¹ Nite jliyapacao doce querri nite doce jamojli, jinitacawao jliaji querri, caacoca Waminajli norso, jlicaiteca: ² Atsia yenipe, coyojle pia jlinaco jliaji Faraon, itajlicanati Egipto dajli; picaite jlirso; caica piaji Leon tsonisho napecojlico napji apana jipai, mitsa caica piaji mawicajli caidanisho uuni macapawanjlico; marejansho picadaca jliaji uuni pipasho. ³ Cai Waminajli Dios iaco: nopecuatsa pinaco nomayani papocowerico napji jorsedan yacajle, nite norreta caotsa pia nomayan riico. ⁴ Nomaca cacotsa pia jipainaco. nite nopecocaotsa wacadajlicojle pia nairocuatsa naofa pinaco napji wipiarruapape; catimaotsa piomi napji maficajli iofacape jipai naco. ⁵ Ima nocada coatsa piipe jipananaco, nite nopacamita caotsa pidaquin pacaami acorosho. ⁶ Nite nocadacaotsa pirana yarocao jipananaco, nite pacamicaotsa irranatisho napji uunipaojcape ⁷ Nite, nocadacaotsa pipocotao, cadauca caotsa eeno nite jiwirida tsaca; noitacaotsa iyadaocasho jliaji jerri, curim watsa pacapaca camarrai. ⁸ Piomi napji camarrai eenonacope cadaoca caotsa picaojlena, nodacaotsa cadauca jliaji jajledauca, icatsa jliacaiterrica jliaji Waminajli Dios. ⁹ Nini watsa nocadaca natacaro nacaojlewa jorsedajli napji yacajle jipanacope curipe yaniica, nodecada nacuatsa matsiri pacuaca nainai napji apana jipai curipe pianica. ¹⁰ Nocada caotsa jorsedajli yacajle ifiocao jlima jliaji cuamica piyapacao; nafiocaotsao napji itajlicanatinai namicadanaco nomatsetani yaacona. nacuana watsa natetecao, jliwajli nawayacacao. ¹¹ Wamnajli Dios icaite caiji: Jlimatsetan inocaotsa picaojle jliaji itajlicanati Babilonia dajli. ¹² Nocada caotsa pinaiquite aimadan jiwao namatsetanaco napji owinai caidaperi jipai icuan nafiocao. nacadacaotsa midajlica napadajleca napji Egipto nai nite nawayaqueta caotsa napji aimadan. ¹³ Ima nowayaque tacaotsa napji ivacani uuni inomapi; curi watsa jlipa ipietaca icamoria uunisho jliaji atsia, curitsaca jlica jliaji namayani. ¹⁴ Nite nua nocadacotsa mananica jliaji uuni nite nocadacotsa uuni yarocao mateeca yarocaniwa, Cai jliaco Waminajli Dios. ¹⁵ Nocada cadanacuenaotsa Egipto jipaite maminajlinani, curi watsa cooca pacapajli jipai naco, nuinocadanaco piomi inaiqui yofacape nini, nani watsa nuaca jliaji Iminajli Dios. ¹⁶ Nini watsa coyojlecali; coyojlewatsa nanaaco napji apana jipai nacope itonaipe, coyojlewatsa Egipto nacona, piomi nanaco napji aimadan coyojlecaotsana, cai Waminajli Dios iaco. ¹⁷ Caica jliyapacao doce jamojlica danacon, quince caadanaco jliaji querri, icatsa waminajli iaco inoca noicaojle jlicaiteca: ¹⁸ Atsia yenipe, piiya nanaco napji aimadan Egipto riicope nite pideca tewacajleno, rsua nite nanaitonaipe napji jipainacope macapipe, jipai tewacajle nainai napji yorococape iririco tewacajle. ¹⁹ ¿Ima piaca rsuaji matsiadaro piomi ioya? piacao tewacajle pimaca nainai napji mepacaperin. ²⁰ Mayami caotsana pacuaca nainai napji mayanperin matsetasho. ima matseta imotucao! nouca jliaji Egipto matseta icapirico; nawatsa jipacani napiya jlinaiquite aimadan. ²¹ Napji atsianai caidaperipa nacaiteotsa Egipto naco nite pacuacaperi napiiya: picapa cuamicana, naofaca nainai napji mepacaperi, napji mayanperin matsetasho. ²² Nini watsa jliaji Asiria piomi jlinaiquite yapiya. tsomitsaotsa jlioya iririapi; piomi mayamicana matsetasho. ²³ Tsomitsa narona jlioya jliaji nadawacaroda mayanperin, piomi jlinaiquite yapiya. pacamica iririsho narso napji mayanperin, mayanperin matsetasho, napji ifietetacapen napji yofacape jipainaco. ²⁴ Nini tsaca napji Elam inaiquite aimadan. mayamica piomina. napji nainonin matsetasho. napji yorococapen mepaca danacotuana tewacajle jipai, nacadaca ima nafietetaca josredajli naofacawa jipainaco napji jirracape icaojlewa nite yanicape capaimana, nainai napji yorococape iririjlico. ²⁵ Nanaitaca apaita cama Elam irsowajlleo narso piomi napji jlinaiquite nauruacarro nainonin inai; nini tsomitsa nacodapi iririapi. piomi mepacapericana, matseta iyuanica, ima nadenica jliaji namatsicana napaitenacojle napji cawiperi. nini nanica napaiman yapiiya, pacuaca nainai napji yorococape iririco naine napji mayanperin. Elam nainai napji nainonipen matsetasho. ²⁶ Mesec, Tubal, nite piomi napji inaiqui imaimaca niniperri, nini jliaji iririapi naicaoyanape. piomi mepacapericana, mayamipen matsetasho, ima aimadajli nafietetaca napji jipainacope naufacawa iracape icaojlewa. ²⁷ Curim naoruacao nainai napji tsojludanai caidaperi jiwacape nainai napji mamatsicanape yofacape mayaperin yofacarodajlico namocawan yapiya, namatsetan nawida yapite namatsicana nayapitenaco. ima nafionipiaca nacapa. ²⁸ Nini pia, Egipto, pocomicaotsa pia napecojlico napji mepacaperin, piosruacaotsa nainai napji notodani namatsetansho. ²⁹ Edom jliofacao jlitalicanate inai nite piomi napiya napji caconaperi. Ima nacadaca matsirico nainai napji mayamiperin matsetasho. naorsuaca mepacaperin inai, nainai napji mayanperin. ³⁰ Napji principenai jerri jiewacawaperri curim naofaca nini, piomi napji sidonios mayanperin matsetasho. caconaperipiacana nacadatsaca apana ifiocawa, mitsa panaya capaimanca naicao, napji mepacaperi, ima nainocana masetasho. nanicao napaiman yapiya. napiya napji mayanperin matsetasho. ³¹ Faraon icapaotsa nite nacatimata cataotsa nacapacaro napji inaiqui aimadan nainonin matsetasho, Farao nite jlitsodaute yapiya, icatsa jlicaterica jliaji WaminajliDios. ³² Nocadaca jlimotua ifietetacaopena jajledaucalico, mitsa jliacaotsa nainai napji mepacaperin, napiya napji nainonin matsetasho, Faraon napiya napji jorsedan jlinaiquite, cai jlicaiteca jliaji Waminajli Dios.