¹ Waminajli iaco inoca noicaojle, jliaco: ² Atsia yenipe, pinoparrota nite picaite, Waminajli icaite: Giman quenapaca jliawajli pinoca. ³ Tsomi quena jlinana: tsomitsa waminajli ionocarro. iyadaucajlico, quenaperiotsa napji jajledauca jlicoperri. ⁴ Jlimatsetan inuatsa Egipto riicojle, nafiocaotsa napji Etiopia nawacada nacua napji mayanperin Egipto jlicuite, napawericuatsa nawirrote, nite namatsi quetacaotsa nemacarrona. ⁵ Etiopia, Put nite Lud, pioni napji yofacape apada jipai nacojle, napiyaa napji jlicadani jliaco irso, piomi nawacaotsao matsetasho. ⁶ Waminajli iaco: nite napji iquitsindatacape Egipto nawacaotsao napadajleca ima. Migdol riicuite Sevene nirse nawaotsao napji natsojludaute matsetasho, icatsa cai jliaco jliaji Waminajli. ⁷ Jorsedajli nafietacacao pamoyua jipai maminajlicawa, piomi napji nayacajle napecojlicuatsana napji yacajle jliwayaquetani. ⁸ Nini watsa nanica nuaca jliaji Dios, tiiye jiwawericua Egipto naco, nite nowaya quetawerico napji iquitsin datacapebna. ⁹ Jliawajiotsa napji iedecape yacoti namotocaotsa nopeyajle nanicarrodajlico nafietecarro Etiopia iwadaque taimi yemacao, nini watsa jirapitaqueti jliawali Egipto iwayacacao. panaya, tsomitsa jlinocarro. ¹⁰ Waminajli icaite: nodecaotsa matsirri jlicaujle jliaji Egipto nowayecata carroni jlicapisho jliaji Nabucodonosor itajlicanati Babilonia dajli. ¹¹ Piomi napiya napji jlitsojlidaute, nawionda iwana napji yacajle, inocape imatsiqueta jipai; nataotsa namatsetan Egipto icuemawa nite napacanta caotsa Egipto mayamiperin sho. ¹² Nometata caotsa napji uuni, nite nowendecaotsa jipai nacapirico napji matsiperi. nocadawatsa maminajlina jliaji jipai nacapiricuite napji apana naiquinai yofacape pada jipai naco, nuaca cacojli iminajli. ¹³ Cai Wamninajli iaco: nowayaqueta caotsa idiote jinapian nite nadite jinapia mitsaca napji Menfis riicope. curim watsa pacapaca principenai Egipto riico, icamitsa pafiodaca iwana. ¹⁴ Nite nowaya quetaotsa Patros nite tiiye iwaotsa Zoan naco nite nocawatsa Tebas icapa. ¹⁵ Ima noirua iwaotsa jlinaco jliaji Sin, Egipto jidada, noyua watsa napji aimadan Tebas riicuite. ¹⁶ Nite watsa nocada tiiye jiwacao Egipto naco; jliaji Sin jliwape quetsa, wotamicaotsa jliaji Tebas, nite Menfis jlinuacacaotsa caidajliwetsa jliponda yapiya. ¹⁷ Napji yenpetiapape atsianai On nite Pibesset perri naino caotsana matsetashona, piomi napji yacajle Iran riicope. ¹⁸ Nite apjiTafnes riico, cadaucacaotsa jliawajli nowatacawericoo Egipto, nite jliaji naida ipanapadajleca jliwayacacao tsawa. nini watsa iyadauca idanatacaitana, nite naitonaipe iwacaotsao napapeca wajlena. ¹⁹ Norrapiteta caotsa Egipto, jlianicarro nuaca jliaji Iminajli Dios ²⁰ Nite jliawajli once jamojli, jlinitacacawao jliaji querri, siete cadanaco jliapii querrica, Waminajli iaco inoca nuicaojle, jliaco: ²¹ Atsia yenipe, oopi notocontaca jlinapa jliaji Faraon, itajlicanati Egipto dajli. icapa, curim cooca itapecani curim tsaca cooca iruetaca jlinaco venda, jlitatacaronta jlipacapa matseta. ²² Nini jliaco jliaji Waminajli Dios, panaya, nuaca Faraon icuema, itajlicanati Egipto dajli. notocuacaotsa jlinapa, jliaji caidani nite jliatsaca tocondajlin, nocadawatsa matseta iwacao jlicapiricuite. ²³ Nite watsa nopocotaca jliawa jliaji Egipto yacajle icuan, nopecuatsani paitapena jipai naco. ²⁴ Nocaida tacaotsa jlinapa jliaji itajlicanati Babilonia dajli, nua watsa jlicapirico nomatsetani nite notocua watsa jlinapa jliaji Faraon. jliyaotsa jlicaayasho jlicapa jliaji itajlicanati Babilonia. ²⁵ Nocaida taotsa jlinapa jliaji itajlicanati Babilonia dajli, mitsa jlinapa jliaji Faraon jliwa caotsao. Nite watsa najica nuaca jliaji Dios, noaca watsa jlicapirrico nomatsetani jlirso itajlicanati Babilonia dajli; jlinoshopao napji Egipto peri. ²⁶ Nopocota caotsa jliaji Egipto yacajle icuan nite tsacaotsa jipai nacona cojlena. nite nani watsa nuaca jliaji Dios.