¹ Panaya pia atsia irii, pinoparotaca Gog naaco picaite lirso: cai Waminali Dios icaite pirso: picapa, nuemaca picuete Gog, Mesec iminali nite Tubal. ² Ima noniwanacaotsa pia nite nanicaotsa pinai, nonicuetaotsa pia norte tecuiite nodecaro jipanaco Israal nirse ³ Nite notawatsa picapiricuite inaruema liaji piyawitashopa nacadacaotsa liwacao picacapi atsiamete ⁴ Licaotsa mayaami wacadanlico Israael jipaitenaco, pia piomi napiiya napji pitsoludautenai. nocaotsa wipiaro yenipeapape nite mawicali awacadalicope piñao. ⁵ Piwacaotsao mayaan awacadaitanaco, ima caica nocaiteca, cai liaco liaji Waminali Dios. ⁶ Nite dali nomecaotsa tiiye Magog naaco piomi napiiya napji iowacape imawadaca uni inomapi nite nanicaotsa nuaca liaji iminaliti . ⁷ Nite nocadacaotsa caatinaca liaji noipitana Santo dali norso napji nanaiquite Israel riicope, curin watsa cuamcaolica namacuadata liaji noipitana Santo dali; piomi napji jaledauca riicope naanica nuaca liaji Waminali Santo Israel dali. ⁸ Icapa, tsomitsa liocacarua linana cai liaco waminali. ⁹ Napji iowacape yacale Israel riico namotuatsao napacaaro nainucashopa nite naquerataca tiiye namaitaacaro nadatacashopa tsoite nite macaite. nayawitashopa, mazos, nite liaji lanzas; naquerataotsa tiiye siete jamoli. ¹⁰ Curin naniwaca jaicodape awacadalico curin tsaca nayuaca jaiconape wacadalico, namaitacaotsa nainuacashopa; natacaotsa padanale napji iomacapen jitaca ipecona, nañaitocaotsa napji iomacapen iñaitocana, cai liaco liaji Waminali Dios ¹¹ Nite watsa liawali nocadacaotsa apawe Gog iofacarodawa, irriapi Israel riico, apada wacadada narso napji idenicape uni macapan riico, curicaro nataita nayaapacan napji iomacape iyapaco mataitacana. nini nadawacaotsa liaji Gog piomi napiiya linaiquite. nacadacaotsa lipitanao awacada Hamon Gog. ¹² Siete querii watsa Israel ipananeta tewacalecan litaotacaro lidiaca limatsietacao. ¹³ Ima piomi napji inauiquinai jipai nacope nadawacaotsana; liawaliotsa jaledauca nawaopia cadalitsa nacadanaco norso matsaidali. caica licaite liaji waminali. ¹⁴ Nite namenaca apada ashia liacaro caidalitsa piomi jipainaco, lioquetacaro napji yacape inipolico, ima wadeca mayamicana nite liaji lidaqui lioruaca jiparico, nadawacaroni litaitaco liataitacoro matsiaca jliaji jaledauca, siete querii iapodan, nainitaca naomacana. ¹⁵ Caicadanaco napji atsianai naayapacao jipai inaaco, nacaapaca inaqui iñapiten, nacaadaca linanawa, naanicaruatsa queracani napji inoocape idaawana apji awacadalico Hermon Gog, ¹⁶ Nini watsa apaawe yacale lipitana Hamona. caiwatsa namatsietaca liaji jipai. ¹⁷ Paanaya pia, atsia irii, caica licaiteca Waminali Dios: picaite narso piomi napji wipiaruapape narsotsaca napji mawicalinape awacadaaita, iwaqutacao. inoena iwaquetacao licodapi liaji jirapitacada icaote ima icatsa nanaitalica irso, norapitaa icaute Israel iwacadanlico, itaicaro iñaca nite iraaca iranati. ¹⁸ Iñacaotsa nepeena napji caidaaperi nite iracaotsa nairaana napji principenai jeledaucalicope; nawatsa napji Carneros, ovejas, cabras, toros tsaca, quepecaotsa piomina Basan riico. ¹⁹ Nite naiña watsa liiti aima ate quepinacana; nairaotsa iranati jorsedali ate nadewanaca; icatsa liaji mawicalina noinoli watsa irso. ²⁰ Quepinaa caotsa jia nomesan naaco naapiya napji caballos, carrodape, caidaperii, piominapiya napji atsai inuacacapee, cai liaco liaji waminali Dios. ²¹ Noocada watsa norso nomatsiaca napji apana inaiquii, piomi watsa napji jaledauca riicope nacapaotsa liaji nonaitali narso nocapisho. ²² Napji Israel ipaneta nanii caotsa nuaaca liaji Iminali Dios liawali nite caidaliwetsa. ²³ Napji apana inaiqui nanii watsa nadeca Israel ipaneta namatsicana icaote, lima liaji nacashatetacapua nua, nini watsa nodawaca nuecua naooya nocadacaarona napondape irso nainocarona matsetashona piomi. ²⁴ Noonaitaca narso caiji nanaitacapisho namatsicanawa nini nodawaca nueca naoyaa. ²⁵ Nini Waminali Dios icaiteca: paanaya noditacaotsa napji Jacob iricocaa nite nodia watsa quenaa nocapaca Israel irso. ima Santo dalica liaji noipitana. ²⁶ Nite capaiman watsa naicao licaute liaji nanaitali matsi nocuete, namawadaca caotsa naowacadanaco napalico namadaca, ima curin watsa cooca ifietacana. ²⁷ Nodietacaoli watsana apaana yacale ioya nite nocadaotsana napondape jipaitenaacona, nini watsa nocañatacacao nacapa napji aimadan inaiqui nacapacaro nuaca liaji Santo dali. ²⁸ Nini watsa naanica nuaaca wamainali Dios, liawali nocadawerii cuatsa jia apana inaiqui ipecolico, nite nopieta caotsa nowaqueta tsenaca jia. cuurin watsa apada noomacaca napecolico. ²⁹ Curin watsa nodawacaa nuecua naooya ima nomenaca watsa noespiritun Israel ipaneta irso, cai liaco wamainali Dios.