¹ Jliawajlipia peema pacapi jamojli, doce caadanaco jliaji querri, Wamaninajli iaco inoca nuicaojle, jliaco: ² Atsia yenipe, pieniita piecua Faraon ioya, itajlicanati Egipto dajli, piniparrota jlicuete nite piomi Egito naaco. ³ Picaite caiji: Cai Waminajli iaco: icapa! nua iemaca picuema Faraon, itajlicanati Egipto djli. Pia cafainanadajli uuni macapawanjlico, picaite: nooyape piomi, nonaitani norsowao. ⁴ Ima nua watsa iruetaca epoi pinomajlico, nite watsa napji cuupe Nilo perri naruatsao piifinaco. norawatsa pia pamyuapao uuni ricuite piomi napiya napji cuupe irocape piifinaco. ⁵ Nopecuatsa pia maninajlinacawa, pia nite piomi napiya napji cuupe uuni ricope. piwaotsao wacadajlico jajlamicawa; curim watsa cooca iniwaca pia. nuacaotsa pirsona capji iñaodati naiñaope napji cafiperi jipainaco nite narso tsaca napji wipiruapape. ⁶ Nite watsa, piomi napji inaiqui iofacape Egipto riico nani watsa nuaca jliaji Waminajli, ima caicaa shaji jaiconasho Israel ipanajlico. ⁷ Pioofacada nacopia napaitenaco, toocomica pia nite pitocuaca piomi naateda; nite naorsuca cadanaco pinaco, tocondajli cadan pia mitsa pitocuaca nacawapi. ⁸ MItsa, Waminajli Dios icaite: panaya nodeca picuemao jliaji nomatsetani. noyua watdsa atsianai nite mafacajlinape tsaca. ⁹ Nite jliaji jipai Egipto caicaotsa jliafacaoji maminajli napisho nite quenadajlicani. nini watsa nanica nuaca jliaji Dios, ima caica jliaco jliaji maficajlina uuni riconi: nuaca jinaitaca jliaji uuni, nini noyadacani. ¹⁰ Nini watsa, panaya nua watsa yemaca picuemao nite jlicuemao jliaji uuni, ima nocadacaotsa jliaji Egipto jipaite maminajlinadarin nite nodietaotsa shia apada jipainaco catimanacawa ipaniati Migdol riicuite Sevene jinana yocacawao. ¹¹ Curiotsa apaita atsia jipa jiyapa nini curim tsaca napajlatanica napji mawicajli wacadlicope jiyapacano, maminajli nacaotsani cuarenta Jamojli. ¹² Ima nocada caotsa manajlina jliaji jipai Egipto napecojlico napji mamina jlinaperrin, nite nayacajle napecojlico napji yacajle maminajlinaperri tsaca cuarenta jamojli watsa maminajlinacani, nite watsa nodiaca Egipto riicojle napecojlico apana yacajle, nite paitapenaotsa nocadacani. ^{13 14} Waminajli Dios icaiteca caiji: jliyapa quenaotsawa cuarenta jamojli, nopietaotsa noniwaca Egipto napecojlicuite napji yacajle nopecojlipia nirsen. v 14 Nite nodie taotsani Patros riicojle, ima nini dajlipiaca yofacao, nidecaotsa natajlicanata mapadajle catsa. ¹⁵ Catsaotsa mapadajle cadajlica piomi ioya, curiotsa cuancaojlica nopieta norretana napecojlico napjia apana yacajle. nocawatsa tsodajlicana curicaro coancaojli napieta natajlicanataca jipainaco. ¹⁶ Napji egipcionai curitsa coancaojli napieta nacadaca nacaojleo jlinaco napji Israel ipaneta. icamitsa nawaopiajlica coamipiaca Israel jinaita matsi nacaojli Egipto riicojle naquitsidata carona. nite nanicaotsa nuaca jliaji Wamnaijli Dios. ¹⁷ Nite, jliawajli veintisiete jamajlicada nacocuenani, jlinitacadanoco jliaji querri, Waminajli iaco inoca noicaojle, jlicaite: ¹⁸ Atsia yenipe, Nabocodonosor, itajlicanati Babilonia dajli jlitsolodaute icadaca nadeeni jawiñadajli napji Tiro riicoperi. matsicojle quetsana nite cayaonin quetsa jliaji nateeda, mitsa jlia nite jlitsilodaute curim nacaoñacana napji Tiro nai jlicaute jliaji nadecajle jawiñadajli. ¹⁹ Nini, Waminajli Dios icaite caiji: panaya nuaca jliaji napaite napji Egipto nai jlirso jliaji Nabucodonosor, itajlicanati Babilonia dajli, jlidecaotsa piomi napji piwirrote, jlitaotsa piomi napji pinani cacuadaperri, jlidecaotsa coocacatsa jlioquetajli nini; catsaotsa nacuadaoca napji jlitsolidaute. ²⁰ Nuaca jlirso Egipto jipaite jlima jliaji nadejicajle curidajlipia jlicaoña, cai jliaco Waminajli. ²¹ Jliwajli, nocadaotsa itsowati itaoña Israel ipanajlicuite, nite watsa nacadaca cacoca pamoyuapao pia, nanicaro nuaca jliaji Waminajli Dios.