¹ Nite, ljiaji aashia ljiidekanoa aapafe mashiakawa temploriiko naawinaaji paantin omaa iimarkona seis codos peema niite kaisha ljiaji peemo. ² Ljiimaite ljiaji pantiinoma pewakawa ljisho diez codos, nite ljiaji pared ljisho cinco codos ljialjipaka nite, ljiaji ashia ljiwika ljimakaiteka ljiofakawa ljiaji mashiadalji, ljialipaka cuarenta codos nite veinte codos ljimakaiteka. ³ Nite, ljiaji ashia ljiewakao shodaljirikosha ljiofakuwa ljiaji mashiadalji ljimakaiteka ljiaji ljimarkana ljiaji pantinoma pewakawao, dos codos, mitsa ljiaji pewakawa ljiaji pantinoma ljisho seis codos ljimakaiteka. Nakoami naji pared nashoka siete codos ljimaiaiteka. ⁴ Mitsa, ljiwi ljialji paka ljiaji pawalje, veinte codos. Mitsa ljimakaiteka, veinte codos ljinakaite ljiaji salón ljiyada ljiaji templo. Nite ljikaite, nasho: Ikatsa ljiaji apawalje ljiofakawa ljiaji mashiadalji. ⁵ Mitsa ljiaji ashia ljiwi ljiaji ljiparednai ljiaji panti, lishopia seis codos. Mitsa nakoami naji ljitonifipe naji cuatro nawipiana cuatro codos lljimakaiteka. ⁶ Nipia naji ljitonifipe nakoami nashoka na cuatroni madaljida naoyawaka, apada cuatro ljishopa apada cuatro aji ljiwawaljiko, treinta cuartos nakoami naji cuartodape. Nini pia naji idanatakape nawaida naji panti, nakitsindata karo naji cuarto, naji apana koorin nashoko ljiaji ikishindatakaope ljiaji pared. ⁷ Mitsa, naji cuarto namakaitetakano kailje aji ñenonshe aji ljiwaidalji kooperri, kaitsa ljirakao ljiaji panti, nite ljiaji escalera ljirashakao ñenonshepa; namakaitetaka ljiaji cuarto mitsa ljiaji panti nereta katsan, nite ljiaji escalera neretashaka pakoakashaka ljialjipaka uinai. ⁸ Mitsa nokapa apada neretaka apada panti ljiwaida, naji ljitanda apema; pamoyoa ljiaji vara ljialjipaka, seis codos. ⁹ Namakaiteka naji pared nayada naji cuarto padanaljeperi naljipaka cinco codos padanalje nini apafe jaljamidaljitsa adaljiaji ljirikoda ljiaji cuarto santuario iyada. ¹⁰ Pemalje ljiaji jaljiakawa ikatsa naji cuarto padanalje peri nayada naji sacerdotenai, ljiawalje ljiaji ljishoka apafe jaljamikawa ljiofakawa ljiaji sacerdote, ljiawalje ljiaji ljishoka veinte codos ljimakaiteka ljiwaida ljiaji santuario. ¹¹ Ninpiashaka pantinoma naikaolje naji cuartos lljitonifiperri, apafe pewakawao jaitema aji norte ma nite, nite ashakaji sur nitekema. Nite ljimakaiteka ljiaji jaljamite ljisho cinco codos piomi ljialjapi. ¹² Ljiaji pantinami ljikapalji aji patioljikolje ljiema ljiaji oeste ljisho setenta codos ljimakaiteka. Naji ljiparena namakaiteka cinco codos piomi ljiwaida, ljisho noventa codos ljialjipaka. ¹³ Mitsa, ljiaji ashia ljiwi ljiaji santuario, ljialjipaka cien codos, ljiaji pantinan tekooljedaljipasa iemao, ljiparete, ljiaji lipationi. ¹⁴ Ljiekoete ljiaji santuario ljishotsaka cien codos. ¹⁵ NItsa, ljiaji ashia ljiwika ljialjipaka ljiaji pantidami ljidanitete ljiaji santuario, jaite aji oete, pemete peyapakawao, cien codos. Aji panti muashiadalji iofakawa ljikopiaran. ¹⁶ Ljiaji paredes ljiwawaljikoda nite natsaka naji ventanas, nasha naji ventana aperiaji inaroema, natsaka naji peyapakaroda aperiaji ljiwaida jaikashoperri. ¹⁷ Aji pewakafete ljikaolje kema ljiaji santuario iwawaljiko ikasha jienitalji ljioyawaka ljiaji pared. ¹⁸ Naje pakapalji nini naji querubines naji jaikoshaka, nakoami naji querubin nashoka apanape jaiko, nakoami naji querubinnai nashoka yamema nekoa: ¹⁹ Ljiekoa apada ashia ljikapa ljikaolje ljiaji apana jaiko, nite ljiekoa ljiaji león yepetinatoa ljikapa ljikaolje ljiaji jaiko maaljapena. Nasha ashanaji ljiwaida ljiaji panti. ²⁰ Jipainakoite ate yenonite jipai isho, naji querubinenai nite naji jaiko maljapenashodalji asha nemakao shomitsa panti iuya. ²¹ Mitsa naji ljitopire aji pewakawao aji lugar santo nasha cuadradonapekana, nashoka nakapakana ²² naji newakafete nini pemakawa nanaitand jaikasho, nawikani tres codos ljialjipaka nite dos codos ljimakaiteka pema nite kaishaka ljiaji pema. NIte naji ljitopire, naji ljitandas nanaitana jaikosho. Mitsa, ljiaji ashia ljikaite nosho: "Ikasha ljiajimesaka ljiaji wakadalji ljisho ljiaji Waminalji. ²³ Ninipia yamafe pantinoma ljikaoljema ljiaji ljiofo koroda ljiaji mashiadalji. ²⁴ Ljiaji pantinoma ljisho yamaitape bisagra, nakoamisha. ²⁵ Ljipanonoma ljiaji ljiofakawa ljiaji mashiada, nisha naji querubines nintsaka jaiko maljanape nasho namashietaka ljikapakanaka, nintsaka apadapana ljitape jaikoma. ²⁶ Ljishotsaka ventana inaroema natsaka naji maljapenape pema nite pema aji ljiko piarankema. Ikasha naji ljiofakarodape shomitsa ljioya ljiaji panti, nite ljishotsaka ljitape imotokaperli.