¹ Nite waminajli iaco inoca nuicaojle , jliaco norso: ² Atsia yenipe, picaite piyacajleta irso caiji; nodecadana coatsa matseta jlicaotsa jliaji coamidajli jipai, nite jiaji yacajle jliricodadajli jipai jlipaotsa apada atsia nainadajlitsa nite jlicadacaotsani iwapacaopena. ³ Jlicapaotsa matseta jlinocadanaco jipai naco, jlipia caotsa jlitronpetan namicarroni. ⁴ Namicada jliaji jlitronpetan napji anaiqui, curim cadeca naoma namica jlirsi, jlinacaotsa jliaji matseta jlinocarrona, nite jliaji nairrana nawidanacocani. ⁵ Apada jimicada jlitronpetan irso nite curim cuadaoca jlirsoni, jlirranatsaotsa jiwaca jlinaco; mitsa jlimicadani, manacocaotsani. ⁶ Mitsa, jiaji iwapacada jlicapacada jlino jlicaojle jliaji matseta, mitsa curim cadeca jlipiaca jliaji tronpeta, namawada cacadano napji naiqui, nite jlinocandan jliaji matseta jlinocaotsa coandajlicatsa, nini watsa mayamicana namatsicanarico, mitsa notatacaotsa nairrananaco jlinai jliaji iwapacadana. ⁷ Panaya, pia, atsia yenipe! nacadaca pia iwapacaope Israel ipananeta; pimica cuamica noaco imotoca nonomajlicuite nite picateca narso cuamishopaca. ⁸ Nocaitecada apada irso pia matsidajlin, mayancaotsa pia, mitsa picaitecada jlirso matsicaica inipo jlianiririco, miitsa mayacada jlimatsicanajlicon, curicadeca watsa pia irsojliotsa matsijli. ⁹ Mitsa pia, picaitecada jlinaconi jliaji inipo matsicai jlianiririco, pinaca jlimacacani, mitsa curicadadeca jlidiaca jlioya, mayamicaotsani jlimatsicanarico, mitsa curimwatsa piaca irso masticajli, nite manaco caotsa pia. ¹⁰ Nini pia, atsia yenipe, picaite Israel ipaneta irso caiji: jliaji fanaitajli nite piomi jliaji wamatsicana, jorsedajli wamatsicacao jliricoda ¿cuaninta wataita caficawa? ¹¹ Picaite narso: cawidalica nua, icatsa jlicaiterica jliaji Waminajli Dios, metaamica nocapa napji mayanperin namatsicananaco mitsa jlicadaca jlicaojle nonaco jliaji camatsicanadajli, manacocaotsani! coyojle piwadaca pimatsicana! ima ¿cuadanta mayamica pia, ah Israel ipaneta? ¹² Nini panaya pia, atsia yenipe, caaco pia yacjle irso: curim apada imatsiaca icaoteca nacocan jlimatsicana ioya, mitsa camatsi canacada apada nite jlienitacacada jlioya jliaji jlimatsicana curim watsa jliñacao! ima jliaji jinaitaca matsia curim manacocani jlinaitacada capecadon dajlicadanni. ¹³ Nocaitecada jlirso jliaji jinaitacada matsia: opina manacoca pia, jliwadaotsa matsiaquenani. mitsa mayamicaotsani jlima jliaji jlimatsicana. ¹⁴ Nini, nocaiteca jlirso jliaji camatsi canadajli: mayamicaotsa pia, mitsa jlimacacada piomi jlimatsicana nite jlinaitaca matsia Dios icapa. ¹⁵ Cuaminta jliaji cañaitedajlin jlidietaca piomi napji jliñaitoni, nite jlianicantawa caniquedajlisho jlicadaca yacoti yofaca jlinaco, curim jlinaitaca matsi, nini watsa manacocani. curiminta mayamican jlimatsicana icaote. ¹⁶ Curim watsa jlliwao piaquetsa cuamipiaca jlianicao inipo matsicairico. icamitsa matsiaca jlinaitaca nini manaco caotsani jlipecadon ioya. ¹⁷ Mitsa pia yacajle picaiteca: curim matsiadajli jliaji Dios yapowa, mitsa piaca jliaji curim matsiaca. ¹⁸ Mitsa apada jinaitacada matsia nite curim quetsa jliofaca jlinaco jlienitacacao jlioya, camitsa jlinaitaca matsi, jliñacaotsa nooya. ¹⁹ Mitsa jliaji camatsi canadajlin jlimacacada jlioyawa jliaji jlimatsicana nite jlinaita matsia manaco caotsani jlinaitanda icaote. ²⁰ Icamitsa icaiteca: curim matsiadajli jliaji Dios yapowa, natatacaotsa nainai jlipuana, jia Isarael ipaneta. ²¹ Jliawali doce cadanacuena jamojli, farapitaca aimadajli cinco cadanaco jliaji querri, apada ipotocadan Jerusalen ricuite inoca nicaojle nite jliaco: oopi napaca jliaji yacajle. ²² Nite jlicapi jliaji waminajli acatsaniaji noinai jlipeyatua jlinoca nuicaojle jliaji ipitucadawa, nini jajlacatsa nonoma, papapienirri tewayojle; nite curitsa macodajlinca nua. ²³ Nite Waminajli iaco inotsena nuicaojle, jliaco: ²⁴ Atsia yenipe, napji yofacape maminajli nacawa Israel jipaitenaco nanica nacaitepe: apadanajlipiaca jliaji Abraham, mitsa pacuacatsa jlirsoca jlipaite, nite dajlifa jursedan wamaima, nini wayadaca jliaji jipai ²⁵ Nini picaiteca: Waminajli Dios icaite: irraca jliaji iranati nite icapaca idiote irso, nite dajli yaroca inaiqui irrana. ¿capanta itaitaca yofacao jlinaco jliaji jipai matsiadajli? ²⁶ Ima jia icadaca icaojlewa imatsetan naco nite jinaita cuami catsa yomaaca; napji astainai nanaitaca matsi naquitsainda iino irso. ¿capanta itaitaca yofacao jipai matsaidajli naco? ²⁷ Picaiteotsa narso caiji: Waminjli Dios icaite: cafidajlica nua, panaya nocaiteca jia napji yofacape manajlinacawan mayamicaotsana matseshona, nite nocada caotsa naiñawana napji mawicajlinai wacadajlicope, nite napji idawacacapeo jipada ipecojlico nocada caotsa mayamina jipuatisho. ²⁸ Nite watsa nocadaca jliaji jipai maminajlidajli nite pafionda iwana. jliwayacaotsao jliaji napadajleca, ima maminajlina caotsa napji jipana Israel riicope, curi watsa apada jiyapacao jlirico. ²⁹ Nini watsa nanica nuaca jliaji Dios iminajliti, nowayaqueta werico jliaji jajledauca, jlicaute jliaji nanaitajli matsi. ³⁰ Nini pia atsia yenipe, nacaitepe pinaco pantinoma icuan nite panti riico tsaca napji yofacape yacajlerico, nacaite narsowaca naquitsiñape yapiya, wacao wamicarro cuamica jliaco warso jliaji inoparrotacaita Dios imenacanda. ³¹ Nini watsa nonaiquite inoca picaojle, caiji nanocapishomana aimawajlia nite naofacaotsao namicarro jliaji picaitejli, mitsa curim watsa nanaitaca caiji picaitecapisho, naoma nanaitaca jliaji jajledauca iyaada. ³² Ima caica narso piaji cancion papeyuaca shopasho, matsiadajli natoocaca nasho napji patocanpe, nini watsa namica jliaji picaitejli, mitsa curim cooca shepaca jliaji piaco. ³³ Nini jliyapaweri cuenaotsao nawaopia caotsa piapiaca jliaji inojli icaite yacoti matsidajli narso.