¹ Nite Waminajli iaco inoca noicaojle, jliaco: ² Atsia ienipe, picaite principenai Tiro perri irso: Cai Waminajli Dios iacoaji: padajledarica picaojlerico pia, cai piacoaji, nua jliaji dios, icatsa Dios iofacarrodaca pamuyuapao uuni macapawan 8 mitsa atsia pia curim diocani) mitsa pinaitacacao caiji apada dios icayosho. ³ Ima canique dajlipaca pia Daniel ioya, curim apada curica piani cuanshopacani. ⁴ Ima piricotacacao pianicapua pidenica nite pirsoca jorsedajli owirro nite pajlata tsaca piwaquetaca. ⁵ Pianicapua pidenica nite picambia tsaca nini jliwaquetacao jliaji piricoca, nini padajlejlica pia picaojlerico. ⁶ Nini, Wamnijli Dios iaco: mitsa picadacapua picaojlewa caiji apada dios icasho. ⁷ Nini watsa nodeeca picaojle apaana inaiqui picuemawa apada jipai nte perri, atsianai ifietetacape apaana jipai nacope. nite nadecaotsa picaojle namatsetan jlicaote jliaji pianique imatsiaca, nite namatsi quetaotsa pimatsiaca iacona. ⁸ Namena caotsa piawa irriricojle, nite mayaami caotsa pia nacayosho napji mayanperin pamuyuajle uuni macapawan. ⁹ ¿Capaotsa picaite jlirso jliaji inocaada pia: nua jliaji dios? ima atsiaca pia curim Dios caani, ima acaotsa pia jlicapirico jliaji inocaita pia. ¹⁰ Caiwatsa mayanca pia nacapirrico napji camatsicanaperi iofacape apada jipai naaco, caica nocaiteca, icatsa jlicatejlica jliaji waminajli Dios. ¹¹ Waminajli iaco inotsena noicaojle nite jliaco norso: ¹² Pia atsia yenipe, pinicua coyojle pia jlinaco jliaji itajlicanati Tiro dajli: cai jliaco Waminajli Dios: piapia nacapanda naicaowa, pacandajli pimatsicasho nite pianiquesho. ¹³ Eden ricopia piofacawa, Dios ipaniapirrico. apadape jipada matsiaperi iroca pinaco: rubi, topaz, esmeralda, crisolito, onix jaspe, safiro, turquesa nite berilo. piomi napji pinanidape nanaitanica owirrosho, jliawajli pimotucawa nanaitaca pirsona. ¹⁴ Nocadaca piofawa apji apaferrico wacada Santo Dios iyaruafwrico nuaroca pinaco aceite. apiaca pia pianica napecojlico napji jipada querrape matsia dajlipe. ¹⁵ Matsiapia piomi jliaji inipo pianicawao jliawajli pinitaca pianica jajledauca mitsa matsirri idenica picaojlerico. ¹⁶ Mitsa jlima jliaji jorse cajlenaca yomaca inaita negocio piapiya nini pinitaca pacamica pia matsidajlisho, nite pinaitaca matsi, nini nopecoca pia Dios jipaitenacuite, nowaya quetacaro pijipadate querraperi ioya pia ¹⁷ Ima padajle dajlipiaca pia pimatsiaca icaote, pimatsiquetaca pianique pimatsiadarroca ima, nopecoca pia jipai ioya nacapaotsa cuamica nonaitaca pirso napji itajlicanatinai ¹⁸ Ima jlima jliaji jorse cajlenaca napji pimatsicana nite cuamica pinaitaca riicocarropa pia, pimacuadataca jliaji pisantoarioni. Nini panaya, nocadaca tiiye imotuapioya jliatsaotsa jimaitaca pia: nocadawatsa jipai ipajlesho nacapacaruatsa piomi pirso. ¹⁹ Piomi napji yacajle yanicape pia nataotsa nacaojlewa; jorsedajli watsa nafietacacao, mitsa pia curim watsa coancaojlica pipietaca cawicatsena pia. ²⁰ Nite Waminajli yaco inotsenaca noicaojle nite jliaco: ²¹ Atsia yenipe, pienitaca piacua Sidon ioya nite pinoparrotac jlicuete. ²² Picaite: Waminajli Dios iaco: icapa, nuemacao picuema Sidon, ima nacaotsa norso matsiadajli picapacaruatsa nite watsa napji inaiquinai naji caotsa nuaca jlia Iminajliti, nocadaa cadanacuenaotsa picapa jliaji matsirri. nini watsa Santo dajlica nua. ²³ Nomena caotsa jipuati picaojle nite irranati pi callen riico, nawacaotsao napji mayanperin picaojle. jlimatsetan jiwaweri cuenaotsao caitecatsa, nini watsa pianica nuaca jliaji Iminajliti. ²⁴ Mitsa, curim watsa pacapacaa duwirrinape itudacape caiji Israel ipanajlico piomi napajlico tsaca napji curiperipia yomacani. ima nanicaotsa nuaca jliaji Waminajli Dios ²⁵ Cai Waminajli iaco: noniwa caojlinaotsa napaana napji Israel jaiteaji nadejlipia nirse naofawa, nite nuenitaca quenaotsa naoya, nataitacarro nacapacana napji apana jipai. nite nanaitaotsa napanawa jlinaco jipai noanda jlirso jliaji nonaiquite Jacob. ²⁶ Nite watsa, naofacao namadaca jliricuapi nanaitaotsa napanadapewa, nanaitaotsa napaniapirrewa, naofawatsao namawadaca jliwajli nocadaca nacaapa jlima jliaji curicapua naomapia nepacani, nini watsa nanica nuaca jliaji Waminajli Dios.