¹ Niite ljiaji aashia ljiide noa aajii paantinoma jaitemada ljiaji este: taimidaljiinaitaka. ² Niite ljiaji Dios ljiikaite noa: Ljiaji paatinoma oopi taiminii; koonitsa cooka iitaita iimeekokani. Koorin aapada ashia iitaita jeewakanini, iima ljiaji waaminalji, naa Diote naaji Israelnai, oopi neewa niite oopikadana Shaamini. ³ Ljiaji taaljikanati istael iyada oopi ljiofa ljiiñaa ljiikapa ljiaji waaminalji. Niite ljiewao jaite aji portico niitekeema ljiatsa iimoto niite. ⁴ Niite ljiidenoa iiniipo aadaljiaji paantinoma jaitemadaljiaji nortekeema ljiekoete ljiaji paanti. kaishoopa iikapaaji, ljiimashiaka ljiajiwaaminalji ljiipa kantaka ljiipana ljiaji waaminalji, ljiiwa noeoekoete. ⁵ Niite ljiikaite ljiaji waaminalji: ljienipe ljiaji ashia, piikada piikaoljeriikon piikaapa piitsho piimika piinakoljikosho piomi ljiaji nookaiterii, piomitsa ljiaji ljiapana ljiaji waminalji, iiwaopia ljiinaka ljiaji peewakawao niiteshaka paamotokawao ljiisho ljiaji paanti. ⁶ Niite paanaya piikaite naaji meepakaperi, naapana naaji israelnai: Ljiaji Dios ljiikaite kaiji: piomi ljiaji piinaitanda maashiadaljii ljiikoensha ljiikoensha piishoni. ⁷ Piide naaji teekoiteperi iishokape naakaolje maacircunsisa kaaperiisha naanokaroaji noofakawao maashiaweeriko, maamashikasha ljiaji noopanao, kaikadana pia nosho ljiaji pan, maateka niite iiraanati, piitakako ljima ljiaji maashidalji piinaitalji. ⁸ Kooriinpiideka ljiajipiomalji piinaitaka kaiji piomakaapisho ljiaji maashiada, piikadenaka aapada iisho ljia piomaalji iinaitaka, piikadenaka aapada iiwaapa ljiaji noofakawao. ⁹ Ljiaji Dios ljiikaite kaiji: koorin aapada teekoitedalji, kooriindalji circuncisionka iikaolje piomi ljiidaakii kooriidalji circunsicionka iikaolje ljiidaakii, naanakoite naaji iofakape aaji neepaitenako naaji israelnai, naataita neewakao noofawao maashiadalji. ¹⁰ Kaisha naaji levitanai jieniitakakapeo nooya, teekooperitsa nooyana, naakawa idolojiapadan, naawakashaotsa iikaoña naamashikana iikoada. ¹¹ Nooshoperiikaoshana aaji santuarioljiiko, naawapa ljiipanoonoma ljiaji paanti iikiishindata aajii paantiriki iimashiika naajii ofrenda naamaitaninosho ¹² Ljiima ljiaji naanaitalji sacrificio naanaitalji idoloisho, oopi naakawokoa paatodakarona paipa jiipadashodaljiikan. kaishopa nooreeta nookapi nookaitesho aajadaljiika ljiaji nootaikeri naanako, kaitsa ljiikaiteka aajodaljiaji Dios, neerapitenaosha ljikoada ljiaji naanaitaljii. ¹³ Kooritsa naashomita noa naasacerdotenkaronoa kaishopa koorin naataita naashomitaknoa aaji noofakawa maashiadalji, teekoljeenaka. ¹⁴ Miitsa nookadana iiwapakapekana naaji iidenikape aaji paantiriko, piomitsa ljiaji noonalji naanaitaka. ¹⁵ Niite naaji sacerdotenai levitanai, ljienipekaana ljiaji Sodoc naaji iitaitalji ljiaji nosantuarioni ljiawaljiipia naaji Israel nai naamashikakakao teeko neema nooya, naashomita noa naakaro maashiadalji nosho. Neema nookapa naakaro nosho naaji grasa niite iiraanati. Kaitsa ljiikaiteka ljiaji Dios. ¹⁶ Naano noikaolje aaji santuariorikolje, naashomita ljiaji noomesan naomaakaro maakokaljii niiteshaka naade naadenikalje noosho. ¹⁷ Kaishaotsa ljiawalji naanokadanako neewao ljiipanonomete ljiaji patio, naoshotsa neetaka naanaaniwa ljiaji lino, miitsa kooriin naataita neewakao ljiapiya ljiaji naashayanalje ljiiriikoda ljiaji ljiipanonoma ljiaji atrio kooriintsaka aajii paantirikoljee . ¹⁸ Naashotsa naashoka ljiaji lino aadalji naapapika neewidanaakoniite ljiashaka ljiaji nashayani ljiinoshodaljiitsaka. Miitsa koorin naataita neetaka naananiwa ljiiaji iikadaka tiiñapenaa. ¹⁹ Koankadanako naatowa paadanalje, niietsha naataita naakao yaakaljeshe, naashotsa neetaka naashayani ljiaji naadenikaroodan; neetakadanakoni naashotsa neefaa naakadani ljiirikodaa ljiaji koarto maashiadalji, koorikarotsa naakañata naakapa maashiaperikana aaji yaakaljeekoa. ²⁰ Kooriin naataita naayoaka naashikolje, koorintsaka naataita naakadaka naashikolje iipokotao. ²¹ Kooriishoo aapada sacerdote iitaita iiraka vino aaji panti iiwawaljiiko. ²² Kooriitsaka naataaita neetaka nainowa shoaji naamakandaan o shoaji madoiyoan, iikamitsa naataitaljiiko neetaka shoaji meeyapakadarotsa aashianai iina miitsa naanakoitedarotsa naaji Israelnai ²³ Kaitsa naashotsa naakanantaka naaji noonaikiite naanikaro neenitanipekana mashiadalji ishowalje nooya naaji maakadaapesha; }paataitakaro paanika nooyawaka naaji iiniki maashiperii. ²⁴ Aajii nainoakakadanako naashosha neemaka ljiikaitekarona ljiaji nookaitenda; naashotsa naamashietakakao. Nashoosha neepaka ljiaji iakoti nookaitenda ljiikaoya ljiaji naakatimatakakaroda, naasho naakatimatakakao ljiirikoda ljiaji noaljedaokate noofeetakaroda. ²⁵ Kooriin naataita naakaa naakapa ljiaji maayaandaljiin waade kaopitaperiikana, iikaamitsantapa iima naaji naaniri o naadoa, neenipeshaka, kooriipetoa jiiyaapao ashianai iinai, kaitsaka oopii naakapana kaiji kaaopita peeriisho. ²⁶ Ljiimashikakadao ljiaji sacerdote, naakada siete jaajle daoka ljiidiakaso ljiiwaopia. ²⁷ Ljiidiakadanako ljiewao aaji lugar santokaawao, ljiishotsa ljiideka aapada ofrenda ljiima ljiaji ljiipecadoni, kaitsa ljiikaiteka ljiaji Dios. ²⁸ Kaitsa ljiofakao ljiaji piakonoa: iikasha noa piinakoitedalji, kooriin shooka iitaita ikadaka iiyaroani nasho naajii israelnai; iikashanoa iani ljiinako! ²⁹ Naashotsa naijaka naaji grano ofrenda, naaofrendape naapekadoni iimadalji, naakada ljiisho ljiaji naaminalji naaji israenai, naayakani naakooma. ³⁰ Maashiaperiipa naapania iinaka piomi naoya naaji aapana naapania, piomi ljiaji naakadanka sacerdoteka iajiinaanako ljiiwakaro ljiaji maashialji iipanaljiikolje. ³¹ Ljiaji sacerdote kooriinsho ljiitaita ljiijaka naaji maafikalji mayanpeeriitsaka koorintsaka naaji wiipiaronai maayanperi.