¹ Licada liicapi nonaco jliaji Waminajli, liaca norso liespíritun jliaji waminali nite licadaca nua pamuyuapao awacada; nini cawaa aimadali iñapin. ² Nite licaada noyapao pamoyuapao narso, nadanamite. Nini aimadancana apji wacadalico mitsa metecana ³ Liaco norso: atsia yenipe ¿capanta cawitsenaca napieta napji iñapin? nini nuaco: Waminali Dios, icamitsa yanicaitaca pia. ⁴ Nite liaco norso, pinoparota nanaaco napji iñapi nite picaite: iñapi meetaperin. jiimi liaco waminali Dios. ⁵ Liaco WaminaliDios naapji iiñapin: jia queyenatsa nocadaacaro ccaafi tsenaca jia. ⁶ Nocada jidawaa tsenaca nite nocada watsa icuana ipeewa. nite nocaada watsa idaqui iyaao nite nocadacaotsa jirraca icaolewa itaitacaro cawipwrica jia. Nite watsa yaniica nuaca jliaji iminali. ⁷ Nini nonoparotaca caiji nanacaji nua; nonoparotacada nacotua , liino nuicaole jliaji quemadali caananica, nini natsomitacacao napji iñapi, naruacaca nanacowaca. ⁸ Nini nocapaca, jidatati inoca naicaole nite quepecana nite cayapacaquena liaji nadaqui, mitsa curitua naraca nacaolewa. ⁹ Nite liaji waminali liaco: pinoparota caficarona, pinoparota, atsia irii nite picaite jlirso liaji cafidali: liaco Waminali Dios: Cafidali, piino nanacuite napji cuatrodan caolii picafietacaro napji mayanperin, nanicoca ruenao mayamicali ioya caficaruenana. ¹⁰ Nini nonoparotaca caiji pimenacacani nua; icamitsa cafiquenana nite nanicocao nemawa, napji tsolodaunai josredan. ¹¹ Nite liaco norso liaji Waminali: atsia iriipia, napji iñapin icatsa piomi Israel ipanetaca. ima, nacaitaca caiji: oopi meetaca wañapite nite curin nowadaca wapietaca wacapacao, ima oopi nayuacapequena fa. ¹² Nini, pinoparotaca nite picaite: liaco waminali Dios picapa, nomecocaotsa liaji iririapi noomotoetacaroona, ima noyacaletacana. nite nodietaotsa jia Israel riicole ¹³ Nite watsa pianiica nuaca liaji iminali, nomecocadanaco iririapi noretacaro jia mayamicali ioya, noyacleta. ¹⁴ Nite nocaaada watsa irso noespiritun liofacaro cafiperi caidaliwetsa, nocadawatsa imawadaca jipaitenaco, yanicadanacuena watsa nuaca liaji iminali. nonaitaca caiji nocaitecapisho cai liaco Waminali. ¹⁵ Nite waminali iaco inoca noicaole, licaite: ¹⁶ Nini panaaya atsia irii, piipaca apeefi jaicofi nite pidanaca linaco, Juda irsowaleo nite liaji yacale Israel tsaca, piomi naquitsiñape iapiya. nini pipa apefi jaicuapi nite pidanaca liinaco, Jose irsowaleo, Efrain iquina, piomi Israel irso waleo nite narso waleo piomi napji liquitsiñape. ¹⁷ Pidena apaapiatsana piomi apana jaiconaco, nacadacoro nacaolewa picapiirico. ¹⁸ Caacocadanaco napji pinaiquite nacaite: ¿ corin wanica cuamishopaca paderii liaji? ¹⁹ Nini picaite Waminali Dios icaite icapa, noretaca liquinacoda imotua liaji Jose, Efrain icapricuite nite Israel inaiquite piomo liquitsiñape narocarowa Juda iquinaco, nataitacaro narocawa apanaquinacotsa, nacadacaro nacaoleo mayacan nonaco. ²⁰ Pipaca picapirico liaji jaicona pidanandanaco piiti icapa. ²¹ Picaite, cai liacaiteca liaji waminali Dios: icapa, noa icamina nopaca liaji yacale Israel naooya napji apana jipai napecopiali riicolen. nowaquetacaotsa nodietacarona napaitenacole tsenaca. ²² Nuacaro narso apafe yacale, Israel ijipananaco, ninitsa apaada italicanati italicanatacaita piomi inaco, curin watsa paitapenaca iofacao, apadaquetsaotsa italicana. ²³ nite watsa curin iofacawa imatsicananaco nacayosho napji idolonai camatsicanaperi. ima nomanacotacaotsa jia piomi lioya liaji inaitanda matsidali. nite noatacaotsa jia noiranasho, nonaiquite caruenaotsa jia nite noa watsa Iminali Dios. ²⁴ David norsodali liawatsa italicanata nanaaco. nini watsa apadatsa liaji iwapacaitana nite naniwatsao cai nocaitecapisho nadacaotsa noaco iofacao nanaco. ²⁵ Naowcaotsao linaco liaji jipai noanda lirso norsodali Jacob, nanirinai iowalipia iricoda. Naocaitsa nini caidaliwetsa, napiya napji neenipe, nite nadaquenai, ima liaji norsodali Davida icatsa naminaliwa caidaliwetsa. ²⁶ Nocaada narso apada iacoti metamidali pemica. yacooti mañacadaliwetsa. nocadacani nite nomaitacacaotsani, nite nocadaca narso noyacale Santo dali caidaliwetsa. ²⁷ Naofacaotsao nocarodalico. nua watsa naa Diotee nite nonaiquitecaotsana. ²⁸ Nite watsa apaana inaiqui yanica nuaca liaji naminali jienitacaita liaji Israel, liawali nowacaroda Santo dali awericuena nainai caideliwetsa.