomi aji ljiwaida. ² Jaite aji, niniwatsa quinientos codos ljisho watsa piomi quinientos cuadrados codos ikakokolji ljiwaida piomi lugar santo, nite ljiaji ljialjapika ljimakaiteka cincuenta codos. ³ Nawika piomini ljishoka veinticinco mil codos ljialjipaka nite diez mil ljimakaiteka; ljiatsa ljiaji santuario. ⁴ Ljiatsa ljiaji lugar santo aji jipairiko nakawa mashiadalji naji sacerdotenai Naminalji isho, nashomitakawa Naminalji nashotsaka apafe aji pantiriko nite apefetsaka mashiakawa adaljiaji santuario ljiko. ⁵ Kaitsaka ljia ljishoka mil codos nite diez mil ljimakaiteka, nashowalje naji levitanai idenikape aji pantiriko. ⁶ Piatsa ikada apafe nashowalje naji yakalje, cinco mil codos ljimakaiteka veinticinco mil ljialjipaka, ashaniaji shomitsa ljioya ljiaji nakadanda ljishowalje ljiaji lugar santo, ljiaji yakalje ljiyadakatsan ljiaji Israel. ⁷ Ljipaite ljiaji principe akashaniaji ljiwaida ljiaji nakadanda ljishowalje ljiaji lugar santo nite ljiaji yakalje. Kaitsa jaite aji occidente keema. Nite piomi ljimakanika jaite aji occidente nite ashaka jaite aji oriente nitekema. ⁸ Ljiaji jipai ljiyadakan ljiaji principe adaljiaji Israel. Ljiaji no principete koritsa ljipatoetana naji noyakalien nanai, naka nasho nepaitewa naji Israelnai. ⁹ Ljiaji Dios ljikaite kaiji: ¡Ljikoenina, principe ljiyada ljiaji Israel! imakena ljiaji inoakanikao; inaita iapíyawaka mashiadalji. ¡Ikada nakaroa naaji noyakaljeta! Kaitsa ljikaiteka ljiaji Dios. ¹⁰ Ishotsa ishoka ljiaji pawishoda mashiadalji, nite shetoshaka ljikoadalji, iawantakada ljikoete mashia. ¹¹ Ljiaji sheeto pawikaro naji metaperi mitsa ljiaji pawishoda oni pakoadaljitsa ljiapiya ljiaji apada, pawishodakan naji apana pawiope. ¹² Ljiawalljikadanako ljiaji veinte; seseta waaljiawatsa mashiaka isho. ¹³ Ikatsa ljiaji koanka imakaitetaka ljiaji idenikati isholjitsa ikañatalji nakapa, koripasho pakamika ljiaji nawishoda ljiaji trigo, nashotsa naka apada sheto naji cebada. ¹⁴ Nite ljiaji nawishoda ljiaji aceite nakadanda ofrendao, nashoka nawishoda mashiani ljipitana homer. ¹⁵ Aparo oveja o apanatsaka cabra naji napira nakada doscientos pe naoyawaka nakadawape ofrenda naomashoda mashiadalji Dios inai kaitsa ljiaji Dios. ¹⁶ Piomi naji inaikinai aperiaji iofuakape aji nepaitenako ljiakaro nakoami ljiaji principe adaljiaji Israel. ¹⁷ Ljiaji ljisholjisha ljinaitaka ljiaji principe ljiakaro naji mafikalji holocaustos ikaoya, nakada ofrenda naji grano, ofrendashaka naji nairaope fiestaljiko nakatimatakadanako ljiaji waljipi kerii, ljiada jaljedaoka naofetakaroda. Ljikadatsaka ofrenda pecado ikaoyanoda. ¹⁸ Ljiaji Dios ljikaite kaiji: ljinitakadanako ljiaji waljipi keri, ljiada ljinitakadanoka ljiaji keri, nepa apana shonitoa vaken maopitanisha nakadakaroni napekadoni ima. ¹⁹ Ljiaji sacerdote ljide ljiaji iranati nakadanda ofrendawa pecado ikaoyanada nite nadatani ljinako ljiaji postes inakodalji ljiaji pantinoma ljiyada ljiaji panti nite naji cuatro ljitonifi ljialjapi ljiaji altar, ljiashako ljiaji pantinoma adaljiaji atrio iwawaljikoda. ²⁰ Nanaitani siete jaledaokanakoni ljinako ljiaji napekadoni apadape inaikikoan namanikan ima, kaitsa nashotsa nanaitaka ljirikoda ljiaji templo. ²¹ Ljinitakadanako ljiaji apapi keri, catorce jaljedaokanako nanaita apada fieste, ljiwiaka siete jaljedaoka naija apaita pan mewidaljitsa. ²² Ljiada jaledaoka, ljiaji principe ljimashieta ljishowalje nite nashowaljeshaka naji inaiki apana vakeni ofrendawa napekadoni ikaoya. ²³ Ljiawaljikada nako ljiaji fiesta siete jaledaoka, ljiaji principe ljimashieta ljiaji holocausto ljishowalje ljiaji Dios: Sietena vakeni nite sieteshaka naji carnero maopita perisha jalekakoan apanape siete jaljedaoka, nite ashiana cabrio apana jalekakoan nakadakoni napekadoni ima. ²⁴ Nite ljiaji principe ljikada naji granonai apadape sheto nakoami naji novillo ljiapiya ljiaji hin aceite ljikoami ljiaji efa. ²⁵ Siete kadanako inajikeri ljiada quince jaljedaokanako, fiesta kadanako, ljiaji principe ljikada ofrenda narikoda naji siete jaljedaoka; noakada ofrenda pecado ima, holocausto shaka ofrenda grano nite aceiteshaka.