¹ Jliaji aashia jlide noa jlime pantinoma jlimekoaka jliema jliaji este. ² Ashaniajii jlimatsiaka jliaji Dios naayada naaji israelnai jlina jaitejii este; kai peemika niaji kaidakapisho jliaji ooni, jliaji jiipai jlikanaka jlimashiakasho. ³ Caisha jliaji jlikaapakana jliaji jlikapajli, jliapiasha kaiji nookapisho jlinokaojli jliwayaketa jliaji yakejle, jlipetsapia ljiaji nookapalji aaji canal dalji Quebar, ljiiwao noekoete ⁴ Kaisha ljiimashiaka ljiaji Dios iinojli aaji paantiriko peewakawao paantinoma iimekoakakadao ljiema ljiaji este. ⁵ Miitsa ljiaji Espiritu ljiireetanoa ljiidenoa aaji corte ljiiwakakawatsa. ¡Aljiisha aaji! ljiimashiaka ljiaji waaminalji paakami ljiaji panti. ⁶ Ljiaji aashia ljiemakao shomitsa nokodapii niite noomi aapada caokopeka paantirikoite. ⁷ Ljiikaite nosho: aashia ienipe, iikasho notrono kaljiaji ljiaji noipa ipoaljiiniini, noofaljiosha naapekoljiiko naaji nooyakaljieta naaji israel nai. Ljiaosha ljiaji naapana naaji israel kooriosha koankaolji naamakada waljeeta noipitanaa. ⁸ Korisha koankaolji naamakada waaljeeta ljiaji noipitana, koorinshaka ljiinako ljiajii poste. Iikamitsa naamakadawaljeeta ljiaji noipitana ljiisho ljiaji naanaitanda. ⁹ Ljiikananikana ljiaji naameepakaan niite naaji naapiipe naaji reyenai aakatsa niaji naine kaidaljiiwetsa. ¹⁰ Ljiiri ljiaji aashia, piasha iitaita iikaiteka nasho naaji israel nai naashokarosha kaapaimankana ljiima ljiaji naanaikiika. Naashotsa naawaopiaka mashia. ¹¹ Naashotsa kaapaimankana ljiima ljiaji naanaitalji, piikañata nasho ljiikaapakana ljiaji paanti, naaji paamotokawa niite peewakawaotsaka, piomi koanka ljiikapakana. Miitsa paanaya piidana ljiaji piomi naakapakaro nashokaro pio ljiaji ljiikapakana, paranikaro neepaka. ¹² Ikatsa Ljiaji ljiikaapakana: jaite aji ljiiwida niite ljiaji jiipana piomi ljiiwaida, iiktsa ljiiimashiaka. ¡Iikasha ajii! iikasha Ljiikapana ljiaji paanti. ¹³ Iikatsa ljiiwaljipaka ljiaji altar naawishoda codosho, ljiaji codos iikasha ljialipaka aapada codos. Ljiaji ljiekokaroka ljiiwaida ljiaji altar ljishoka aapada ljiitewakaka, ljiimakaiteka aapadashaka codos. Niite ljiaji ljiajlapii ljiaji iikawokoljii ljiiwaida naawishopa aapada palmo. Iikasha ljiitanda ljiaji altar. ¹⁴ Jaite aajii ljiinakoite ljiaji jiipai altar ljiialjipaka dos codos, ljiinakoite ljiaji alero ljialjipaka aapada codo ljiimakaiteka. ljiaji ljialjapi maakoite naawinii aapada codo ljiimakaitekasho ¹⁵ ljiaji tiiyewa aadaljiaji altar ljiikaoya ljiaji ofrenda ljiaji naamaitanda naawinii cuatro codo ljiiñeenoonka, niite cuatro ljiishowa iikañaota ñeenonshe ljiikaolje ljiaji tiiyewa. ¹⁶ ljiaji tiiyemwa naawinii doce codos de longitud niite doce codos ljiimakaiteka, aapada cuadrado. ¹⁷ ljiaji ljialjapi naawokaan catorce codos ljialjipakaa niiteshaka ljiimakaiteka catorce codos shaka piomi naaji cuatroema nasho pakoaka naawaljipaka, niite naaji ljialjapikaa naawina medio codo naakaiteka. ¹⁸ Niite ljiako nosho: Pia ashia iiri, ljiaji waminalji Dios ljiikaite kaiji : Iikatsa naamashietetapiaka ljiaji altar ljiadapia jaaledaoka naanaita kaoljiini, naakada kaaro ofrenda ljiaji namaitanda ljiinajo, naawitsietakaro iiranati ljiinako ¹⁹ Naapia aapana toro nainokaroni naapekadon iikaote naananikaron naaji sacerdotenai levitanai naanakoiteperi naaji sadoc, naashomitapia noa naajii iikishidatakapenoa, ²⁰ Niite pia piipa ljiaji iiranati niite piikadanii naakoami naji cuatro cuernos aaperiaji altar naako niite naaji cuatro ljialjapiikaa iikawokonaakoshooni. ²¹ Niite ljiaji neepanda toro naakadanda ofrenda wa peekado iikaoyanada mitsa naamaitani aaji ljiikaoyanadaljiriko aatsa aaji templo iikoodapi miitsa paadanalje ljioya ljiaji santuario . ²² Niite yaamadanako jaaljedaokanako naakada aapada cabro maopitadaljiitsa kaiji ofrendashonaapekadan iikaotedaljii; niite naji sacerdoteenai naakosho ljiaji altar kaiji nakoshokapisho ljiaji toro ²³ Naataitakayami naakoshoka, naakada aapada toro maopitanitsa niite apana carnero kooridaljitsaka kaopiitaa. ²⁴ Iiikada ljishon ljiaji iiminalji; niite naaji sacerdotenai naapeko ljiinako yukiira niite naakada ljisho ljiaji naaminalji. ²⁵ Ishotsa iimashietaka aapada cabro kaidaljiotsa ofrendasho iipekadon iikaote jaaljedaokaakoan siete jaaljedaoka, niite sacerdotenai naamasieta aapana toro maopiitanisha aapanashaka ljiaji carnero maopitadalji. ²⁶ Nashotsa naamashietakakao naokakaro altarshe siete jaaljedaoka naamashietakakaro, kaitsa nasho naanaitaka. ²⁷ Kaisha naasho naanaitaka, ocho jaaljedaoko naajii sacerdotenai iimashietaka ljiaji ofrenda naamaitanda anaji altarinako, nookoadataotsa mashiani, kaisha ljiikaiteka ljiaji Dios.