¹ Waminali Dios iaaco inoca noicaole, liaco: ² Atsia irii, picaada piecoa liinaco liaji Gog, lipaite liaji Magog, Mesec iprincipen nite liatsaca Tubal; pinoparota licueete. ³ Piicaite Waminali Dios icaite caiji: icapa, nuaca yeemaca picueete, Gog, Mesec iprincipen nite tubal. ⁴ Caitsa nodieta watsa pia nite nocadaotsa epoii pinomalico; piomi napiiya napji piitsolodaute, caballos naitsaca nite Jinete, piomi netacaacao nainoacacaro daaperico naapiya napji aimadan naquitsiñape narso nadanatacashopao macaite nite tsoite tsaaca, naacoana naapaca naamatsenan. ⁵ Persia, Cus nite Libia naaca iemaca naquitsiñapewa nacuana narsoca naacoana nadanatacashopa . ⁶ Gomer nite piomi litsoludautenai, Bet Togarma nai teecoite norte peeri nite litsoludaunai, aimadali pinaica yacale. ⁷ Imatsieetacawa! ajadali piimatsietacawa pia nite piwaqueta piomi napji pitsoludaute piomi napji naminanai. ⁸ Ima icatsa pia liwanadaca aima jaledauca jiapodan nite aima jamoli jiapodan ima piacaotsa paada jiapainaco notanda matseta ioya nite noniwanda aimadan yacale ipecolicuite, noniwanda Israel iwacadanlicuite liapi liaji awacada namacanda, nini noniwanacani napecolicuite napji apana yacale, naofacaruatsa piomi liriicoda. ⁹ Nini watsa piracao caiji cafainadalisho; caiwatsa pia iyadaucasho nite piomi napji pitsoludaunai neemacaotsa pinai padeniiri. ¹⁰ Cai Waminali Dios icaite: liawaliotsa jeledauca apaada iacoti matsidali inuatsa picaolerico. ¹¹ Nite picaiteotsa: nonicoatsa nuemawa jipai icuemawa; nite nowacaro nainai napji inaiqui mapadalecaperi, imawadacape iofacao, ima naofacao namawadaca napanalico mapananadali. ¹² Nopacaotsa napji nananidape, notaitacaro noreetaca nocaapii nacuema napji yacale namatsiquetanpen ima ninica naofacao napji apana inaiqui, nite nacuemawa napji yacale iwaquetacacapeo apaana yacale iapiya, ima naomaca naaca yaniica vacanaco piomi inanitinaco naofacao payua jipai. ¹³ Saba liatsaca Dedan, nite piomi napji riiconai Tarsis riicope, naapiiya piomi napji nayenpetitee caaidaperi, nacaiteotsa pirso: ¿pinoca piñaito? ¿piwaquetaca pitsolodainai piidecaro napji wanaidape, piide wapalatan nite wawirrote, nite vaca tsaca piomi napji waricooca piganacaaro aimadali? ¹⁴ Nini panaaya, pinooparotaca, atsai irii, nite piccaite Gog irso: cai Waminali Dios icaiteca: liada jaledauca, limawadacacadana cuenaotsa liowacao noyacale Israel, ¿curin watsa pianica? ¹⁵ Pinowatsa tecuite piowali norte quemeete naapiya napji pitsolodaute, nacuana nanicao caballos naaco pitsoludaute aimadan. ¹⁶ Piinoacaotsa nonaiquite Israel iapiya caiji iyaadauca cadaucalisho. liawali jaledauca nodewatsa picuete nopaite, nanicaro noa napji apana yacale nocañatacacadanacua linacuete liaji nowananda, oh pia Goo, nacaaro matsiadali norso piiti icapa. ¹⁷ Waminali Dios icaite: ¿caapa piaca nocaiterii inacopia linomalicuite liaji norsodalipiaa, inoparotacape Israel riicope, napji inoparotacapepia liawalipia jaledauca, nodecaotsa apee naicaole? ¹⁸ Ima liocaotsa liawali jaledauca Gog inuacaca Israel iapiya, icatsa licaiterica liaji Waminali Dios, noirua jiraotsa nacuete. ¹⁹ Ima caacoca nua iruatilico, nocaiteca liawaliotsa canacaotsa jipai Israel riico ²⁰ Jorsedali watsa naateetecawa naacapacadanaco noa, natsaca coope uni macapawan riicope nite wipiaruapape, natsaca maficalinape wacadalicope, piomi napji jiracacapewa jipairico nite piominapji iowacape jaledaucarico. nawacaotsao napji jipana piomi napji wacadapi querequena nawacao piomi icatsa yamicani. ²¹ Nowaqueta watsa matseta noinoacashopa licuemawa piomi wacadalico, cai liaco Waminali Dios, nemacaotsa nacuemawaca namatsetan iapiya. ²² Nite watsa, noocadaca narapita jipoati sho, iiranati tsaca; iyaadansho jipadadashodali; nite mainia jamuanai iwacao naco napiya napji sholodaunai nite piomi yacaleta linaiperi. ²³ Ima nocañatacaotsa nomatsiaca nocadacaotsa nacapacaro natiisho nua napji aimadan yacale, nanicaro nuaca Iminaliti.