1 Liawali veinticinco jaamoli naraapiteta caadanacowa linitacadanaco jamoli diez caadanaco liaji queeri, catorce jamoli iapodan lnainocaoli liaji yacale, liawali acatsa wamanali nuanai, nite lideca nua nirse. 2 Notiirico Dios ideeca nua Israel jipaitenacole, loreetaca nua ienonrse awacadalico, sur nitecawa caidali icapacana pantinape jalipanipesho. 3 Nite liideca nua nirse. nini apee atsia, caica licapana broncesho. lipaa apaaca lino nite apewii jaico limedishopawa, nini liemacao yacale ipananoma. 4 Liaco norso liaji atsia: atsia irii, picaapa pitisho nite piimica pinacolicosho tsaca, piicadaa piocaolerico piomi liaji nocañatali picaapa, ima noodeca pia cayoleaji nocañatacaro piicapa liaji macapacanadali. nite picaite piomi liaji picali narso napji Israel ipaneta. 5 Nini coorrara idanatacaita liaji templo iemecawao. lipacatsa licapiriico jaicoapi limedishopao liaji atsia seis codo liaji nalipaca nacuana nini apaada codo nite apana jaicona jalipani caiji panti jalipanisho. 6 Nite limotucao iglesia ipananomale liecuete liaji este. nite liraawa yenorse liwicaro piomi liaji lipanaanoma, apaita metro tewacale caitsaca yenorse. 7 Nite namacarodape napji iwapacape apaitape metro caana liliipaca nite caitsaca limacaiteeca; nini cinco codos naaricoda napji yaamadade namacarodape, nite lipananomaite liaji iglesia apaitaca metro tewacalecani. 8 Caitsaca liwica apaita metro liaji lipananoma. 9 Liwica peewacawa pananoma. apaita metroca tewacalecani. nite nite napji marconape dos codos liaji namacaiteca. icatsa cai liaji lipananoma liaji pantinoma pewacarodalico. 10 Nini narso madalida namacarodao napji iwapacape tsomi pantinoma ioya pacaucaca liaji namacadalica nite caitsaca napji idanatacape naoyawacana 11 Nite liaji atsia liwica limacaiteca liaji pantinoma pewacawa, diez codos; nite liwica lilipaca liaji pantinoma pewacawa, trece codos. 12 Liwiica liaji idanatacaita napji nacodapiperi napji namacarodappe, paada codo liyenonca. nite napji namacarodape liwicana seis codos napacauacana. 13 Nite liwica lipananomana namacarodalico ipolicuite ate liocao paada namacarodalico tsaca. veiticinco codos, apada cuarto nite ate lioca apadanacole. 14 Nite liwica liaji idanatacaita napji namacarodape napji iwapacape sesenta codos lilipaca; jaalipaca liwican ate liocawa pantinomale. 15 Atsacana peema peewacawa ate lidananle liaji apawe pantinoma lirso cincuenta codos 16 Napji naventanan namacarodalicope tsoitepetsana nite atsaca pantinoma iwaolico, caitsaca napji nacorredorni; nite pantinomale tsaca. narso pia nacuana naventana apji panti iwawalico, namatisatacana pacuaca nacapana 17 Nite lideeca nua liaji ape atsia lipatio nacole liaji templo, picapa, nipia namacarodape, nite nacemetandaca matsia liaji molio. lirso treinta namacarodape matsia, 18 Pacuaca pantinoma inai linanaa liocacao liaji nacementacawa matsiani, nite caitsa limatsiaca liaji lilipaca. icatsa caipia namatsiaca matsiani. 19 Nite liaji atsai liwica licapao cuanica liaji limacaiteca peema pantinonomale ate liwawalicole, cien codos este nitecawa caitsa norte cawani 20 Nite liiwica liilipaca nite limacaacaiteca liaji pantinoma adaliaji padanete norte cawan. 21 Nini maadalida namacarodape naacoamitsa naapananoma, pacauaca tsaca liwiica liaji lipeena nite patinoma tsaca liaji pewacawa painita; cincuenta codos liaji liliipaca padenirii nite veiticinco codos limacaiteca. 22 Liiventanan, lipena, namacarodape nite malaamape pacauaca nalipana linai liaji pantinoma adali icapaaca oriente quemete siente caleraaca paracao paocacaro naicaole, nini nemacao napji napeenape. 23 Nini apawe liipananoma lidananrse licuemeete liaji apaawe pantinoma adaliaji oriente queemeten, nini tsaca apawe pantinoma este quemeten; nini liaji atsai liiwica llicapao apaita pantinoma nite ate liooca apaita pantinomale, cien codos liteecoca 24 Nite lideca nua liipananomale pewacaweete nite licorraran napiiya napji lipeenape pacuaca limedidan lioya liaji pantinoma padanaledali. 25 Ninitsa ventana mameco capetsao nite liemacarona caitsaca liaji lipananomaita. cincuenta codos liliipaca nite veinticinco codos limacaiteca. 26 Nini siete caledaradaape pantinoma yenonrse nite lienacaronape nite namatsietani malaamape nacuana napji liipena. 27 Nini tsaca apawe liipananoma molioquemeten nite ape atsai iwican pantinomete liocawa apawe pantinomalicole, cien codos lilipaca piomi. 28 Nite liaji atsia liideca nua mooliole pantinoma sur queemeten, pacuaca limediadan linai liaji apawe pntinoma, 29 Namacarodape, lidanape nite lipenape pacuaca napiya napji apaana pantinoma; nini ventena nacuana napji lipenape. liaji pantinoma liwawalicoli nite liomecarona namedicao cincuenta codos lilipaca nite veinticinco codos limacaiteca. 30 Nini tsaca nemacaronape nacuana nacuana napji pantinoma panti iwawalicope, veinticinco codos lilipaca nite cinco codos limacaiteca. 31 Napji liemacaronape nemacao molio naacole malaamape matsiape nañalishona nite parracao ocho caleradape. 32 Nite liaji atsia lideca nua moliorse liapowalico peema liwica lipananoma, pacuacatsa limedidan liapiya liaji apawe pantinoma. 33 Nmacarodape, lidanape, liemacarona pacucatsa limedidan liapiiya liaji apaita pantinoma, nacuana narso naventanani. liaji pantino panti iwawalicolerii liwiicani cincuenta codos lilipaca nite veiticinco codos limacaiteca. 34 Napji nemacaronape naocao molio icuemale, narso malamape nacuana nite ocho caleradape yenonrse. 35 Nite liaji atsia liideca nua pantinomale nortequemete ite liwiica nini; liwiica pacuaca napiya napji apaana pamtinoma. 36 Namacaroda, naadanape, nite liemacarona pacuacatsa liaji namedidan naapiya napji apana pantinoma, cincuenta codos liaji nemacarona lilipaca nite limacaitecana. 37 Napji liemacarona namutua ate moliorse; narso nacuana malamape nite ocho caleradape yenonrse. 38 Nini apaada pamacoroda; nite liaji lipananoma lirsoca lipenape. Nini nacotsoca napji naofrenda naamaitanipen. 39 Aji pewacawa pantinomalico nini yamaita mesas lemacao nite yamaita tsaca nacuemeete, nainocaronao piraiti namatsicana icaute. 40 Licuemte liaji nadaanape molioqueman, paracawa lipananomale norte quemeten, nini yamaita mesas. nite licuemetetsaca ninica yamaita tsaca mesas liemacarona pantinoma icodapi. 41 Nini cuatroita mesas nacoamitsa napji pantinoma; nainoca mawicali nanaco napji ocho mesas. 42 Ninica cuatro mesas jipadaitape nayuani narsowaleo napji ofrenda namaitani, apada codo medio lilipaca nite limacaiteca, apaita codo limacaite nite apaita codo yenorsecan. linaco nacada napji namaleyen nainoshopa napji ofrenda namaitani. 43 Nini nerocarona yamaca jalipacaipe napji malaamaca napanda nacapiricuiete liipocodanaco liaji panti yemacarona, nite liaji liipena naofrendanio liorsuaca mesa naaco. 44 Tsomitsa pantinoma liwawalicodali, molio pantinomaale, nini namacarodapeo napji icantacape. liaji apada namacaroda norte nirse cawalecan nite apaada sur queemeten. 45 Nite apada atsia icaite norso: picapa sur nirse narso walecan napji sacerdotenai idenicape templo riico. 46 Apaada nemacaroda norte nitecawa narsowaleo napji sacerdotenai idejicape altar riico. icatsa Sadok ienipeca napji iomacape ldejica waminali irso; naowacao Levi ienipe ipecolico. 47 v Nite dali liwica liaji molio cien codos lilipaca nite cien codos limacaiteca piomi, lirso altar lipananoma. 48 Nite liaji atsia lideca nua pantinomale liwica nacuana napji panti iemacaronape, cinco codos liaji limacanica pacuacape. nite liaji pewacawao catorce codos deca lilipaca ite napji liemacarona tres codos liaji namacaiteca pacuaca. 49 Veinte codos lilipaca liaji liemacarona, nite tewacale once codos. nini caleradape paracarona nirse napji lipeena nemacao nacuana licodapi.